trump

ਵਾਸ਼ਿੰਗਟਨ, (ਏਜੰਸੀ) ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਚੀਨ ਦੇ ਨਾਲ ਵਪਾਰਕ ਲੜ੍ਹਾਈ ਨੂੰ ਹੋਰ ਤੇਜ਼ ਕਰ ਦਿਤਾ ਹੈ। ਟਰੰਪ ਨੇ ਚੀਨ ਦੇ 200 ਅਰਬ ਡਾਲਰ ਦੇ ਸਾਮਾਨ ਉਤੇ 10 ਫ਼ੀਸਦੀ ਜ਼ਿਆਦਾ ਫ਼ੀਸ ਲਗਾਉਣ ਦੀ ਯੋਜਨਾ ਦਾ ਖੁਲਾਸਾ ਕੀਤਾ ਹੈ। ਉਥੇ ਹੀ ਚੀਨ ਨੇ ਅਮਰੀਕਾ ਦੀ ਇਸ ਯੋਜਨਾ ਨੂੰ ਬਲੈਕਮੇਲ ਕਰਾਰ ਦਿੰਦੇ ਹੋਏ ਕਿਹਾ ਹੈ ਕਿ ਉਹ ਵੀ ਇਸ ਦੇ ਜਵਾਬ ਵਿਚ ਕਦਮ ਚੁੱਕਣ ਨੂੰ ਤਿਆਰ ਹੈ। ਦੁਨੀਆ ਦੀ ਦੋ ਸਭ ਤੋਂ ਵੱਡੀ ਅਰਥ ਵਿਅਵਸਥਾਵਾਂ ਵਿਚ ਮਤਭੇਦ ਲੰਬੇ ਸਮੇਂ ਤੋਂ ਚੱਲ ਰਿਹਾ ਹੈ। ਹੁਣ ਟਰੰਪ ਨੇ ਕਿਹਾ ਹੈ ਕਿ ਉਹ ਚੀਨ ਦੁਆਰਾ ਫ਼ੀਸ ਵਧਾਏ ਜਾਣ ਦੇ ਕਦਮ ਦੇ ਵਿਰੁੱਧ ਨਵੇਂ ਸ਼ੁਲਕ ਲਗਾਉਣ ਜਾ ਰਿਹਾ ਹੈ।

ਅਮਰੀਕੀ ਰਾਸ਼ਟਰਪਤੀ ਨੇ ਬਿਆਨ ਵਿਚ ਕਿਹਾ ਕਿ ਚੀਨ ਦੇ ਅਣ-ਉਚਿਤ ਵਿਵਹਾਰ ਨੂੰ ਰੋਕਣ ਲਈ ਇਹ ਕਾਰਵਾਈ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਚੀਨ ਉਤੇ ਅਪਣੇ ਅਪਣੇ ਅਣ-ਉਚਿਤ ਵਿਵਹਾਰ ਵਿਚ ਬਦਲਾਵ ਲਿਆਉਣ, ਅਮਰੀਕਾ ਦੇ ਉਤਪਾਦਾਂ ਲਈ ਆਪਣੇ ਬਾਜ਼ਾਰਾਂ ਨੂੰ ਖੋਲ੍ਹਣ ਅਤੇ ਸਾਡੇ ਨਾਲ ਸੰਤੁਲਿਤ ਵਪਾਰ ਸੰਬੰਧ ਕਾਇਮ ਕਰਣ ਦਾ ਦਬਾਅ ਪਵੇਗਾ। ਟਰੰਪ ਨੇ ਕਿਹਾ ਕਿ ਜੇਕਰ ਚੀਨ ਆਪਣੀਆਂ ਫ਼ੀਸਾਂ ਨੂੰ ਹੋਰ ਵਧਾਉਂਦਾ ਹੈ ਤਾਂ ਚੀਨ ਦੇ 200 ਅਰਬ ਡਾਲਰ ਦੇ ਸਾਮਾਨ ਉਤੇ 10 ਫ਼ੀਸਦੀ ਵਾਧੂ ਫ਼ੀਸ ਲਗਾਉਣ ਦੇ ਕਦਮ ਉਤੇ ਅੱਗੇ ਵਧਦਾ ਜਾਵੇਗਾ।

ਇਸ ਨਾਲ ਪਹਿਲਾਂ ਅਮਰੀਕਾ ਨੇ ਚੀਨ ਦੇ 50 ਅਰਬ ਡਾਲਰ ਦੇ ਸਮਾਨ ਜਾਂ ਉਤਪਾਦਾਂ ਉਤੇ 25 ਫ਼ੀਸਦੀ ਵਾਧੂ ਫ਼ੀਸ ਲਗਾਉਣ ਦੀ ਘੋਸ਼ਣਾ ਕੀਤੀ ਸੀ। ਇਸ ਤੋਂ ਬਾਅਦ ਚੀਨ ਨੇ ਵੀ ਜਵਾਬੀ ਕਾਰਵਾਈ ਕਰਦੇ ਹੋਏ ਅਮਰੀਕਾ ਦੇ 50 ਅਰਬ ਡਾਲਰ ਦੇ ਸਮਾਨ ਉਤੇ 25 ਫ਼ੀਸਦੀ ਵਾਧੂ ਫ਼ੀਸ ਲਗਾਉਣ ਦੀ ਘੋਸ਼ਣਾ ਕੀਤੀ ਸੀ।

ਉਥੇ ਹੀ ਬੀਜਿੰਗ ਤੋਂ ਮਿਲੀ ਖ਼ਬਰ ਦੇ ਅਨੁਸਾਰ ਚੀਨ ਨੇ ਅਮਰੀਕਾ ਦੁਆਰਾ ਉਸ ਦੇ 200 ਅਰਬ ਡਾਲਰ ਦੇ ਉਤਪਾਦਾਂ ਉਤੇ 10 ਫ਼ੀਸਦੀ ਦੀ ਵਾਧੂ ਫ਼ੀਸ ਲਗਾਉਣ ਦੀ ਯੋਜਨਾ ਨੂੰ ਬਲੈਕਮੇਲ ਕਰਾਰ ਦਿਤਾ ਹੈ। ਚੀਨ ਦੇ ਵਣਜ ਮੰਤਰਾਲਾ ਨੇ ਕਿਹਾ ਕਿ ਅਮਰੀਕਾ ਦੁਆਰਾ ਜੋ ਬਲੈਕਮੇਲ ਉਤੇ ਦਬਾਅ ਪਾਉਣ ਦਾ ਕਦਮ ਚੁੱਕਿਆ ਜਾ ਰਿਹਾ ਹੈ ਉਹ ਦੋਨਾਂ ਪੱਖਾਂ ਦੇ ਵਿਚ ਕਈ ਦੌਰ ਦੀਆਂ ਵਾਰਤਾਵਾਂ ਤੋਂ ਬਾਅਦ ਬਣੀ ਸਹਿਮਤੀ ਦੇ ਰੁਖ਼ ਤੋਂ ਉਲਟ ਹੈ।