5-year-old 'Irani Ronaldo' shows football skills

ਇਰਾਨ- ਤੁਸੀਂ ਕਈ ਹੈਰਾਨ ਕਰਨ ਵਾਲੀਆਂ ਖਬਰਾਂ ਤਾਂ ਸੁਣੀਆਂ ਹੀ ਹੋਣਗੀਆਂ ਪਰ ਹੁਣ ਇਰਾਨ ਤੋਂ ਇਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਇਕ ਨੰਨ੍ਹਾ ਫੁੱਟਬਾਲ ਖਿਡਾਰੀ ਫੁੱਟਬਾਲ ਦਾ ਇੰਨਾ ਮਾਹਿਰ ਹੈ ਕਿ ਤੁਸੀਂ ਵੀ ਇਸ ਦਾ ਹੁਨਰ ਦੇਖ ਕੇ ਵਾਹ-ਵਾਹ ਕਰੋਗੇ। ਭਾਰਤ ਦੇ ਮਸ਼ਹੂਰ ਕਾਰੋਬਾਰੀ ਆਨੰਦ ਮਹਿੰਦਰਾ ਤਾਂ ਇਸ ਇਰਾਨੀ ਬੱਚੇ ਦੇ ਹੁਨਰ ਤੋਂ ਕਾਫ਼ੀ ਪ੍ਰਭਾਵਤ ਹੋਏ ਹਨ। ਜਿਸ ਤੋਂ ਬਾਅਦ ਉਨ੍ਹਾਂ ਇਸ ਬੱਚੇ ਦਾ ਵੀਡੀਓ ਟਵੀਟ ਕੀਤਾ ਹੈ।

ਦਰਅਸਲ ਇਹ ਬੱਚਾ ਇਰਾਨ ਦਾ ਰਹਿਣ ਵਾਲਾ ਹੈ ਇਸ ਦਾ ਨਾਂਅ ਅਰਾਤ ਹੁਸੈਨੀ ਹੈ। ਆਨੰਦ ਮਹਿੰਦਰਾ ਇਰਾਨ ਦੇ ਇਸ 5 ਸਾਲਾ ਲੜਕੇ ਦੇ ਹੁਨਰ ਤੋਂ ਇੰਨੇ ਪ੍ਰਭਾਵਿਤ ਹੋਏ ਕਿ ਉਨ੍ਹਾਂ ਨੇ ਇਸ ਬੱਚੇ ਦਾ ਵੀਡੀਓ ਟਵੀਟ ਕਰਦਿਆਂ ਲਿਖਿਆ ਕਿ ''ਜਦੋਂ ਮੈਂ ਪਹਿਲੀ ਵਾਰ ਇਸ ਵੀਡੀਓ ਨੂੰ ਵਾਟਸਐਪ ਵੰਡਰ ਬਾਕਸ ਵਿਚ ਦੇਖਿਆ ਤਾਂ ਮੈਨੂੰ ਲੱਗਿਆ ਕਿ ਇਹ ਕੋਈ ਛੋਟੀ ਲੜਕੀ ਹੈ ਪਰ ਬਾਅਦ ਵਿਚ ਪਤਾ ਚੱਲਿਆ ਇਹ 5 ਸਾਲ ਦਾ ਇਕ ਇਰਾਨੀ ਲੜਕਾ ਹੈ।

ਜਿਸ ਦੀ ਕਲਾ ਤੋਂ ਮੈਂ ਬਹੁਤ ਪ੍ਰਭਾਵਿਤ ਹਾਂ...ਇੰਜੋਏ। ਆਨੰਦ ਮਹਿੰਦਰਾ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਹੋਰ ਹੁਨਰਮੰਦ ਲੋਕਾਂ ਦੇ ਵੀਡੀਓ ਸ਼ੇਅਰ ਕਰ ਚੁੱਕੇ ਹਨ। ਜਿਹੜੇ ਬਾਅਦ ਵਿਚ ਕਾਫ਼ੀ ਵਾਇਰਲ ਵੀ ਹੋਏ ਹਨ। ਸੋਸ਼ਲ ਮੀਡੀਆ 'ਤੇ ਇਸ ਬੱਚੇ ਦੇ ਕਾਫ਼ੀ ਵੀਡੀਓ ਮੌਜੂਦ ਹਨ। ਕੁੱਝ ਲੋਕ ਇਸ ਬੱਚੇ ਨੂੰ ਇਰਾਨ ਦਾ ਰੋਨਾਲਡੋ ਕਹਿ ਕੇ ਕੁਮੈਂਟ ਕਰ ਰਹੇ ਹਨ।