ਵਿਰਾਸਤੀ ਫ਼ਰਨੀਚਰ ਇਕ ਕਰੋੜ ਰੁਪਏ ’ਚ ਹੋਇਆ ਨੀਲਾਮ

Heritage furniture was auctioned for one crore rupees

 

ਚੰਡੀਗੜ੍ਹ : ਚੰਡੀਗੜ੍ਹ ਦਾ ਹੈਰੀਟੇਜ ਫਰਨੀਚਰ ਲਗਾਤਾਰ ਵਿਦੇਸ਼ਾਂ ਵਿਚ ਵੇਚਿਆ ਜਾ ਰਿਹਾ ਹੈ। ਜਦਕਿ ਨਿਲਾਮੀ ਦੀ ਅਗਾਊਂ ਸ਼ਿਕਾਇਤ ਕੀਤੀ ਜਾਂਦੀ ਹੈ ਪਰ ਕੇਂਦਰ ਸਰਕਾਰ ਸ਼ਹਿਰ ਦੇ ਫਰਨੀਚਰ ਨੂੰ ਵਿਕਣ ਤੋਂ ਰੋਕਣ ਵਿਚ ਕਾਮਯਾਬ ਨਹੀਂ ਹੋ ਰਹੀ। ਲੀ ਕਾਰਬੋਜੀਅਰ ਅਤੇ ਉਸ ਦੇ ਚਚੇਰੇ ਭਰਾ ਨੇ ਸ਼ਹਿਰ ਦੀਆਂ ਪ੍ਰਬੰਧਕੀ ਇਮਾਰਤਾਂ ਅਤੇ ਵਿਦਿਅਕ ਸੰਸਥਾਵਾਂ ਲਈ ਫਰਨੀਚਰ ਤਿਆਰ ਕੀਤਾ ਸੀ। ਹੁਣ ਉਹੀ ਫਰਨੀਚਰ ਹੈਰੀਟੇਜ ਵਜੋਂ ਵਿਦੇਸ਼ਾਂ ਵਿਚ ਨਿਲਾਮੀ ਘਰਾਂ ਵਿਚ ਵੇਚਿਆ ਜਾ ਰਿਹਾ ਹੈ। ਦੁੁਨੀਆ ਦੇ ਸਭ ਤੋਂ ਵੱਡੇ ਦੇਸ਼ ਅਮਰੀਕਾ ਵਿਚ ਇਸ ਵਾਰ ਚੰਡੀਗੜ੍ਹ?ਹ ਦੇ ਵਿਰਾਸਤੀ ਫਰਨੀਚਰ ਦੀ 20 ਜਨਵਰੀ ਨੂੰ ਨਿਲਾਮੀ ਕੀਤੀ ਗਈ। ਐਡਵੋਕੇਟ ਅਜੈ ਜੱਗਾ ਨੇ ਰਾਜ ਸਭਾ ਦੇ ਜਨਰਲ ਸਕੱਤਰ ਨੂੰ ਪੱਤਰ ਲਿਖ ਕੇ ਵੇਚੇ ਗਏ ਵਿਰਾਸਤੀ ਫਰਨੀਚਰ ਦੀ ਸ਼ਿਕਾਇਤ ਕੀਤੀ ਹੈ।

ਇਸ ਤੋਂ ਪਹਿਲਾਂ ਨਿਲਾਮੀ ਰੋਕਣ ਦੀ ਮੰਗ ਕੀਤੀ ਗਈ ਸੀ। ਇਸ ਨਿਲਾਮੀ ਵਿਚ 10 ਵਸਤੂਆਂ ਨੂੰ ਵਿਕਰੀ ਲਈ ਪ੍ਰਦਰਸ਼ਿਤ ਕੀਤਾ ਗਿਆ ਸੀ, ਜਿਸ ਵਿਚ 9 ਫਰਨੀਚਰ ਵੇਚੇ ਗਏ ਸਨ। ਇਹ 9 ਵਸਤੂਆਂ ਲਗਭਗ ਇਕ ਕਰੋੜ ਰੁਪਏ ਵਿਚ ਵਿਕੀਆਂ ਸਨ। ਜਦੋਂ ਕਿ ਆਰਮਚੇਅਰਾਂ ਦਾ ਸਭ ਤੋਂ ਮਹਿੰਗਾ ਸੈੱਟ ਵਿਕਿਆ ਨਹੀਂ ਹੈ।

ਜਿਸ ਦੀ ਕੀਮਤ 36.64 ਲੱਖ ਰੱਖੀ ਗਈ ਸੀ। ਜੱਗਾ ਅਨੁਸਾਰ 75 ਸਾਲ ਤੋਂ ਘੱਟ ਉਮਰ ਦੀ ਵਿਰਾਸਤ ਨੂੰ ਸੰਭਾਲਣ ਲਈ ਨਿਯਮ ਬਣਾਏ ਜਾਣੇ ਚਾਹੀਦੇ ਹਨ। ਚੰਡੀਗੜ੍ਹ ਦੇ ਵਿਰਾਸਤੀ ਲੇਖ ਇਸ ਸ਼ੇ?ਣੀ ਵਿਚ ਆਉਂਦੇ ਹਨ। ਚੰਡੀਗੜ੍ਹ ਦੀਆਂ ਵਿਰਾਸਤੀ ਵਸਤਾਂ ਵੱਖ-ਵੱਖ ਦੇਸ਼ਾਂ ਵਿਚ ਲਗਾਤਾਰ ਨਿਲਾਮ ਹੋ ਰਹੀਆਂ ਹਨ। ਅਗਾਊਂ ਨੋਟਿਸ ਦੇ ਕੇ ਵੀ ਉਨ੍ਹਾਂ ਨੂੰ ਕਦੇ ਨਹੀਂ ਰੋਕਿਆ ਜਾ ਸਕਿਆ। ਸ਼ਿਕਾਇਤ ਦੀ ਕਾਪੀ ਵਾਸ਼ਿੰਗਟਨ ਸਥਿਤ ਭਾਰਤੀ ਦੂਤਾਵਾਸ ਨੂੰ ਵੀ ਭੇਜੀ ਗਈ ਹੈ।