Four children killed in anti-tank mine explosion

ਨਾਰੋਵਾਲ: ਲਹਿੰਦੇ ਪੰਜਾਬ ਦੇ ਜ਼ਿਲ੍ਹਾ ਨਾਰੋਵਾਲ ਵਿਚ ਪੈਂਦੇ ਜ਼ਫਰਵਾਲ ਵਿਖੇ ਇਕ ਐਂਟੀ-ਟੈਂਕ ਮਾਈਨ ਵਿਸਫੋਟ ਵਿਚ ਚਾਰ ਬੱਚਿਆਂ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਰੈਸਕਿਊ ਟੀਮ ਨੇ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਜ਼ਖਮੀ ਬੱਚਿਆਂ ਨੂੰ ਡੀ.ਐਚ.ਕਿਊ ਹਸਪਤਾਲ ਪਹੁੰਚਾਇਆ। ਦਰਅਸਲ ਜ਼ਫਰਵਾਲ ਤਹਿਸੀਲ ਦੇ ਅਧੀਨ ਪੈਂਦੇ ਪਿੰਡ ਸਕਰੂਰ ਦੇ ਬੱਚਿਆਂ ਦਾ ਇਕ ਸਮੂਹ ਇਕ ਬਕਸੇ ਨਾਲ ਖੇਡ ਰਿਹਾ ਸੀ, ਇਸ ਦੌਰਾਨ ਅਚਾਨਕ ਇਕ ਬਕਸਾ ਫਟ ਗਿਆ।

ਧਮਾਕੇ ਦੌਰਾਨ ਮੁਹੰਮਦ ਮੁਸਤਫਾ (12), ਹੈਦਰ ਨਵਾਜ਼ ਅਤੇ ਮੁਹੰਮਦ ਸਾਦ (10) ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ 15 ਸਾਲਾ ਅਜ਼ਹਰ ਅਲੀ, 18 ਸਾਲਾ ਫਯਾਜ਼ ਅਲੀ ਅਤੇ 8 ਸਾਲਾ ਇਮਾਨ ਫਾਤਿਮਾ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਏ। ਬਚਾਅ ਟੀਮਾਂ ਨੇ ਮੌਕੇ ’ਤੇ ਪਹੁੰਚ ਕੇ ਕਾਰਵਾਈ ਸ਼ੁਰੂ ਕੀਤੀ ਅਤੇ ਜ਼ਖਮੀ ਬੱਚਿਆਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ।

Crime

ਜ਼ਿਲ੍ਹਾ ਐਮਰਜੈਂਸੀ ਅਫਸਰ ਨਈਮ ਅਖਤਰ ਨੇ ਬਚਾਅ ਕਾਰਜ ਦੀ ਨਿਗਰਾਨੀ ਕੀਤੀ। ਜ਼ਖਮੀ ਬੱਚਿਆਂ 'ਚੋਂ ਫਯਾਜ਼ ਅਲੀ ਨੇ ਹਸਪਤਾਲ ਜਾਂਦੇ ਸਮੇਂ ਰਸਤੇ 'ਚ ਦਮ ਤੋੜ ਦਿੱਤਾ। ਸਿਵਲ ਡਿਫੈਂਸ ਦੇ ਬੰਬ ਨਿਰੋਧਕ ਦਸਤੇ ਦੀ ਟੀਮ ਵੀ ਮੌਕੇ 'ਤੇ ਪਹੁੰਚੀ ਅਤੇ ਸਬੂਤ ਅਤੇ ਵਿਸਫੋਟਕ ਯੰਤਰਾਂ ਦੇ ਨਮੂਨੇ ਬਰਾਮਦ ਕੀਤੇ। ਜ਼ਿਲ੍ਹਾ ਅਧਿਕਾਰੀ ਅਸੀਮ ਰਿਆਜ਼ ਵਾਹਲਾ ਨੇ ਦੱਸਿਆ ਕਿ ਬੱਚੇ ਬਰਸਾਤੀ ਨਾਲੇ ਕੋਲ ਬਾਲਣ ਇਕੱਠਾ ਕਰ ਰਹੇ ਸਨ। ਉਹਨਾਂ ਕਿਹਾ ਕਿ ਬੱਚਿਆਂ ਨੂੰ ਇਕ ਬਾਕਸ ਮਿਲਿਆ ਜੋ ਫਟ ਗਿਆ। ਉਹਨਾਂ ਦਾ ਕਹਿਣਾ ਹੈ ਕਿ ਇਹ ਇਕ ਭਾਰਤੀ ਐਂਟੀ-ਟੈਂਕ ਮਾਈਨ ਸੀ।

ਡਿਪਟੀ ਕਮਿਸ਼ਨਰ ਸ਼ਹੀਦ ਫਰੀਦ ਨੇ ਬੰਬ ਨਿਰੋਧਕ ਦਸਤੇ ਨੂੰ ਡਰੇਨ ਦੇ ਕਿਨਾਰੇ ਬਾਰੀਕੀ ਨਾਲ ਤਲਾਸ਼ੀ ਲੈਣ ਦੇ ਹੁਕਮ ਦਿੱਤੇ ਹਨ। ਇਸ ਦੌਰਾਨ ਲੋਕਾਂ ਨੇ ਭਾਰਤ 'ਤੇ ਹਰ ਸਾਲ ਬਰਸਾਤ ਦੇ ਮੌਸਮ ਦੌਰਾਨ ਐਂਟੀ-ਟੈਂਕ ਮਾਈਨਜ਼ ਅਤੇ ਹੋਰ ਵਿਸਫੋਟਕ ਸਮੱਗਰੀ ਪਾਕਿਸਤਾਨ ਵੱਲ ਭੇਜਣ ਦਾ ਦੋਸ਼ ਲਗਾਇਆ। ਜ਼ਿਲ੍ਹਾ ਸਿਹਤ ਅਥਾਰਟੀ ਦੇ ਮੁੱਖ ਕਾਰਜਕਾਰੀ ਅਫ਼ਸਰ ਡਾ: ਖ਼ਾਲਿਦ ਜਾਵੇਦ ਨੇ ਦੱਸਿਆ ਕਿ ਦੋਵੇਂ ਜ਼ਖਮੀ ਬੱਚਿਆਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ।