45 dangerous snakes found at home

ਅਮਰੀਕਾ- ਘਰ ਵਿਚ ਜੇਕਰ ਇਕ ਸੱਪ ਦੇ ਹੋਣ ਦਾ ਪਤਾ ਲੱਗ ਜਾਵੇ ਤਾਂ ਘਬਰਾਹਟ ਅਤੇ ਡਰ ਨਾਲ ਹਰ ਕਿਸੇ ਦੀ ਹਾਲਤ ਖ਼ਰਾਬ ਹੋ ਜਾਂਦੀ ਹੈ ਪਰ ਜ਼ਰਾ ਸੋਚੋ ਉਸ ਵਿਅਕਤੀ ਦਾ ਕੀ ਹਾਲ ਹੋਇਆ ਹੋਵੇਗਾ ਜਦੋਂ ਉਸ ਨੂੰ ਪਤਾ ਚੱਲਿਆ ਕਿ ਉਸ ਦੇ ਘਰ ਵਿਚ ਇਕ ਨਹੀਂ ਬਲਕਿ 45 ਖ਼ਤਰਨਾਕ ਸੱਪ ਮੌਜੂਦ ਹਨ। ਇਹ ਘਟਨਾ ਅਮਰੀਕਾ ਦੇ ਟੈਕਸਾਸ ਵਿਚ ਰਹਿ ਰਹੇ ਇਕ ਵਿਅਕਤੀ ਨਾਲ ਵਾਪਰੀ ਦਰਅਸਲ ਇਕ ਦਿਨ ਉਸ ਦੀ ਕੇਬਲ ਤਾਰ ਖ਼ਰਾਬ ਹੋ ਗਈ ਤਾਂ ਉਹ ਕੇਬਲ ਠੀਕ ਕਰਨ ਲਈ ਘਰ ਦੇ ਹੇਠਾਂ ਬਣੇ ਬੇਸਮੈਂਟ ਵਿਚ ਗਿਆ ਪਰ ਹੇਠਾਂ ਦਾ ਖ਼ੌਫ਼ਨਾਕ ਮੰਜ਼ਰ ਦੇਖ ਕੇ ਉਸ ਦੇ ਹੋਸ਼ ਉੱਡ ਗਏ।

ਹੇਠਾਂ ਦੋ-ਤਿੰਨ ਰੈਟਿਲ ਸੱਪ ਬੈਠੇ ਸਨ।ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਜਿਸ ਨੂੰ 20 ਲੱਖ ਤੋਂ ਵੀ ਜ਼ਿਆਦਾ ਵਾਰ ਦੇਖਿਆ ਜਾ ਚੁੱਕਿਆ ਹੈ। ਇਸ ਤੋਂ ਬਾਅਦ ਉਸ ਨੇ ਤੁਰੰਤ ਸੱਪ ਹਟਾਉਣ ਵਾਲੀ ਟੀਮ ਬਿੱਗ ਕੰਟਰੀ ਸਨੇਕ ਰਿਮੂਵਲ ਨੂੰ ਬੁਲਾਇਆ ਪਰ ਜਦੋਂ ਟੀਮ ਨੇ ਹੇਠਾਂ ਜਾ ਕੇ ਜਾਂਚ ਪੜਤਾਲ ਕੀਤੀ ਤਾਂ ਉਥੇ ਵੱਡੀ ਗਿਣਤੀ ਵਿਚ ਰੈਟਿਲ ਸਨੇਕ ਨਜ਼ਰ ਆਏ ਟੀਮ ਨੇ ਕੁੱਲ 45  ਸੱਪਾਂ ਨੂੰ ਫੜ ਕੇ ਦੂਰ ਜੰਗਲ ਵਿਚ ਛੱਡ ਦਿਤਾ। ਇਹ ਪਹਿਲੀ ਵਾਰ ਨਹੀਂ ਹੋਇਆ ਜਦੋਂ ਟੈਕਸਾਸ ਵਿਚ ਇਸ ਤਰ੍ਹਾਂ ਵੱਡੀ ਗਿਣਤੀ ਵਿਚ ਸੱਪ ਮਿਲੇ ਹੋਣ ਇਸ ਤੋਂ ਪਹਿਲਾਂ ਸਾਲ 2018 ਵਿਚ ਇਕ ਘਰ ਤੋਂ 30 ਸੱਪ ਮਿਲੇ ਸਨ।