Human Urine

ਫਲੋਰਿਡਾ,  ( ਭਾਸ਼ਾ ) : ਅਮਰੀਕਾ ਦੇ ਫਲੋਰੀਡਾ ਵਿਖੇ ਰਹਿਣ ਵਾਲੀ ਇਕ ਲੜਕੀ ਅਪਣਾ ਪਿਸ਼ਾਬ ਬੇਚ ਕੇ ਘਰ ਬੈਠਿਆਂ ਹੀ ਲੱਖਾਂ ਰੁਪਏ ਕਮਾਉਂਦੀ ਸੀ। ਜਦ ਲੋਕਾਂ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਲੋਕ ਹੈਰਾਨ ਰਹਿ ਗਏ ਕਿ ਆਖਰ ਉਸ ਦੇ ਪਿਸ਼ਾਬ ਵਿਚ ਅਜਿਹਾ ਕੀ ਖਾਸ ਹੈ ਕਿ ਲੋਕ ਉਸ ਨੂੰ ਖਰੀਦਣ ਲਈ ਬੈਚੇਨ ਰਹਿੰਦੇ ਹਨ। ਕਾਲਜ ਵਿਚ ਪੜ੍ਹਨ ਵਾਲੀ ਇਕ ਲੜਕੀ ਨੇ ਆਨਲਾਈਨ ਇਸ਼ਤਿਹਾਰ ਸੇਵਾ ਤੇ ਅਪਣਾ ਪਿਸ਼ਾਬ ਵੇਚਣ ਲਈ ਇਸ਼ਤਿਹਾਰ ਦਿਤਾ ਸੀ। ਇਸ ਵਿਚ ਉਸ ਨੇ ਲਿਖਿਆ ਸੀ ਕਿ ਮੈਂ 3 ਮਹੀਨੇ ਦੀ ਗਰਭਵਤੀ ਹਾਂ।

ਜੋ ਵੀ ਮੇਰਾ ਪਾਜ਼ਿਟਿਵ ਪ੍ਰੈਗਨੇਂਸੀ ਟੇਸਟ ਅਤੇ ਪਿਸ਼ਾਬ ਦੀ ਕਿਸੇ ਖਾਸ ਕੰਮ ਲਈ ਵਰਤੋਂ ਕਰਨਾ ਚਾਹੁੰਦਾ ਹੈ ਤਾਂ ਉਸ ਨੂੰ ਮੈਂ ਇਹ ਦੇ ਸਕਦੀ ਹਾਂ। ਪਿਸ਼ਾਬ ਦੀਆਂ ਇਕ ਜਾਂ ਜੋ ਬੂੰਦਾਂ ਲਈ ਮੈਂ ਉਸ ਤੋਂ 25 ਡਾਲਰ ਚਾਰਜ ਕਰਾਂਗੀ। ਲੜਕੀ ਦੇ ਇਸ ਹੈਰਾਨ ਕਰ ਦੇਣ ਵਾਲੇ ਇਸ਼ਤਿਹਾਰ ਦੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਤੋਂ ਬਾਅਦ ਉਸ ਕੋਲ ਪਿਸ਼ਾਬ ਖਰੀਦਣ ਵਾਲਿਆਂ ਦੀ ਲਾਈਨ ਲੱਗ ਗਈ। ਲੜਕੀ ਦਾ ਪਿਸ਼ਾਬ ਖਰੀਦਣ ਵਾਲਿਆਂ ਵਿਚ ਜਿਆਦਾਤਰ ਲੜਕੀਆਂ ਅਤੇ ਔਰਤਾਂ ਸਨ। ਇਸ ਤਰ੍ਹਾਂ ਪਿਸ਼ਾਬ ਵੇਚ ਕੇ ਉਹ ਹਰ ਰੋਜ 200 ਡਾਲਰ ਕਮਾ ਲੈਂਦੀ ਸੀ।

ਖ਼ਬਰਾਂ ਮੁਤਾਬਕ ਲੜਕੀਆਂ ਉਸ ਪਿਸ਼ਾਬ ਨਾਲ ਪ੍ਰੈਗਨੇਂਸੀ ਟੈਸਟ ਕਰਦੀਆਂ ਸਨ ਅੇਤ ਪਾਜ਼ਿਟਿਵ ਪ੍ਰੈਗਨੇਂਸੀ ਟੈਸਟ ਨੂੰ ਦਿਖਾ ਕੇ ਅਜਿਹੇ ਪੁਰਸ਼ਾਂ ਨੂੰ ਬਲੈਕਮੇਲ ਕਰਨ ਦਾ ਕੰਮ ਕਰਦੀਆਂ ਸਨ ਜੋ ਉਨ੍ਹਾਂ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਸਰੀਰਕ ਸਬੰਧ ਬਣਾਉਂਦੇ ਸਨ ਅਤੇ ਫਿਰ ਵਿਆਹ ਤੋਂ ਮੁਕਰ ਜਾਂਦੇ ਸਨ। ਇਸ ਰਾਹੀ ਉਹ ਉਨ੍ਹਾਂ 'ਤੇ ਦਬਾਅ ਪਾਉਂਦੀਆਂ ਸਨ।

ਹਾਲਾਂਕਿ ਪਿਸ਼ਾਬ ਵੇਚਣ ਵਾਲੀ ਉਸ ਲੜਕੀ ਦਾ ਕਹਿਣਾ ਸੀ ਕਿ ਖਰੀਦਣ ਵਾਲੇ ਉਸ ਪਿਸ਼ਾਬ ਦਾ ਕੀ ਕਰਦੇ ਹਨ ਇਸ ਬਾਰੇ ਉਸ ਨੂੰ ਕੁਝ ਨਹੀਂ ਪਤਾ। ਉਸ ਦਾ ਕਹਿਣਾ ਸੀ ਕਿ ਅਜਿਹਾ ਕਰ ਕੇ ਉਹ ਲੱਖਾਂ ਰੁਪਏ ਕਮਾਉਂਦੀ ਹੈ ਅਤੇ ਇਹ ਸੱਭ ਉਹ ਇਸ ਲਈ ਕਰਦੀ ਸੀ ਤਾਂ ਕਿ ਉਹ ਅਪਣੇ ਕਾਲਜ ਦੀ ਫੀਸ ਭਰ ਸਕੇ।