file photo

ਨਵੀਂ ਦਿੱਲੀ: ਆਪਣਿਆਂ ਨੂੰ ਮਿਲਣ ਦਾ ਲੰਬਾ ਇੰਤਜ਼ਾਰ ਆਖਰਕਾਰ ਖ਼ਤਮ ਹੋ ਗਿਆ ਹੈ। ਕੋਰੋਨਾ ਵਾਇਰਸ ਦੇ ਮੱਦੇਨਜ਼ਰ ਦੇਸ਼ ਵਿਆਪੀ ਤਾਲਾਬੰਦੀ ਕਾਰਨ ਦੋ ਮਹੀਨਿਆਂ ਲਈ ਮੁਲਤਵੀ ਕੀਤੇ ਜਾਣ ਤੋਂ ਬਾਅਦ ਅੱਜ ਘਰੇਲੂ ਜਹਾਜ਼ਾਂ ਦੀ ਆਵਾਜਾਈ ਫਿਰ ਤੋਂ ਸ਼ੁਰੂ ਹੋ ਗਈ।

ਅਜਿਹੀ ਸਥਿਤੀ ਵਿੱਚ ਵੱਖ-ਵੱਖ ਰਾਜਾਂ ਵਿੱਚ ਫਸੇ ਲੋਕ ਆਪਣੇ ਘਰਾਂ ਨੂੰ ਰਵਾਨਾ ਹੋ ਗਏ ਹਨ। ਜਦੋਂ ਲੋਕ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਏਅਰਪੋਰਟ ਪਹੁੰਚ ਰਹੇ ਸਨ, ਤਾਂ ਇਕ 5 ਸਾਲ ਦਾ ਬੱਚਾ ਯਾਤਰਾ ਲਈ ਇਕੱਲੇ ਤੁਰ ਪਿਆ।

ਇਸ ਬਹਾਦਰ ਬੱਚੇ ਦਾ ਨਾਮ ਵਿਹਾਨ ਸ਼ਰਮਾ ਹੈ ਜੋ 3 ਮਹੀਨਿਆਂ ਤੋਂ ਆਪਣੀ ਮਾਂ ਤੋਂ ਦੂਰ ਰਹਿ ਰਿਹਾ। ਉਹ ਆਪਣੇ ਨਾਨਾ-ਨਾਨੀ ਨੂੰ ਮਿਲਣ ਲਈ ਦਿੱਲੀ ਗਿਆ ਸੀ, ਪਰ ਤਾਲਾਬੰਦੀ ਕਾਰਨ ਉਥੇ ਫਸ ਗਿਆ ਸੀ।

ਹੁਣ ਜਿਵੇਂ ਹੀ ਹਵਾਈ ਸੇਵਾ ਸ਼ੁਰੂ ਹੋਈ, ਉਹ ਇਕੱਲੇ ਦਿੱਲੀ ਤੋਂ ਬੇਂਗਲੁਰੂ  ਆ ਗਿਆ। ਇਸ ਮਾਸੂਮ ਬੱਚੇ ਨੂੰ ਵਿਸ਼ੇਸ਼ ਸ਼੍ਰੇਣੀ ਦੇ ਯਾਤਰੀ ਵਜੋਂ ਲਿਆਂਦਾ ਗਿਆ।
ਬੇਂਗਲੁਰੂ ਪਹੁੰਚਣ 'ਤੇ ਵਿਹਾਨ ਦੀ ਮਾਂ ਉਸ ਨੂੰ ਲੈਣ ਆਈ ਸੀ। 

ਜਦੋਂ ਫਲਾਈਟ ਅਟੈਂਡੈਂਟ ਨੇ ਬੱਚੇ ਨੂੰ ਉਸਦੀ ਮਾਂ ਨੂੰ ਸੌਪਿਆ ਤਾਂ ਉਹ ਭਾਵੁਕ ਹੋ ਗਏ। ਹਾਲਾਂਕਿ ਉਸਨੇ ਸਾਵਧਾਨੀਆਂ ਵਰਤਦੇ ਹੋਏ ਵਿਹਾਨ ਨੂੰ ਗਲੇ ਨਹੀਂ ਲਗਾਇਆ।

ਇਸ ਮਾਸੂਮ ਦੇ ਹੌਸਲੇ  ਨੂੰ ਵੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਵਿਹਾਨ ਦੀਆਂ ਕੁਝ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ, ਜਿਸ ਵਿਚ ਉਹ ਆਪਣੀ ਮਾਂ ਨੂੰ ਮਿਲ ਕੇ ਬਹੁਤ ਖੁਸ਼ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।