ਕੁਝ ਮਹੀਨੇ ਪਹਿਲਾਂ ਇਸ ਤਰ੍ਹਾਂ ਦੀਆਂ ਖਬਰਾਂ ਆਈਆਂ ਸਨ ਕਿ ਐਕਟਰ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਅਪਣੀ ਕੋ-ਸਟਾਰ ਸੰਜਨਾ ਸਾਂਘੀ...
ਨਵੀਂ ਦਿੱਲੀ (ਭਾਸ਼ਾ) : ਕੁਝ ਮਹੀਨੇ ਪਹਿਲਾਂ ਇਸ ਤਰ੍ਹਾਂ ਦੀਆਂ ਖਬਰਾਂ ਆਈਆਂ ਸਨ ਕਿ ਐਕਟਰ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਅਪਣੀ ਕੋ-ਸਟਾਰ ਸੰਜਨਾ ਸਾਂਘੀ ਦੇ ਨਾਲ ਛੇੜਛਾੜ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਸੰਜਨਾ, ਮੁਕੇਸ਼ ਛਾਬੜਾ ਦੀ ਡਾਇਰੈਕਟੋਰੀਅਲ ਡੈਬਿਊ ਫਿਲਮ ਵਿਚ ਕੰਮ ਕਰ ਰਹੀ ਸੀ। ਮੁਕੇਸ਼ ਬਾਲੀਵੁੱਡ ਦੇ ਇਕ ਚਰਚਿਤ ਕਾਸਟਿੰਗ ਡਾਇਰੈਕਟਰ ਹਨ। #MeToo ਅਭਿਆਨ ਤੋਂ ਬਾਅਦ ਸੁਸ਼ਾਂਤ ਦਾ ਨਾਮ ਇਕ ਵਾਰ ਫਿਰ ਤੋਂ ਮਾਇਕ੍ਰੋਬਲਾਗਿੰਗ ਸਾਈਟ ਟਵਿੱਟਰ ਉਤੇ ਟ੍ਰੇਂਡ ਕਰਨ ਲਗਾ ਹੈ।
Sanjana Sanghi & Sushant Singh Rajput ਸੁਸ਼ਾਂਤ ਨੇ ਉਨ੍ਹਾਂ ‘ਤੇ ਲੱਗੇ ਦੋਸ਼ਾਂ ਦਾ ਜਵਾਬ ਦਿਤਾ ਅਤੇ ਸੰਜਨਾ ਦੇ ਨਾਲ ਉਨ੍ਹਾਂ ਦੀ ਗੱਲਬਾਤ ਦੀ ਚੈਟ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ। ਸੁਸ਼ਾਂਤ ਨੇ ਜਿਸ ਟਵੀਟ ਵਿਚ ਦੋਸ਼ਾਂ ਦਾ ਵਿਰੋਧ ਕੀਤਾ ਹੈ ਉਸ ਟਵੀਟ ਨੂੰ ਬਾਅਦ ਵਿਚ ਹਟਾ ਦਿਤਾ। ਹਾਲਾਂਕਿ ਸਾਂਘੀ ਦੇ ਨਾਲ ਉਨ੍ਹਾਂ ਦੀ ਚੈਟ ਨੂੰ ਉਨ੍ਹਾਂ ਨੇ ਰਿਮੂਵ ਨਹੀ ਕੀਤਾ ਹੈ। ਮੁਕੇਸ਼ ਛਾਬੜਾ ਨੇ ਵੀ ਸੁਸ਼ਾਂਤ ‘ਤੇ ਲੱਗੇ ਦੋਸ਼ਾਂ ਦਾ ਵਿਰੋਧ ਕੀਤਾ ਹੈ। ਇਸ ਵਿਚ ਸੁਸ਼ਾਂਤ ‘ਤੇ ਲੱਗੇ ਦੋਸ਼ਾਂ ਤੋਂ ਬਾਅਦ ਮਾਇਕ੍ਰੋਬਲਾਗਿੰਗ ਸਾਈਟ ਟਵਿੱਟਰ ਨੇ ਸੁਸ਼ਾਂਤ ਦੇ ਅਕਾਉਂਟ ਨੂੰ ਅਨਵੈਰੀਫਾਈ ਕਰ ਦਿਤਾ ਅਤੇ ਅਕਾਉਂਟ ਦੇ ਅਧਿਕਾਰਿਕ ਹੋਣ ਦੀ ਜਾਂਚ ਕਰਨ ਵਾਲਾ ਬਲੂ ਟਿਕ ਹਟਾ ਦਿਤਾ ਹੈ।
ਟਵਿੱਟਰ ਦੁਆਰਾ ਲਏ ਗਏ ਇਸ ਐਕਸ਼ਨ ਤੋਂ ਬਾਅਦ ਮਾਇਕ੍ਰੋਬਲਾਗਿੰਗ ਸਾਈਟ ‘ਤੇ ਸੁਸ਼ਾਂਤ ਦੇ ਬਾਰੇ ਵਿਚ ਗੱਲਬਾਤ ਹੋਰ ਜ਼ਿਆਦਾ ਹੋ ਰਹੀ ਹੈ। ਬਾਲੀਵੁੱਡ ਲਾਈਫ਼ ਨੇ ਅਪਣੀ ਇਕ ਰਿਪੋਟ ਵਿਚ ਇਸ ਘਟਨਾ ਦਾ ਜ਼ਿਕਰ ਕਰਦੇ ਹੋਏ ਇਕ ਸਾਹਮਣੇ ਦੇਖਣ ਵਾਲੇ ਦੇ ਬਿਆਨ ਦਾ ਜ਼ਿਕਰ ਕੀਤਾ ਹੈ। ਬਿਆਨ ਦੇ ਮੁਤਾਬਕ, ਸੁਸ਼ਾਂਤ ਸੈਟ ‘ਤੇ ਮੌਜੂਦ ਅਪਣੀ ਕੋ-ਸਟਾਰ ਨੂੰ ਬਹੁਤ ਅਸਹਿਜ ਮਹਿਸੂਸ ਕਰਾ ਰਹੇ ਸਨ। ਉਹ ਕਈ ਵਾਰ ਉਨ੍ਹਾਂ ਦੀ ਪਰਸਨਲ ਸਪੇਸ ‘ਤੇ ਉਲੰਘਣਾ ਕਰ ਰਹੇ ਸਨ ਅਤੇ ਉਨ੍ਹਾਂ ‘ਤੇ ਫਲਰਟਿੰਗ ਕਮੈਂਟਸ ਪਾਸ ਕਰ ਰਹੇ ਸਨ।
Actress Sanjana Sanghiਉਨ੍ਹਾਂ ਦੇ ਇਸ ਵਰਤਾਓ ਦੀ ਸ਼ਿਕਾਇਤ ਐਕਟਰੈਸ ਨੇ ਮੁਕੇਸ਼ ਛਾਬੜਾ ਨੂੰ ਕੀਤੀ ਉਨ੍ਹਾਂ ਨੇ ਮਾਮਲੇ ਨੂੰ ਇੰਡਸਟਰੀ ਵਿਚ ਹੋਣ ਵਾਲਾ ਆਮ ਵਰਤਾਓ ਕਹਿ ਤੇ ਮਾਮਲਾ ਰਫਾ-ਦਫਾ ਕਰ ਦਿਤਾ। ਸਾਹਮਣੇ ਦੇਖਣ ਵਾਲੇ ਨੇ ਦੱਸਿਆ ਕਿ ਕੁੜੀ ਦੇ ਮਾਤਾ-ਪਿਤਾ ਇਸ ਮਾਮਲੇ ਵਿਚ ਗੱਲ ਕਰਨ ਲਈ ਅਗਲੇ ਦਿਨ ਨਿਰਦੇਸ਼ਕ ਦੇ ਕੋਲ ਪੁੱਜੇ। ਉਨ੍ਹਾਂ ਨੇ ਜਦੋਂ ਨਿਰਦੇਸ਼ਕ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਇਸ ਗੱਲ ਨੂੰ ਹਾਸੇ ਵਿਚ ਪਾ ਦਿਤਾ ਅਤੇ ਕਿਹਾ ਕਿ ਜੇਕਰ ਉਹ ਚਾਹੁੰਦੇ ਹਨ ਕਿ ਉਨ੍ਹਾਂ ਦੀ ਬੇਟੀ ਇਸ ਇੰਡਸਟਰੀ ਵਿਚ ਲੰਮੀ ਪਾਰੀ ਖੇਡੇ ਤਾਂ ਉਹ ਅਪਣਾ ਜਿਗਰ ਮਜ਼ਬੂਤ ਰੱਖਣ।
