ਤਾਜ਼ਾ ਖ਼ਬਰਾਂ

Advertisement

ਪੰਜਾਬੀ ਫ਼ਿਲਮ 'ਰੰਗ ਪੰਜਾਬ' ਦੇ ਟ੍ਰੇਲਰ ਨੂੰ ਮਿਲਿਆ ਭਰਪੂਰ ਹੁੰਗਾਰਾ

ROZANA SPOKESMAN
Published Nov 4, 2018, 2:54 pm IST
Updated Nov 4, 2018, 2:54 pm IST
ਸੋਸ਼ਲ ਮੀਡੀਆ 'ਤੇ ਇਸ ਵੱਖਰੇ ਕਿਸਮ ਦੀ ਫ਼ਿਲਮ ਦੀ ਚਰਚਾ ਜ਼ੋਰਾਂ 'ਤੇ , 23 ਨਵੰਬਰ ਨੂੰ ਹੋਵੇਗੀ ਰਿਲੀਜ਼...
Great response to Punjabi movie trailer 'Rang Punjab'
 Great response to Punjabi movie trailer 'Rang Punjab'

ਚੰਡੀਗੜ੍ਹ (ਸਸਸ) : ਇਸੇ ਮਹੀਨੇ 23 ਨਵੰਬਰ ਨੂੰ ਰਿਲੀਜ਼ ਹੋ ਰਹੀ ਪੰਜਾਬੀ ਫ਼ਿਲਮ 'ਰੰਗ ਪੰਜਾਬ' ਦੇ ਟ੍ਰੇਲਰ ਨੂੰ ਮਿਲ ਰਹੇ ਸ਼ਾਨਦਾਰ ਹੁੰਗਾਰੇ ਨੇ ਇਹ ਸਾਬਿਤ ਕਰ ਦਿਤਾ ਹੈ ਕਿ ਪੰਜਾਬੀ ਦਰਸ਼ਕ ਹੁਣ ਕੁਝ ਵੱਖਰਾ ਵੇਖਣਾ ਚਾਹੁੰਦੇ ਹਨ। ਵਿਆਹਾਂ, ਕਾਮੇਡੀ ਅਤੇ ਪੁਰਾਤਨ ਪੰਜਾਬ ਦੀਆਂ ਫ਼ਿਲਮਾਂ ਤੋਂ ਉਕਤਾ ਚੁੱਕੇ ਦਰਸ਼ਕਾਂ ਲਈ ਇਹ ਫ਼ਿਲਮ ਕਿਸੇ ਤਾਜ਼ਗੀ ਤੋਂ ਘੱਟ ਨਹੀਂ ਹੈ। ਸ਼ੁੱਕਰਵਾਰ ਨੂੰ ਇਸ ਫ਼ਿਲਮ ਦਾ ਟ੍ਰੇਲਰ ਸੋਸ਼ਲ ਮੀਡੀਆ 'ਤੇ ਰਿਲੀਜ਼ ਕੀਤਾ ਗਿਆ, ਜਿਸ ਨੂੰ ਕੁਝ ਘੰਟਿਆਂ 'ਚ ਹੀ ਕਰੀਬ 10 ਲੱਖ ਲੋਕਾਂ ਨੇ ਵੇਖਿਆ।

Rang Punjab MovieRang Punjab Movie23 ਨਵੰਬਰ ਨੂੰ ਰਿਲੀਜ਼ ਹੋ ਰਹੀ ਇਸ ਫ਼ਿਲਮ ਦੀ ਕਹਾਣੀ ਗੁਰਪ੍ਰੀਤ ਭੁੱਲਰ ਨੇ ਲਿਖੀ ਹੈ, ਜਦਕਿ ਨਿਰਦੇਸ਼ਨ ਰਾਕੇਸ਼ ਮਹਿਤਾ ਨੇ ਕੀਤਾ ਹੈ। ਪੰਜਾਬ ਦੁਆਲੇ ਘੁੰਮਦੀ ਇਹ ਫ਼ਿਲਮ ਐਕਸ਼ਨ, ਰੁਮਾਂਸ ਅਤੇ ਡਰਾਮਾ ਜ਼ੋਨਰ ਦੀ ਫ਼ਿਲਮ ਹੈ, ਜੋ ਭਰਪੂਰ ਮਨੋਰੰਜਨ ਦੇ ਨਾਲ-ਨਾਲ ਪੰਜਾਬ ਨਾਲ ਜੁੜੇ ਕਈ ਅਹਿਮ ਖੁਲਾਸੇ ਵੀ ਕਰੇਗੀ। ਫ਼ਿਲਮ ਦੇ ਟ੍ਰੇਲਰ ਮੁਤਾਬਕ ਇਹ ਫ਼ਿਲਮ ਇਕ ਅਜਿਹੇ ਪੁਲਿਸ ਅਫ਼ਸਰ ਅਤੇ ਗੈਂਗਸਟਰ ਦੀ ਕਹਾਣੀ ਹੈ, ਜੋ ਸਮਾਜ ਦਾ ਅਹਿਮ ਹਿੱਸਾ ਹਨ।

Loading...

Rang PunjabRang Punjabਪੰਜਾਬੀ ਫ਼ਿਲਮ 'ਜੋਰਾ 10 ਨੰਬਰੀਆ' ਨਾਲ ਚਰਚਾ 'ਚ ਆਇਆ ਦੀਪ ਸਿੱਧੂ ਇਸ ਫ਼ਿਲਮ 'ਚ ਇਕ ਪੁਲਿਸ ਅਫ਼ਸਰ ਦੇ ਕਿਰਦਾਰ 'ਚ ਨਜ਼ਰ ਆਇਆ ਹੈ। ਦੀਪ ਦੀ ਇਹ ਨਵੀਂ ਲੁੱਕ ਦਰਸ਼ਕਾਂ ਵੱਲੋਂ ਪਸੰਦ ਕੀਤੀ ਜਾ ਰਹੀ ਹੈ। ਇਹ ਫ਼ਿਲਮ ਪੁਲਿਸ ਪੰਜਾਬ, ਪੰਜਾਬ ਦੀ ਸਿਆਸਤ ਅਤੇ ਗੁੰਡਾ ਕਲਚਰ ਦੁਆਲੇ ਘੁੰਮਦੀ ਹੈ। ਫ਼ਿਲਮ 'ਚ ਇਕ ਖ਼ੂਬਸੂਰਤ ਪ੍ਰੇਮ ਕਹਾਣੀ ਵੀ ਨਜ਼ਰ ਆ ਰਹੀ ਹੈ।  ਬਾਲੀਵੁੱਡ ਦੇ ਦਿੱਗਜ ਐਕਟਰ ਡਾਇਰੈਕਟਰ ਟੀਨੂ ਵਰਮਾ ਵਲੋਂ ਫ਼ਿਲਮਾਇਆ ਗਿਆ ਐਕਸ਼ਨ ਫ਼ਿਲਮ ਨੂੰ ਇਕ ਵੱਖਰੀ ਲੁੱਕ ਪ੍ਰਦਾਨ ਕਰ ਰਿਹਾ ਹੈ।

Rang PunjabRang Punjab ​ਫ਼ਿਲਮ ਦੀ ਹੀਰੋਇਨ ਖ਼ੂਬਸੂਰਤ ਅਦਾਕਾਰਾ ਰੀਨਾ ਰਾਏ ਹਨ। ਕਰਤਾਰ ਚੀਮਾ, ਜਗਜੀਤ ਸੰਧੂ, ਧੀਰਜ ਕੁਮਾਰ, ਜਗਜੀਤ ਕੁਮਾਰ, ਮਹਾਂਵੀਰ ਭੁੱਲਰ, ਹੌਬੀ ਧਾਲੀਵਾਲ, ਅਸ਼ੀਸ਼ ਦੁੱਗਲ, ਬਨਿੰਦਰ ਬਨੀ, ਗੁਰਜੀਤ ਸਿੰਘ ਅਤੇ ਕਰਨ ਬੱਟਾਨ ਸਮੇਤ ਕਈ ਚਰਚਿਤ ਕਲਾਕਾਰ ਇਸ ਫ਼ਿਲਮ 'ਚ ਨਜ਼ਰ ਆ ਰਹੇ ਹਨ। ਇਸ ਫ਼ਿਲਮ ਦੇ ਡਾਇਲਾਗ ਅਮਰਦੀਪ ਸਿੰਘ ਗਿੱਲ ਦੇ ਲਿਖੇ ਹਨ। ਫ਼ਿਲਮ ਦੇ ਗੀਤ ਵੀ ਉਨ੍ਹਾਂ ਅਤੇ ਮਨਪ੍ਰੀਤ ਟਿਵਾਣਾ ਦੇ ਸਿਰਜੇ ਹੋਏ ਹਨ। ​

Rang PunjabRang Punjabਫ਼ਿਲਮ ਦੇ ਟ੍ਰੇਲਰ ਸਬੰਧੀ ਦਰਸ਼ਕਾਂ ਦਾ ਕਹਿਣਾ ਹੈ ਕਿ ਇਕੋ ਜਿਹੀਆਂ ਕਹਾਣੀਆਂ 'ਚ ਉਲਝੇ ਹੋਏ ਪੰਜਾਬੀ ਸਿਨੇਮੇ ਨੂੰ ਅਜਿਹੀਆਂ ਵੱਖਰੇ ਤੇ ਸੱਚਾਈ ਨਾਲ ਵਾਸਤਾ ਰੱਖਣ ਵਾਲੀਆਂ ਫ਼ਿਲਮਾਂ ਦੀ ਬੇਹੱਦ ਜ਼ਰੂਰਤ ਹੈ। ਇਸ ਤਰ੍ਹਾਂ ਦੀਆਂ ਫ਼ਿਲਮਾਂ ਹੀ ਪੰਜਾਬੀ ਸਿਨੇਮੇ ਨੂੰ ਹਰ ਪੱਖ ਤੋਂ ਉੱਚਾ ਚੁੱਕ ਸਕਦੀਆਂ ਹਨ। ਆਸ ਕੀਤੀ ਜਾ ਰਹੀ ਹੈ ਕਿ ਜਿਸ ਤਰ੍ਹਾਂ ਫ਼ਿਲਮ ਦੇ ਟ੍ਰੇਲਰ ਨੂੰ ਹਰ ਪਾਸਿਓਂ ਸ਼ਾਨਦਾਰ ਹੁੰਗਾਰਾ ਮਿਲ ਰਿਹਾ ਹੈ, ਫ਼ਿਲਮ ਨੂੰ ਵੀ ਦਰਸ਼ਕ ਇਸੇ ਤਰ੍ਹਾਂ ਭਰਪੂਰ ਹੁੰਗਾਰਾ ਦੇਣਗੇ।   

Advertisement
Loading...
Advertisement

 

Advertisement
Loading...
Advertisement
Loading...