ਭਾਰਤੀ ਹਾਕੀ ਖਿਡਾਰੀ ਤੇ ਸਾਬਕਾ ਕੈਪਟਨ ਸੰਦੀਪ ਸਿੰਘ ਦੇ ਜੀਵਨ ਤੇ ਅਧਾਰਿਤ ਫ਼ਿਲਮ 'ਸੂਰਮਾ'......
ਭਾਰਤੀ ਹਾਕੀ ਖਿਡਾਰੀ ਤੇ ਸਾਬਕਾ ਕੈਪਟਨ ਸੰਦੀਪ ਸਿੰਘ ਦੇ ਜੀਵਨ ਤੇ ਅਧਾਰਿਤ ਫ਼ਿਲਮ 'ਸੂਰਮਾ' ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਕਾਮਯਾਬੀ ਦੇ ਮਿਆਰ ਤੇ ਪਹੁੰਚ ਚੁੱਕੀ ਹੈ। ਹਾਲਾਂਕਿ ਦਰਸ਼ਕਾਂ ਲਈ ਇਹ ਫ਼ਿਲਮ ਪਰਦੇ 'ਤੇ ਕੱਲ੍ਹ ਨੂੰ ਉੱਤਰੇਗੀ ਪਰ ਦਿਲਜੀਤ ਦੋਸਾਂਝ ਦੀ ਫ਼ਿਲਮ 'ਸੂਰਮਾ' ਦੀ ਕੱਲ੍ਹ ਰਾਤ ਮੁੰਬਈ ਵਿਚ ਸਪੇਸ਼ਲ ਸਕਰੀਨਿੰਗ ਰੱਖੀ ਗਈ। ਬਾਲੀਵੁਡ ਸਿਤਾਰੀਆਂ ਨੇ 'ਸੂਰਮਾ' ਦਾ ਪ੍ਰੀਵਿਊ ਰਿਵਿਊ ਦੇਕੇ ਫ਼ਿਲਮ ਵਿਚ ਦਿਲਜੀਤ ਦੇ ਕੰਮ ਨੂੰ ਸ਼ਾਨਦਾਰ ਦੱਸਿਆ ਹੈ।
ਬਾਲੀਵੁਡ ਸਟਾਰਸ ਨੇ ਕਿਹਾ ਕਿ ਡਾਇਰੇਕਟਰ ਸ਼ਾਦ ਅਲੀ ਨੇ ਸੰਦੀਪ ਸਿੰਘ ਦੀ ਕਹਾਣੀ ਨੂੰ ਕਾਫ਼ੀ ਖ਼ੂਬਸੂਰਤੀ ਦੇ ਨਾਲ ਵੱਡੇ ਪਰਦੇ ਉੱਤੇ ਵਖਾਇਆ ਹੈ। ਅਦਾਕਾਰਾ ਦਿਵਿਆ ਦੱਤਾ ਨੇ ਆਪਣਾ ਰਿਵਿਊ ਦਿੰਦੇ ਹੋਏ ਕਿਹਾ ਕਿ 'ਸੂਰਮਾ' ਪ੍ਰੇਰਣਾਦਾਇਕ ਫ਼ਿਲਮ ਹੈ। ਫ਼ਿਲਮ ਕ੍ਰਿਟਿਕ ਤਰਣ ਆਦਰਸ਼ ਨੇ ਫ਼ਿਲਮ ਨੂੰ 3.5 ਸਟਾਰ ਦਿੱਤੇ ਹਨ ਅਤੇ ਕਹਾਣੀ ਨੂੰ ਖ਼ੂਬਸੂਰਤ ਦੱਸਿਆ ਹੈ। ਸਚਿਨ ਤੇਂਦੁਲਕਰ , ਰਵਿ ਸ਼ਾਸਤਰੀ ਵੀ ਫਿਲਮ ਦੀ ਸਕਰੀਨਿੰਗ ਵਿੱਚ ਪੁੱਜੇ ਅਤੇ ਦੋਨਾਂ ਨੇ ਹੀ ਦਿਲਜੀਤ , ਸੰਦੀਪ ਸਿੰਘ ਦੀ ਤਾਰੀਫ ਕਰਦੇ ਹੋਏ ਫਿਲਮ ਦੇ ਬਾਰੇ ਵਿੱਚ ਚੰਗੇ ਰਿਵਿਊ ਦਿੱਤੇ ਹੈ।
ਹੁਣ ਫਿਲਮ ਹੋਵੇ ਤੇ ਉਸ ਵਿਚ ਰੋਮਾਂਸ ਨਾ ਹੋਵੇ ਇਹ ਕਿਸ ਤਰਾਂਹ ਹੋ ਸਕਦਾ ਹੈ? ਇਸ ਫਿਲਮ 'ਚ ਦਰਸ਼ਕ ਸੰਦੀਪ ਸਿੰਘ ਦੇ ਹਾਕੀ ਖੇਡਣ ਤੋਂ ਲੈਕੇ ਉਨ੍ਹਾਂ ਦੀ ਲਵ ਲਾਈਫ਼ ਨੂੰ ਵੀ ਪਰਦੇ ਤੇ ਦੇਖ ਸਕਣਗੇ। ਤੇ ਉਹ ਮੰਜ਼ਰ ਵੀ ਜਦੋਂ ਇਹ ਸੂਰਮਾ ਵਹੀਲ ਚੇਅਰ ਤੇ ਜਾ ਲੱਗਾ ਸੀ ਤੇ ਫੇਰ ਕਿਸ ਤਰਾਂਹ ਇਹ ਸਾਰਾ ਸੰਘਰਸ਼ ਉਸਨੇ ਲੜਿਆ ਤੇ ਮੁੜ ਫੇਰ ਉਹ ਆਪਣੇ ਪੈਰਾਂ ਤੇ ਖੜਾ ਹੋਇਆ ਤੇ ਭਾਰਤ ਲਈ ਖੇਡਣ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕੀਤਾ। ਤਾਹੀਂ ਕਿਹਾ ਗਿਆ ਹੈ ਕਿ ਜਦ ਇਕ ਚੈਮਪੀਅਨ ਮਰਿਆ, ਪਰ ਇਕ ਲੇਜੇਂਡ ਦਾ ਜਨਮ ਹੋਇਆ।
ਦਸ ਦਈਏ ਕਿ ਇੱਕ ਟ੍ਰੇਨ ਯਾਤਰਾ ਵਿਚ ਉਨ੍ਹਾਂ ਉੱਤੇ ਗੋਲੀ ਚੱਲਣ ਦੀ ਵਜ੍ਹਾ ਨਾਲ ਕਮਰ ਦੇ ਹੇਠੋਂ ਲਕਵਾਗਰਸਤ ਹੋ ਜਾਣ ਕਰਕੇ ਸੰਦੀਪ ਸਿੰਘ ਭਾਰਤੀ ਹਾਕੀ ਟੀਮ ਦੇ ਪੂਰਵ ਕਪਤਾਨ ਸੰਦੀਪ ਸਿੰਘ ਦੇਸ਼ ਲਈ ਦੋ ਸਾਲ ਤੱਕ ਹਾਕੀ ਨਹੀਂ ਖੇਲ ਪਾਏ ਸਨ। ਪਰ ਆਪਣੇ ਹੌਂਸਲੇ ਅਤੇ ਖੇਲ ਦੇ ਪ੍ਰਤੀ ਜਨੂੰਨ ਨਾਲ ਵਾਪਸ ਆਪਣੇ ਪੈਰਾਂ ਉੱਤੇ ਖੜੇ ਹੋਏ ਅਤੇ ਕਈ ਵਰਲ੍ਡ ਰਿਕਾਰਡ ਦੇਸ਼ ਦੇ ਨਾਮ ਕੀਤੇ।
ਫ਼ਿਲਮ ਵਿੱਚ ਸੰਦੀਪ ਸਿੰਘ ਦੀ ਕਹਾਣੀ ਨੂੰ ਵੱਡੇ ਪਰਦੇ ਉੱਤੇ ਦਿਲਜੀਤ ਦੋਸਾਂਝ ਨੇ ਸ਼ਾਨਦਾਰ ਢ਼ੰਗ ਨਾਲ ਉਤਾਰਿਆ ਹੈ। ਦਿਲਜੀਤ ਦੇ ਇਲਾਵਾ ਫ਼ਿਲਮ ਵਿਚ ਤਾਪਸੀ ਪੰਨੂ, ਅੰਗਦ ਬੇਦੀ ਅਤੇ ਕੁਲਭੂਸ਼ਣ ਖਰਬੰਦਾ ਵੀ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਫ਼ਿਲਮ ਕ੍ਰਿਟਿਕ ਤੇ ਸਿਤਾਰਿਆਂ ਨੇ ਤਾਂ ਆਪਣੇ ਰਿਵਿਊਜ਼ ਦੇ ਦਿੱਤੇ ਹਨ ਹੁਣ ਦੇਖਣਾ ਇਹ ਹੋਏਗਾ ਕਿ ਪੰਜਾਬੀ ਸੂਰਮੇ ਦੀ ਇਸ ਕਹਾਣੀ ਨੂੰ ਦਰਸ਼ਕ ਕਲ੍ਹ ਯਾਨੀ 13 ਜੁਲਾਈ ਨੂੰ ਸਿਨੇਮਾ ਘਰਾਂ 'ਚ ਕਿੰਨਾ ਪਿਆਰ ਦਿੰਦੇ ਹਨ।