ਫਿਲਮ "ਹਾਈ ਐਂਡ ਯਾਰੀਆਂ" ਦਾ ਟੇ੍ਲਰ ਰਿਲੀਜ਼, ਤਿੰਨ ਦੋਸਤਾਂ ਦੀ ਕਹਾਣੀ ਤੇ ਅਧਾਰਿਤ ਇਹ ਫਿਲਮ 22 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ। ਜੱਸੀ ਗਿੱਲ, ਰਣਜੀਤ ਬਾਵਾ...
ਚੰਡੀਗੜ੍ਹ : ਫਿਲਮ "ਹਾਈ ਐਂਡ ਯਾਰੀਆਂ" ਦਾ ਟੇ੍ਲਰ ਰਿਲੀਜ਼, ਤਿੰਨ ਦੋਸਤਾਂ ਦੀ ਕਹਾਣੀ ਤੇ ਅਧਾਰਿਤ ਇਹ ਫਿਲਮ 22 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ। ਜੱਸੀ ਗਿੱਲ, ਰਣਜੀਤ ਬਾਵਾ ਅਤੇ ਨਿੰਜਾ ਦੀ ਫਿਲਮ ‘ਹਾਈ ਐਂਡ ਯਾਰੀਆਂ’ ਦਾ ਟਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ। ਫਿਲਮ ਦੇ ਟਰੇਲਰ ‘ਚ ਜੱਸੀ ਗਿੱਲ ਰਣਜੀਤ ਬਾਵਾ ਤੇ ਨਿੰਜਾ ਪੱਕੇ ਦੋਸਤ ਹਨ ਜੋ ਕਿ ਵਿਦੇਸ਼ ਵਿਚ ਰਹਿੰਦੇ ਹਨ।
ਤਿੰਨਾਂ ਦਾ ਕਿਰਦਾਰ ਵੱਖਰਾ ਵੱਖਰਾ ਹੈ, ਜਿਸ ‘ਚ ਰਣਜੀਤ ਬਾਵਾ ਦਾ ਕਿਰਦਾਰ ਇੱਕ ਪੇਂਡੂ ਮੁੰਡੇ ਦਾ ਹੈ, ਜਿਹੜਾ ਅਪਣੇ ਪਿਆਰ ਦੀ ਤਲਾਸ਼ ‘ਚ ਕੈਨੇਡਾ ਤੱਕ ਪਹੁੰਚ ਜਾਂਦਾ ਹੈ। ਫਿਲਮ ਹਾਈ ਐਂਡ ਯਾਰੀਆਂ ‘ਚ ਨਿੰਜਾ ਅਤੇ ਜੱਸੀ ਗਿੱਲ ਦੀ ਅਦਾਕਾਰੀ ਵੀ ਤਾਰੀਫ ਦੇ ਕਾਬਿਲ ਹੈ। ਫਿਲਮ ‘ਚ ਹਾਸਾ , ਰੋਮਾਂਸ, ਐਕਸ਼ਨ ਅਤੇ ਝਗੜੇ ਹੁੰਦੇ ਵੀ ਦਿਖਾਈ ਦੇਣਗੇ।
ਇਕ ਸਮਾਂ ਅਜਿਹਾ ਵੀ ਆਉਂਦਾ ਹੈ ਜਦੋਂ ਇਹਨਾਂ ਤਿੰਨਾਂ ਦੀ ਪੱਕੀ ਯਾਰੀ ‘ਚ ਦਰਾਰ ਪੈ ਜਾਂਦੀ ਹੈ ਅਤੇ ਫਿਰ ਇਕੱਠੇ ਵੀ ਹੋ ਜਾਂਦੇ ਹਨ। ਹੁਣ ਸਭ ਕਿਉਂ ਹੋ ਰਿਹਾ ਹੈ ਕਿਸ ਲਈ ਹੋ ਰਿਹਾ ਹੈ , ਇਹ ਸਭ ਦੇਖਣ ਲਈ 22 ਫਰਬਰੀ ਨੂੰ ਸਿਨੇਮਾ ਘਰਾਂ ਤੱਕ ਜਾਣਾ ਪਵੇਗਾ। ਕੁਝ ਦਿਨ ਪਹਿਲਾਂ ਫਿਲਮ ਦਾ ਪੋਸਟਰ ਸ਼ੇਅਰ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ। ਫਿਲਮ ਦੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਰਣਜੀਤ ਬਾਵਾ, ਨਿੰਜਾ ਅਤੇ ਜੱਸੀ ਗਿੱਲ ਤੋਂ ਇਲਾਵਾ ਫਿਲਮ ਹਾਈਐਂਡ ਯਾਰੀਆਂ ‘ਚ ਨਵਨੀਤ ਕੌਰ ਢਿੱਲੋਂ, ਮੁਸਕਾਨ ਸੇਠੀ, ਆਰੂਸ਼ੀ ਸ਼ਰਮਾ ਹੋਰੀਂ ਫੀਮੇਲ ਲੀਡ ਰੋਲ ‘ਚ ਨਜ਼ਰ ਆਉਣਗੇ।
ਫਿਲਮ ਨੂੰ ਵਰਲਡ ਵਾਈਡ ਡਿਸਟ੍ਰੀਬਿਊਟ ਓਮਜੀ ਪ੍ਰੋਡਕਸ਼ਨ ਵੱਲੋਂ ਕੀਤਾ ਜਾ ਰਿਹਾ ਹੈ। ਰਣਜੀਤ ਬਾਵਾ , ਜੱਸੀ ਗਿੱਲ ਅਤੇ ਨਿੰਜਾ ਸਟਾਰਰ ਇਹ ਵੱਡੀ ਫਿਲਮ ਸਪੀਡ ਰਿਕਾਡਜ਼ ਅਤੇ ਪਿਟਾਰਾ ਟਾਲਕੀਜ਼ ਦੇ ਲੇਬਲ ਹੇਠ ਤਿਆਰ ਕੀਤਾ ਗਿਆ ਹੈ। ਫਿਲਮ ਅਗਲੇ ਮਹੀਨੇ 22 ਫਰਬਰੀ ਨੂੰ ਦੁਨੀਆਂ ਭਰ ‘ਚ ਰਿਲੀਜ਼ ਕੀਤਾ ਜਾ ਰਿਹਾ ਹੈ।
