ਜਿੱਥੇ ਅੱਜ ਤਕ ਘਰ ਦੀ ਨਾ ਤਾਂ ਮੁਰੰਮਤ ਹੋਈ ਹੈ ਅਤੇ ਨਾ ਹੀ
ਸੰਗਰੂਰ: ਪੰਜਾਬ ਵਿਚ ਮਾਨਸੂਨ ਦਸਤਕ ਦੇਣ ਜਾ ਰਿਹਾ ਹੈ ਪਰ ਬੀਤੇ ਦਿਨੀਂ ਹੋਈ ਭਾਰੀ ਬਰਸਾਤ ਨੇ ਘੱਗਰ ਦੇ ਲਾਗਲੇ ਕਿਸਾਨਾਂ ਦੀ ਜਾਨ ਕੜਿੱਕੀ ਵਿਚ ਫਸਾ ਕੇ ਰੱਖ ਦਿੱਤੀ ਹੈ। ਘੱਗਰ ਨੂੰ ਅਪਣਾ ਪ੍ਰਕੋਪ ਦਿਖਾਇਆਂ ਪੂਰਾ ਸਾਲ ਬੀਤ ਚੁੱਕਿਆ ਹੈ ਪਰ ਦੂਜੇ ਪਾਸੇ ਪ੍ਰਸ਼ਾਸਨ ਹਾਲੇ ਵੀ ਗਹਿਰੀ ਵਿਚ ਸੁੱਤਾ ਪਿਆ ਹੈ।
Ghaggar
ਜਿੱਥੇ ਅੱਜ ਤਕ ਘਰ ਦੀ ਨਾ ਤਾਂ ਮੁਰੰਮਤ ਹੋਈ ਹੈ ਅਤੇ ਨਾ ਹੀ ਕੋਈ ਸਾਫ਼-ਸਫ਼ਾਈ ਕੀਤੀ ਗਈ ਹੈ ਜਿਸ ਕਾਰਨ ਹੁਣ ਕਿਸਾਨਾਂ ਵਿਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਪੂਰਾ ਇਕ ਸਾਲ ਬੀਤ ਜਾਣ ਤੋਂ ਬਾਅਦ ਵੀ ਸਰਕਾਰ ਘੱਗਰ ਦੇ ਨਕਿਆਂ ਦਾ ਹਾਲੇ ਐਸਟੀਮੇਟ ਲਗਾ ਰਹੀ ਹੈ। ਪਰ ਮਾਨਸੂਨ ਕਿਸਾਨਾਂ ਦੇ ਮੁੜ ਸਿਰ ਚੜਨ ’ਚ ਲੱਗਿਆ ਹੈ।
Farmer
ਉੱਥੇ ਹੀ ਕਿਸਾਨਾਂ ਦਾ ਕਹਿਣਾ ਹੈ ਕਿ ਜਦੋਂ ਘੱਗਰ ਦਾ ਨੱਕਾ ਟੁੱਟ ਜਾਂਦਾ ਹੈ ਤਾਂ ਇਸ ਨਾਲ ਲਗਭਗ 7 ਤੋਂ 8 ਪਿੰਡਾਂ ਦਾ ਨੁਕਸਾਨ ਹੋ ਜਾਂਦਾ ਹੈ। ਜਦੋਂ ਤਾਂ ਕਿਸਾਨਾਂ ਨੂੰ ਜ਼ਿਆਦਾ ਮੁਸੀਬਤ ਪੈ ਜਾਂਦੀ ਹੈ ਉਸ ਸਮੇਂ ਸਰਕਾਰ ਜਾਗ ਜਾਂਦੀ ਹੈ ਪਰ ਹੁਣ ਉਹਨਾਂ ਬਾਰੇ ਕੁੱਝ ਨਹੀਂ ਸੋਚ ਰਹੀ ਅਤੇ ਨਾ ਹੀ ਕੋਈ ਪ੍ਰਬੰਧ ਕੀਤੇ ਗਏ ਹਨ। ਪਿਛਲੀ ਵਾਰ ਵੀ 11 ਤੋਂ 12 ਪਿੰਡਾਂ ਨੂੰ ਨੁਕਸਾਨ ਹੋਇਆ ਸੀ ਤੇ ਗੁਰੂ ਘਰਾਂ ਦੀਆਂ ਕੰਧਾਂ ਵੀ ਡਿੱਗੀਆਂ ਸਨ।
Ghaggar
ਹਰ ਵਾਰ ਘਟਨਾਵਾਂ ਵਾਪਰਦੀਆਂ ਹਨ ਤੇ ਸਰਕਾਰ ਅਜੇ ਤਕ ਐਸਟੀਮੇਟ ਹੀ ਲਗਾ ਰਹੀ ਹੈ। ਸਰਕਾਰ ਨੇ ਇਕ ਨੀਤੀ ਬਣਾਈ ਹੋਈ ਹੈ ਜਿਸ ਦੇ ਤਹਿਤ ਕਿਸਾਨਾਂ ਨੂੰ ਮਾਰਨ ਦੀ ਸਾਜ਼ਿਸ਼ ਕੀਤੀ ਜਾ ਰਹੀ ਹੈ। ਬਾਰਿਸ਼ ਸਮੇਂ ਇਸ ਦਾ ਪਾਣੀ 2 ਫੁੱਟ ਵਧ ਜਾਂਦਾ ਹੈ ਤੇ ਜਿਹੜੇ ਬੰਨ੍ਹ ਬਣਾਏ ਗਏ ਹਨ ਉਹ ਵੀ ਇਸ ਦੇ ਸਾਹਮਣੇ ਕਮਜ਼ੋਰ ਹਨ।
Farmer
ਉਹਨਾਂ ਅੱਗੇ ਦਸਿਆ ਕਿ ਸਰਕਾਰ ਨੇ ਘੱਗਰ ਦਾ ਬੰਨ੍ਹ ਬਣਾਉਣ ਲਈ ਮਨਰੇਗਾ ਦਾ ਪ੍ਰਬੰਧ ਕੀਤਾ ਹੈ ਜੋ ਕਿ ਅਸਫਲ ਸਾਬਿਤ ਹੋ ਸਕਦਾ ਹੈ। ਘੱਗਰ ਦਾ ਬੰਨ੍ਹ ਬਹੁਤ ਹੀ ਮਜ਼ਬੂਤ ਬਣਾਉਣਾ ਪਵੇਗਾ ਇਸ ਲਈ ਇਹ ਉਹਨਾਂ ਦੇ ਵਸ ਦੀ ਗੱਲ ਨਹੀਂ ਹੈ। ਇਸ ਦਾ ਜਾਇਜ਼ਾ ਲੈਣ ਲਈ ਲੀਡਰ ਵੀ ਆ ਚੁੱਕੇ ਹਨ ਪਰ ਬਹਾਨੇ ਬਾਜ਼ੀਆਂ ਬਣਾ ਕੇ ਚਲੇ ਗਏ।
Farmer
ਇਸ ਦਾ ਬੰਨ੍ਹ ਤਾਂ ਹੀ ਮਜ਼ਬੂਤ ਬਣਾਇਆ ਜਾ ਸਕਦਾ ਹੈ ਜੇ ਇਸ ਵਿਚਲੇ ਕੱਟੇ ਹੋਏ ਦਰਖ਼ਤਾਂ ਨੂੰ ਬਾਹਰ ਕੱਢਿਆ ਜਾਵੇ ਤੇ ਇਸ ਦੀ ਅੰਦਰੋਂ ਸਫ਼ਾਈ ਕੀਤੀ ਜਾਵੇ। ਕਿਸਾਨਾਂ ਨੇ ਸਰਕਾਰ ਤੋਂ ਇਹੀ ਮੰਗ ਕੀਤੀ ਹੈ ਕਿ ਇਹਨਾਂ ਸਮੱਸਿਆਵਾਂ ਵੱਲ ਧਿਆਨ ਦਿੱਤਾ ਜਾਵੇ ਤੇ ਇਸ ਦਾ ਬੰਨ੍ਹ ਮਜ਼ਬੂਤ ਬਣਾਉਣ ਦਾ ਪ੍ਰਬੰਧ ਕੀਤਾ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
