ਕਿਹਾ ਜਾਂਦਾ ਹੈ ਕਿ ਅੱਖਾਂ, ਚਿਹਰੇ ਦਾ ਸ਼ੀਸ਼ਾ ਹੁੰਦੀਆਂ ਹਨ। ਇਸ ਲਈ ਇਨ੍ਹਾਂ ਦੀ ਖ਼ੂਬਸੂਰਤੀ ਨੂੰ ਵਧਾਉਣ ਲਈ ਪੇਸ਼ ਹਨ ਕੁੱਝ ਖ਼ਾਸ ਨੁਸਖ਼ੇ :...

ਕਿਹਾ ਜਾਂਦਾ ਹੈ ਕਿ ਅੱਖਾਂ, ਚਿਹਰੇ ਦਾ ਸ਼ੀਸ਼ਾ ਹੁੰਦੀਆਂ ਹਨ। ਇਸ ਲਈ ਇਨ੍ਹਾਂ ਦੀ ਖ਼ੂਬਸੂਰਤੀ ਨੂੰ ਵਧਾਉਣ ਲਈ ਪੇਸ਼ ਹਨ ਕੁੱਝ ਖ਼ਾਸ ਨੁਸਖ਼ੇ :
੧ ਕਾਲੇ ਘੇਰੇ ਹਟਾਉਣ ਲਈ ਰੋਜ਼ ਅੱਖਾਂ ਦੇ ਆਲੇ-ਦੁਆਲੇ ਬਦਾਮ ਜਾਂ ਨਾਰੀਅਲ ਤੇਲ ਨਾਲ ਹਲਕੀ ਹਲਕੀ ਮਾਲਸ਼ ਕਰੋ।
੨ ਦੁੱਧ ਵਿਚ ਰੂੰ ਦਾ ਤੂੰਬਾ ਭਿਉਂ ਕੇ 10 ਮਿੰਟ ਲਈ ਬੰਦ ਅੱਖਾਂ 'ਤੇ ਰੱਖੋ।
੩  ਪਲਕਾਂ ਨੂੰ ਸੰਘਣੀਆਂ ਬਣਾਉਣ ਲਈ ਰੋਜ਼ਾਨਾ ਜੈਤੂਨ ਦਾ ਤੇਲ ਲਗਾਉ।

ਬੁੱਲ੍ਹਾਂ ਦੀ ਗੁਲਾਬੀ ਚਮਕ ਕਾਇਮ ਰੱਖਣ ਲਈ
੪ ਹਫ਼ਤੇ ਵਿਚ ਇਕ ਵਾਰ ਕਿਸੇ ਵੀ ਕੋਲਡ ਕ੍ਰੀਮ ਜਾਂ ਮਲਾਈ ਨਾਲ ਬੁੱਲ੍ਹਾਂ 'ਤੇ ਹਲਕੀ ਹਲਕੀ ਮਾਲਸ਼ ਕਰੋ।
੫ ਹਰੇ ਧਨੀਏ ਦਾ ਰਸ ਲਗਾਉਣ ਨਾਲ ਬੁੱਲ੍ਹ ਮੁਲਾਇਮ ਬਣੇ ਰਹਿੰਦੇ ਹਨ।
੬ ਗੁਲਾਬ ਦੀਆਂ ਤਾਜ਼ੀਆਂ ਪੀਸੀਆਂ ਹੋਈਆਂ ਪੱਤੀਆਂ ਨੂੰ ਬੁੱਲ੍ਹਾਂ 'ਤੇ ਲਗਾਉ।
੭ ਗਰਮ ਰੋਟੀ 'ਤੇ ਲੱਗਾ ਘਿਉ ਬੁੱਲ੍ਹਾਂ 'ਤੇ ਲਗਾਉਣ ਨਾਲ ਉਹ ਫਟਦੇ ਨਹੀਂ।