ਇਕ ਰੀਪੋਰਟ ਵਿਚ ਸਰਕਾਰੀ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਖੁਲਾਸਾ ਕੀਤਾ ਗਿਆ ਹੈ
ਨਵੀਂ ਦਿੱਲੀ: ਸਰਕਾਰ ਲਾਈਵ ਟੀ.ਵੀ. ਚੈਨਲਾਂ ਨੂੰ ਸਿੱਧਾ ਮੋਬਾਈਲ ਫੋਨਾਂ 'ਤੇ ਲਿਆਉਣ ਦਾ ਇਕ ਨਵਾਂ ਤਰੀਕਾ ਲੱਭ ਰਹੀ ਹੈ, ਜੋ ਕਿ ਡਾਇਰੈਕਟ-ਟੂ-ਹੋਮ (ਡੀ.ਟੀ.ਐਚ.) ਸੇਵਾਵਾਂ ਵਾਂਗ ਹੀ ਕੰਮ ਕਰੇਗਾ। ਡਾਇਰੈਕਟ-ਟੂ-ਮੋਬਾਈਲ (D2M) ਨਾਮਕ ਤਕਨੀਕ ਦਾ ਉਦੇਸ਼ ਉਪਭੋਗਤਾਵਾਂ ਨੂੰ ਡਾਟਾ ਕਨੈਕਸ਼ਨ ਦੀ ਲੋੜ ਤੋਂ ਬਿਨਾਂ ਅਪਣੇ ਮੋਬਾਈਲ 'ਤੇ ਟੀ.ਵੀ. ਦੇਖਣ ਦੇ ਯੋਗ ਬਣਾਉਣਾ ਹੈ।
ਇਹ ਵੀ ਪੜ੍ਹੋ: ਜੰਮੂ-ਕਸ਼ਮੀਰ ਦੇ ਕੁਲਗਾਮ 'ਚ ਹੋਏ ਮੁਕਾਬਲੇ 'ਚ ਫੌਜ ਦੇ ਤਿੰਨ ਜਵਾਨ ਹੋਏ ਸ਼ਹੀਦ
5 ਅਗੱਸਤ ਦੀ ਇਕ ਰੀਪੋਰਟ ਵਿਚ ਸਰਕਾਰੀ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਖੁਲਾਸਾ ਕੀਤਾ ਗਿਆ ਹੈ ਕਿ ਦੂਰਸੰਚਾਰ ਵਿਭਾਗ (DoT), ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲਾ (MIB) ਅਤੇ IIT-ਕਾਨਪੁਰ ਪਹਿਲਕਦਮੀ ਵਿਚ ਸਹਿਯੋਗ ਕਰ ਰਹੇ ਹਨ। ਹਾਲਾਂਕਿ ਇਹ ਵਿਚਾਰ ਸੰਭਾਵਤ ਹੈ, ਟੈਲੀਕਾਮ ਆਪਰੇਟਰ ਡਾਟਾ ਮਾਲੀਏ ਦੇ ਸੰਭਾਵੀ ਨੁਕਸਾਨ ਦੀ ਚਿੰਤਾ ਦੇ ਕਾਰਨ ਇਸ ਦਾ ਵਿਰੋਧ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ: 2014 ਤੋਂ ਬਾਅਦ ਦੇਸ਼ ਵਿਚ ਵੱਡਾ ਬਦਲਾਅ ਆਇਆ ਹੈ ਕਿਉਂਕਿ ਗੱਠਜੋੜ ਦਾ ਦੌਰ ਖਤਮ ਹੋ ਗਿਆ ਹੈ: ਉਪ ਰਾਸ਼ਟਰਪਤੀ ਧਨਖੜ
ਉਹਨਾਂ ਦਾ ਮਾਲੀਆ ਜ਼ਿਆਦਾਤਰ ਵੀਡੀਉ ਦੀ ਖਪਤ 'ਤੇ ਨਿਰਭਰ ਕਰਦਾ ਹੈ, ਅਤੇ ਇਹ ਡੀ.2ਐਮ. ਪਹੁੰਚ ਉਨ੍ਹਾਂ ਦੀਆਂ 5ਜੀ ਵਪਾਰਕ ਰਣਨੀਤੀਆਂ ਨੂੰ ਪ੍ਰਭਾਵਤ ਕਰ ਸਕਦੀ ਹੈ। ਇਕ ਅਧਿਕਾਰੀ ਨੇ ਨਾਂਅ ਗੁਪਤ ਰੱਖਣ ਦੀ ਸ਼ਰਤ 'ਤੇ ਕਿਹਾ, "ਅਸੀਂ ਸੰਭਾਵਨਾ ਦੀ ਜਾਂਚ ਕਰ ਰਹੇ ਹਾਂ, ਅਤੇ ਅੰਤਮ ਫੈਸਲੇ ਵਿਚ ਟੈਲੀਕਾਮ ਆਪਰੇਟਰਾਂ ਸਮੇਤ ਸਾਰੇ ਹਿੱਸੇਦਾਰਾਂ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ।"
ਇਹ ਵੀ ਪੜ੍ਹੋ: ਭਾਰਤੀ ਮਹਿਲਾ ਟੀਮ ਨੇ ਰਚਿਆ ਇਤਿਹਾਸ! ਵਿਸ਼ਵ ਚੈਂਪੀਅਨਸ਼ਿਪ ਦੇ 92 ਸਾਲਾਂ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਜਿੱਤਿਆ ਗੋਲਡ
ਆਗਾਮੀ ਮੀਟਿੰਗ ਵਿਚ ਦੂਰਸੰਚਾਰ ਵਿਭਾਗ, ਐਮ.ਆਈ.ਬੀ. ਆਈ.ਆਈ.ਟੀ. ਕਾਨਪੁਰ ਅਤੇ ਦੂਰਸੰਚਾਰ ਤੇ ਪ੍ਰਸਾਰਣ ਦੋਵਾਂ ਖੇਤਰਾਂ ਦੇ ਪ੍ਰਤੀਨਿਧਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ। 5ਜੀ ਦੀ ਜਲਦੀ ਲਾਂਚ ਦੇ ਮੱਦੇਨਜ਼ਰ, ਸਰਕਾਰੀ ਅਧਿਕਾਰੀ ਪ੍ਰਸਾਰਣ ਅਤੇ ਬ੍ਰਾਡਬੈਂਡ ਸੇਵਾਵਾਂ ਦੇ ਅੱਗੇ ਵਧਣ ਦੇ ਟੀਚੇ ਨਾਲ ਸਮੱਗਰੀ ਵੰਡ ਵਿਧੀਆਂ ਨੂੰ ਮਿਲਾਉਣ 'ਤੇ ਵਿਚਾਰ ਕਰ ਰਹੇ ਹਨ।
