ਕੰਪਨੀ ਦੇ ਸੂਬਾ ਬਿਜ਼ਨੈੱਸ ਹੈੱਡ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ
ਚੰਡੀਗੜ੍ਹ : ਜੇਕਰ ਤੁਸੀ ਪੰਜਾਬ ਵਿਚ ਰਹਿੰਦੇ ਹੋ ਤਾਂ ਹੁਣ ਤੁਹਾਡੇ ਲਈ ਆਪਣੀ ਪੁਰਾਣੀ ਗੱਡੀ 'ਤੇ ਹਾਈ ਸਿਕਊਰਿਟੀ ਨੰਬਰ ਪਲੇਟ ਲਗਵਾਉਣਾ ਹੋਰ ਵੀ ਅਸਾਨ ਹੋ ਗਿਆ ਹੈ। ਦਰਅਸਲ ਇਹ ਨੰਬਰ ਪਲੇਟ ਤੁਸੀ ਪੰਜਾਬ ਵਿਚ ਕਿਸੇ ਵੀ ਫਿਟਿੰਗ ਸੈਂਟਰ ਤੋ ਲਗਵਾ ਸਕੋਗੇ। ਇਸ ਦੇ ਲਈ ਤੁਹਾਨੂੰ ਆਨਲਾਈਨ ਫਿੰਟਿਗ ਸੈਂਟਰ ਚੁਣਨ ਦੀ ਸਹੂਲਤ ਮਿਲ ਰਹੀ ਹੈ ਜਿਸ ਨਾਲ ਤੁਹਾਨੂੰ ਇਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਖੱਜਲ ਖੁਆਰ ਨਹੀਂ ਹੋਣਾ ਪਵੇਗਾ।
ਇਹ ਸਹੂਲਤ ਹਾਈ ਸਕਿਊਰਿਟੀ ਨੰਬਰ ਪਲੇਟ ਲਗਾਉਣ ਵਾਲੀ ਕੰਪਨੀ ਐਗ੍ਰੋਸ ਇੰਪੈਕਸ ਦੇ ਰਹੀ ਹੈ।ਕੰਪਨੀ ਦੇ ਸੂਬਾ ਬਿਜ਼ਨੈੱਸ ਹੈੱਡ ਸੁਧੀਰ ਗੋਇਲ ਨੇ ਦੱਸਿਆ ਹੈ ਕਿ ਕੇਵਲ ਆਨਲਾਈਨ ਅਪਲਾਈ ਕਰਨ ਵਾਲਿਆਂ ਨੂੰ ਹੀ ਇਹ ਸੂਵਿਧਾ ਪ੍ਰਾਪਤ ਹੋ ਰਹੀ ਹੈ ਜਿਸ ਵਿਚ ਉਹ ਨੰਬਰ ਪਲੇਟ ਲਈ ਫਿਟਿੰਗ ਸੈਂਟਰ ਦੀ ਚੋਣ ਕਰਨ ਦੇ ਨਾਲ-2 ਆਪਣੇ ਮੁਤਾਬਕ ਸਮਾਂ ਵੀ ਤੈਅ ਕਰ ਸਕਦੇ ਹਨ। ਇਸ ਦੇ ਨਾਲ ਉਨ੍ਹਾਂ ਦਾ ਮੈਸੇਜ ਫਿਟਿੰਗ ਸੈਂਟਰ ਵਿਚ ਪਹੁੰਚ ਜਾਵੇਗਾ ਅਤੇ ਬਿਨਾਂ ਇੰਤਜਾਰ ਕੀਤੇ ਨੰਬਰ ਪਲੇਟ ਉਨ੍ਹਾਂ ਦੀ ਗੱਡੀ 'ਤੇ ਲਗਾ ਦਿੱਤੀ ਜਾਵੇਗੀ।
ਇਵੇਂ ਕਰੋ ਅਪਲਾਈ
ਇਸ ਸਹੂਲਤ ਨੂੰ ਪ੍ਰਾਪਤ ਕਰਨ ਦੇ ਲਈ ਕੰਪਨੀ ਦੀ ਅਧਿਕਾਰਕ ਵੈਬਸਾਇਟ www. Hsrppunjab.com 'ਤੇ ਜਾਓ। ਉੱਥੇ ਪੁਰਾਣੀ ਗੱਡੀ ਉੱਤੇ ਹਾਈ ਸਕਿਊਰਿਟੀ ਨੰਬਰ ਪਲੇਟ ਲਗਾਉਣ ਵਾਲੇ ਵਿਖਾਈ ਦੇ ਰਹੇ ਆਪਸ਼ਨ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਇਕ ਵਿੰਡੋ ਖੁਲ੍ਹੇਗੀ ਜਿਸ ਵਿਚ ਗੱਡੀ ਦਾ ਰਜਿਸਟ੍ਰੇਸ਼ਨ ਨੰਬਰ,ਚੈਸੀ ਅਤੇ ਇੰਜਣ ਨੰਬਰ ਭਰਨਾ ਹੋਵੇਗਾ। ਉਸ ਤੋਂ ਬਾਅਦ ਆਰਸੀ ਦੀ ਫੋਟੋ ਅਤੇ ਸਰਕਾਰ ਵੱਲੋਂ ਦਿੱਤਾ ਕੋਈ ਵੀ ਆਈਡੀ ਪਰੂਫ ਅਪਲੋਡ ਕਰਨਾ ਪਵੇਗਾ।
ਜਿਸ ਤੋਂ ਬਾਅਦ ਤੁਸੀ ਕੋਈ ਵੀ ਫਿੰਟਿੰਗ ਸੈਂਟਰ ਚੁਣ ਸਕੋਗੇ ਇਸ ਵਿਚ ਤੁਹਾਨੂੰ ਸੂਬੇ ਦੇ 22 ਫਿਟਿੰਗ ਸੈਂਟਰਾ ਦੀ ਸੂਚੀ ਦਿੱਤੀ ਹੋਵੇਗੀ। ਇਸ ਪੂਰੀ ਪ੍ਰਕਿਰਿਆ ਤੋਂ ਬਾਅਦ ਤੁਹਾਨੂੰ ਇਸ ਦੀ ਪੇਮੈਂਟ ਵੀ ਆਨਲਾਈਨ ਕਰਨੀ ਹੋਵੇਗੀ ਅਤੇ ਫਿਰ ਤੁਸੀ ਆਪਣਾ ਦਿਨ ਅਤੇ ਸਮਾਂ ਵੀ ਚੁਣ ਸਕਦੇ ਹੋ। ਅਪਲਾਈ ਕਰਨ ਦੇ ਚਾਰ ਦਿਨਾਂ ਵਿਚ ਤੁਹਾਡੀ ਨੰਬਰ ਪਲੇਟ ਬਣ ਕੇ ਤਿਆਰ ਹੋ ਜਾਵੇਗੀ ਅਤੇ ਨੰਬਰ ਪਲੇਟ ਫਿੱਟ ਕਰਵਾਉਣ ਦੇ ਲਈ ਤੁਹਾਨੂੰ ਸਵੇਰੇ 10:30 ਤੋਂ 4:30 ਦੇ ਵਿਚ ਦਾ ਸਮਾਂ ਮਿਲੇਗਾ। ਇਸ ਦੇ ਲਈ ਤੁਹਾਨੂੰ ਬਕਾਇਦਾ ਮੈਸੇਜ ਵੀ ਭੇਜਿਆ ਜਾਵੇਗਾ।ਇਸ ਵੈੱਬਸਾਇਟ 'ਤੇ ਵੱਖ-ਵੱਖ ਤਰ੍ਹਾਂ ਦੀ ਹਾਈ ਸਕਿਊਰਿਟੀ ਨੰਬਰ ਪਲੇਟ ਦੀ ਫੀਸ ਦਾ ਵੀ ਬਿਓਰਾ ਦਿੱਤਾ ਗਿਆ ਹੈ ਤਾਂ ਕਿ ਏਜੰਟ ਲੋਕਾ ਤੋਂ ਨੰਬਰ ਪਲੇਟ ਸੈਂਟਰਾ 'ਤੇ ਵਾਧੂ ਪੈਸੇ ਨਾ ਵਸੂਲ ਸਕਣ ।