ਫੇਸਬੁੱਕ ਕੋਲੋਂ ਯੂਜ਼ਰ ਡਾਟਾ ਦੀ ਮੰਗ ਵਿਚ 9.5 ਫੀਸਦੀ ਦਾ ਗਲੋਬਲ ਵਾਧਾ ਦਰਜ ਕੀਤਾ ਗਿਆ ਹੈ।
ਨਵੀਂ ਦਿੱਲੀ: ਫੇਸਬੁੱਕ ਕੋਲੋਂ ਯੂਜ਼ਰ ਡਾਟਾ ਦੀ ਮੰਗ ਵਿਚ 9.5 ਫੀਸਦੀ ਦਾ ਗਲੋਬਲ ਵਾਧਾ ਦਰਜ ਕੀਤਾ ਗਿਆ ਹੈ। ਇਹ ਡਾਟਾ ਜੁਲਈ ਤੋਂ ਦਸੰਬਰ 2019 ਤੱਕ ਦਾ ਹੈ। ਅਮਰੀਕਾ ਤੋਂ ਬਾਅਦ ਫੇਸਬੁੱਕ ਤੋਂ ਯੂਜ਼ਰ ਡਾਟਾ ਮੰਗਣ ਵਿਚ ਭਾਰਤ ਸਰਕਾਰ ਦੂਜੇ ਨੰਬਰ 'ਤੇ ਹੈ।
Facebook
ਫੇਸਬੁੱਕ ਦੀ ਤਾਜ਼ਾ ਰਿਪੋਰਟ ਮੁਤਾਬਕ ਇਸ ਦੌਰਾਨ ਭਾਰਤ ਵੱਲੋਂ 39,664 ਅਕਾਊਂਟਸ ਲਈ 26,698 ਬੇਨਤੀਆਂ ਕੀਤੀਆਂ ਗਈਆਂ ਹਨ। ਇਸ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 57 ਫੀਸਦੀ ਮਾਮਲਿਆਂ ਵਿਚੋਂ ਕੁਝ ਡਾਟਾ ਫੇਸਬੁੱਕ ਨੇ ਦਿੱਤਾ ਹੈ।
Facebook
ਅਮਰੀਕਾ ਦੀ ਗੱਲ ਕਰੀਏ ਤਾਂ ਫੇਸਬੁੱਕ ਤੋਂ ਡਾਟਾ ਮੰਗਣ ਦੇ ਮਾਮਲੇ ਵਿਚ ਇਹ ਦੇਸ਼ ਨੰਬਰ ਇਕ 'ਤੇ ਹੈ। ਫੇਸਬੁੱਕ ਟ੍ਰਾਂਸਪਰੇਂਸੀ ਰਿਪੋਰਟ ਮੁਤਾਬਕ ਅਮਰੀਕਾ ਵੱਲੋਂ 82,321 ਯੂਜ਼ਰ ਅਕਾਊਂਟਸ ਲਈ ਫੇਸਬੁੱਕ ਨੂੰ 51,121 ਬੇਨਤੀਆਂ ਮਿਲੀਆਂ ਹਨ। ਕੰਪਨੀ ਨੇ ਕੁੱਲ 88 ਫੀਸਦੀ ਡਾਟਾ ਦਿੱਤਾ ਹੈ।
Facebook
2019 ਦੇ ਪਿਛਲੇ ਛੇ ਮਹੀਨਿਆਂ ਵਿਚ ਦੁਨੀਆ ਭਰ ਵਿਚ ਫੇਸਬੁੱਕ ਕੋਲੋਂ ਡਾਟਾ ਦੀ ਮੰਗ ਵਿਚ 9.5 ਫੀਸਦੀ ਦਾ ਗਲੋਬਲ ਵਾਧਾ ਦਰਜ ਕੀਤਾ ਗਿਆ ਹੈ। ਇਹ ਪਹਿਲਾਂ 1,28,617 ਸੀ ਜੋ ਕਿ ਵਧ ਕੇ 1,40,875 ਹੋ ਚੁੱਕਿਆ ਹੈ।
Facebook
ਅਮਰੀਕਾ ਅਤੇ ਭਾਰਤ ਤੋਂ ਇਲਾਵਾ ਬ੍ਰਿਟੇਨ, ਜਰਮਨ, ਫਰਾਂਸ ਅਤੇ ਇਟਲੀ ਵੀ ਇਸ ਸੂਚੀ ਵਿਚ ਸ਼ਾਮਲ ਹਨ। ਫੇਸਬੁੱਕ ਨੇ ਇਹ ਵੀ ਕਿਹਾ ਹੈ ਕਿ ਕੰਪਨੀ ਸਰਕਾਰ ਨੂੰ ਗੈਰ ਸਰਕਾਰੀ ਡਾਟਾ ਜਾਰੀ ਨਹੀਂ ਕਰਦੀ।
