ਸੂਰਜ ਦੇ ਬਾਹਰੀ ਮਾਹੌਲ (ਕੋਰੋਨਾ) ਦਾ ਅਧਿਐਨ ਕਰਨ ਜਾ ਰਹੇ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਪਾਰਕਰ ਸੌਰ ਯਾਨ ਨੇ ਧਰਤੀ ਦੀਆਂ ਤਸਵੀਰਾਂ ਭੇਜੀਆਂ ਹਨ। ...
ਵਾਸ਼ਿੰਗਟਨ : (ਪੀਟੀਆਈ) ਸੂਰਜ ਦੇ ਬਾਹਰੀ ਮਾਹੌਲ (ਕੋਰੋਨਾ) ਦਾ ਅਧਿਐਨ ਕਰਨ ਜਾ ਰਹੇ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਪਾਰਕਰ ਸੌਰ ਯਾਨ ਨੇ ਧਰਤੀ ਦੀਆਂ ਤਸਵੀਰਾਂ ਭੇਜੀਆਂ ਹਨ। ਇਹ ਤਸਵੀਰਾਂ 2.7 ਕਰੋੜ ਮੀਲ ਦੂਰੋਂ ਲਈਆਂ ਗਈਆਂ ਹਨ। ਪਾਰਕਰ ਵਿਚ ਲੱਗੇ ਵਿਸ਼ੇਸ਼ ਕੈਮਰਿਆਂ ਯੰਤਰ ਵਾਈਡ - ਫੀਲਡ ਇਮੇਜਰ ਫਾਰ ਸੋਲਰ ਪ੍ਰੋਬ (ਡਬਲਿਯੂਆਈਐਸਪੀਆਰ) ਦੀ ਮਦਦ ਨਾਲ ਇੰਨੀ ਦੂਰੋਂ ਤਸਵੀਰਾਂ ਲੈਣਾ ਸੰਭਵ ਹੋ ਪਾਇਆ।
ਨਾਸਾ ਨੇ ਕਿਹਾ ਕਿ ਪਾਰਕਰ ਨੇ ਸ਼ੁਕਰ ਗ੍ਰਹਿ ਦੇ ਗ੍ਰੈਵਟੀਟੇਸ਼ਨਲ ਫੀਲਡ ਵੱਲ ਵਧਣ ਦੇ ਦੌਰਾਨ 25 ਸਤੰਬਰ ਨੂੰ ਇਹ ਤਸਵੀਰਾਂ ਲਈਆਂ ਸਨ। ਇਹਨਾਂ ਤਸਵੀਰਾਂ ਵਿਚ ਧਰਤੀ ਚਮਕੀਲੀ ਅਤੇ ਗੋਲ ਅਕਾਰ ਵਿਖ ਰਹੀ ਹੈ। ਇਕ ਤਸਵੀਰ ਵਿਚ ਧਰਤੀ ਦੇ ਖੱਬੇ ਪਾਸੇ ਹੇਠਾਂ ਵੱਲ ਇਕ ਪਿੰਡ ਦਿਖ ਰਿਹਾ ਹੈ, ਜੋ ਚੰਦ ਹੈ। ਪਾਰਕਰ ਨੂੰ ਇਸ ਸਾਲ 12 ਅਗਸਤ ਨੂੰ ਸੂਰਜ ਮਿਸ਼ਨ 'ਤੇ ਰਵਾਨਾ ਕੀਤਾ ਸੀ।
ਕਾਰ ਦੇ ਸਰੂਪ ਦਾ ਪਾਰਕਰ ਨਾਸਾ ਦਾ ਇਤਿਹਾਸਕ ਮਿਸ਼ਨ ਹੈ। ਇਹ ਸੂਰਜ ਤੋਂ 38 ਲੱਖ ਮੀਲ ਦੂਰ ਰਹਿ ਕੇ ਉਸ ਦੇ ਚੱਕਰ ਲਗਾਵੇਗਾ। ਸੂਰਜ ਦੇ ਖਤਰਨਾਕ ਤਾਪਮਾਨ ਤੋਂ ਬਚਾਉਣ ਲਈ ਇਸ ਵਿਚ ਵਿਸ਼ੇਸ਼ ਪ੍ਰਕਾਰ ਦੀ ਹੀਟ ਸ਼ੀਲਡ ਲਗਾਈਆਂ ਗਈਆਂ ਹਨ। ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਪਾਰਕਰ ਪਹਿਲੀ ਵਾਰ ਸਫਲਤਾਪੂਰਵਕ ਸ਼ੁਕਰ ਗ੍ਰਹਿ ਦੇ 1500 ਮੀਲ ਦੀ ਦੂਰੀ ਤੋਂ ਲੰਘਿਆ। ਅਪਣੇ ਪੂਰੇ ਮਿਸ਼ਨ ਦੇ ਦੌਰਾਨ ਪਾਰਕਰ ਛੇ ਵਾਰ ਸ਼ੁਕਰ ਅਤੇ 24 ਵਾਰ ਸੂਰਜ ਕੋਲੋਂ ਲੰਘੇਗਾ।
