ਆਈਆਰਸੀਟੀਸੀ ਦੇ ਰਿਹਾ ਹੈ ਰੂਸ ਘੁੰਮਣ ਦਾ ਮੌਕਾ
ਨਵੀਂ ਦਿੱਲੀ: ਜਿਹੜੇ ਲੋਕ ਰੂਸ ਘੁੰਮਣ ਦਾ ਵਿਚਾਰ ਕਰ ਰਹੇ ਹਨ ਉਹਨਾਂ ਲਈ ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ ਇਕ ਵਧੀਆ ਮੌਕਾ ਲੈ ਕੇ ਆਇਆ ਹੈ। ਆਈਆਰਸੀਟੀਸੀ ਟੂਰਿਜ਼ਮ ਨੇ ਰੂਸ ਜਾਣ ਲਈ ਇਕ ਪੈਕੇਜ ਤਿਆਰ ਕੀਤਾ ਹੈ।
ਇਸ ਪੈਕੇਜ ਦਾ ਨਾਮ ਮੈਜੇਸਟਿਕ ਰੂਸ ਹੈ। ਪੰਜ ਰਾਤਾਂ ਅਤੇ ਛੇ ਦਿਨ ਦੇ ਇਸ ਪੈਕੇਜ ਵਿਚ ਜਾਣ ਵਾਲੇ ਲੋਕਾਂ ਨੂੰ ਫੋਰ ਸਟਾਰ ਹੋਟਲ ਵਿਚ ਰਹਿਣ ਦੀ ਵਿਵਸਥਾ ਕੀਤੀ ਗਈ ਹੈ।
ਇਸ ਤੋਂ ਇਲਾਵਾ ਵੀਜ਼ਾ ਫ਼ੀਸ, ਖਾਣ ਦੀ ਸੁਵਿਧਾ, ਟ੍ਰੈਵਲ ਬੀਮਾ ਨਾਲ ਮਾਸਕੋ ਅਤੇ ਸੈਂਟ ਪੀਟਸਰਬਰਗ ਦੇ ਫੇਮਸ ਟੂਰਿਸਟ ਪਲੇਸੇਜ਼ ਨੂੰ ਵਿਜੀਟ ਕਰਾਉਣ ਦੀ ਵਿਵਸਥਾ ਵੀ ਹੈ। ਰੂਸ ਦੀ ਯਾਤਰਾ 'ਤੇ ਜਾਣ ਵਾਲੇ ਲੋਕ 26 ਅਗਸਤ ਨੂੰ ਮੁੰਬਈ ਤੋਂ ਮਾਸਕੋ ਲਈ ਉਡਾਨ ਭਰਨਗੇ। ਜੇ ਤੁਸੀਂ ਟ੍ਰਿਪਲ ਸ਼ੇਅਰਿੰਗ ਨਾਲ ਪੈਕੇਜ ਲੈ ਪੈਕੇਜ ਲੈ ਰਹੇ ਤਾਂ ਤੁਹਾਨੂੰ ਇਕ ਪੈਕੇਜ ਪ੍ਰਤੀ ਵਿਅਕਤੀ 1,04,990 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ।
ਜੇ ਸਿੰਗਲ ਹੈ ਤਾਂ ਇਹ ਪੈਕੇਜ ਤੁਹਾਡੇ ਲਈ 1,12,990 ਅਤੇ ਡਬਲ ਹੈ ਤਾਂ 1,08,990 ਵਿਚ ਪਵੇਗਾ। ਇਸ ਤੋਂ ਇਲਾਵਾ ਪੈਕੇਜ ਵਿਚ ਬੱਚਿਆਂ ਲਈ ਅਲੱਗ ਤੋਂ ਰੇਟ ਤੈਅ ਕੀਤੇ ਹਨ। ਆਈਆਰਸੀਟੀਸੀ ਨੇ ਇਸ ਟੂਰ ਪੈਕੇਜ ਨਾਲ ਜੁੜੀ ਜਾਣਕਾਰੀ ਅਪਣੀ ਆਫੀਸ਼ੀਅਲ ਵੈਬਸਾਈਟ ਤੇ ਸਾਂਝੀ ਕੀਤੀ ਹੈ।