ਆਰਪੀਐਫ ਨੂੰ ਚਲਦੀ ਟ੍ਰੇਨ ਜਾਂ ਫਿਰ ਪਲੇਟਫਾਰਮ ਤੇ ਟਿਕਟ ਚੈਕ ਕਰਨ ਦਾ ਅਧਿਕਾਰ ਨਹੀਂ ਹੈ। ਇਹ ਕੰਮ ਕੇਵਟ ਟੀਟੀਈ ਹੀ ਕਰੇਗਾ।
ਨਵੀਂ ਦਿੱਲੀ: ਟ੍ਰੇਨ ਵਿਚ ਯਾਤਰੀਆਂ ਦਾ ਸਫ਼ਰ ਆਸਾਨ ਕਰਨ ਲਈ ਰੇਲਵੇ ਲਗਾਤਾਰ ਕਦਮ ਉਠਾ ਰਿਹਾ ਹੈ। ਨਾਲ ਹੀ ਕਈ ਅਜਿਹੇ ਨਿਯਮਾਂ ਦੀ ਜਾਣਕਾਰੀ ਵੀ ਦਿੰਦਾ ਹੈ ਜਿਹਨਾਂ ਨੂੰ ਜਾਣ ਕੇ ਯਾਤਰਾ ਕਰਨਾ ਆਸਾਨ ਹੋ ਜਾਵੇਗਾ। ਅਜਿਹੇ ਹੀ ਇਕ ਨਿਯਮ ਬਾਰੇ ਜਾਣਕਾਰੀ ਮਿਲੀ ਹੈ। ਦਸ ਦਈਏ ਕਿ ਆਰਪੀਐਫ ਨੂੰ ਚਲਦੀ ਟ੍ਰੇਨ ਜਾਂ ਫਿਰ ਪਲੇਟਫਾਰਮ ਤੇ ਟਿਕਟ ਚੈਕ ਕਰਨ ਦਾ ਅਧਿਕਾਰ ਨਹੀਂ ਹੈ। ਇਹ ਕੰਮ ਕੇਵਟ ਟੀਟੀਈ ਹੀ ਕਰੇਗਾ।
Trainਬੇਟਿਕਟ ਯਾਤਰੀਆਂ ਨੂੰ ਜ਼ੁਰਮਾਨਾ ਕਰਨ ਦੀ ਪਾਵਰ ਸਿਰਫ ਟਿਕਟ ਚੈਕਿੰਗ ਸਟਾਫ ਨੂੰ ਹੀ ਹੁੰਦੀ ਹੈ। ਆਮ ਤੌਰ ’ਤੇ ਟ੍ਰੇਨਾਂ ਵਿਚ ਅਤੇ ਪਲੇਟਫਾਰਮ ’ਤੇ ਰੇਲਵੇ ਪੁਲਿਸ ਟਿਕਟ ਚੈਕ ਕਰ ਕੇ ਭੋਲੇਭਾਲੇ ਲੋਕਾਂ ਤੋਂ ਪੈਸੇ ਲੈਂਦੀ ਹੈ। ਟ੍ਰੇਨਾਂ ਦੇ ਜਨਰਲ ਡੱਬਿਆਂ ਵਿਚ ਇਹ ਆਏ ਦਿਨ ਖੇਡ ਹੁੰਦਾ ਹੈ। ਲੋਕਾਂ ਨੂੰ ਠੱਗਿਆ ਜਾਂਦਾ ਹੈ ਤੇ ਰੇਲਵੇ ਪ੍ਰਸ਼ਾਸਨ ਕੁੱਝ ਨਹੀਂ ਕਰਦਾ। ਤੁਹਾਡੀ ਯਾਤਰਾ ਦੌਰਾਨ ਟ੍ਰੈਵਲ ਟਿਕਟ ਐਗਜਮਿਨਰ ਹੀ ਤੁਹਾਡੀ ਟਿਕਟ ਜਾਂਚ ਸਕਦਾ ਹੈ।
Trainਰੇਲਵੇ ਵੱਲੋਂ ਜਾਰੀ ਨਿਯਮ ਦਸਦੇ ਹਨ ਕਿ ਰਾਤ 10 ਵਜੇ ਤੋਂ ਬਾਅਦ TTE ਵੀ ਤੁਹਾਨੂੰ ਡਿਸਟਰਡ ਨਹੀਂ ਕਰ ਸਕਦਾ। TTE ਨੂੰ ਸਵੇਰੇ 6 ਤੋਂ ਰਾਤ 10 ਵਜੇ ਦੌਰਾਨ ਹੀ ਟਿਕਟਾਂ ਦਾ ਵੈਰੀਫਿਕੇਸ਼ਨ ਕਰਨਾ ਜ਼ਰੂਰੀ ਹੈ। ਰਾਤ ਵਿਚ ਸੌਣ ਤੋਂ ਬਾਅਦ ਕਿਸੇ ਵੀ ਯਾਤਰੀ ਨੂੰ ਤੰਗ ਨਹੀਂ ਕੀਤਾ ਜਾ ਸਕਦਾ। ਇਹ ਗਾਈਡਲਾਈਨ ਰੇਲਵੇ ਬੋਰਡ ਦੀ ਹੈ। ਹਾਲਾਂਕਿ ਰਾਤ ਨੂੰ 10 ਵਜੇ ਤੋਂ ਬਾਅਦ ਯਾਤਰਾ ਸ਼ੁਰੂ ਕਰਨ ਵਾਲੇ ਯਾਤਰੀਆਂ ਤੇ ਇਹ ਨਿਯਮ ਲਾਗੂ ਨਹੀਂ ਹੁੰਦਾ।
Train ਜੇ ਤੁਹਾਡੇ ਕੋਲ ਟਿਕਟ ਨਹੀਂ ਹੈ ਜਾਂ ਫਿਰ ਉਸ ਵਿਚ ਕੋਈ ਦਿੱਕਤ ਹੈ ਤਾਂ ਟੀਟੀਈ ਨਾਲ ਹੀ ਗੱਲ ਕਰੋ। ਆਰਪੀਐਫ ਵਾਲਾ ਉਸ ਵਿਚ ਕੁੱਝ ਨਹੀਂ ਕਰੇਗਾ। ਕੋਈ ਪੁਲਿਸ ਅਧਿਕਾਰੀ ਜੇ ਤੁਹਾਡੀ ਟਿਕਟ ਚੈੱਕ ਕਰਦਾ ਹੈ ਜਾਂ ਧਮਕੀ ਦਿੰਦਾ ਹੈ ਤਾਂ ਉਸ ਦੇ ਸੀਨੀਅਰ ਅਧਿਕਾਰੀ ਨੂੰ ਇਸ ਦੀ ਸ਼ਿਕਾਇਤ ਕਰ ਸਕਦੇ ਹੋ। ਇੰਡੀਅਨ ਰੇਲਵੇ ਨੇ ਕਰਪਸ਼ਨ ਖ਼ਤਮ ਕਰਨ ਲਈ ਨੰਬਰ ਜਾਰੀ ਕੀਤਾ ਹੋਇਆ ਹੈ। ਰੇਲਵੇ ਯੂਜ਼ਰ 155210 ਤੇ ਫੋਨ ਕਰ ਕੇ ਅਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ।
Trainਇੱਥੇ ਤੁਸੀਂ ਇੰਡੀਅਨ ਰੇਲਵੇ ਨਾਲ ਜੁੜੀ ਕਿਸੇ ਵੀ ਸਰਵਿਸ ਲਈ 24 ਘੰਟੇ ਸ਼ਿਕਾਇਤ ਕਰ ਸਕਦੇ ਹਨ ਅਤੇ ਸਲਾਹ ਦੇ ਸਕਦੇ ਹੋ। ਰੇਲਵੇ ਦੁਆਰਾ ਐਸਐਮਐਸ ਨੰਬਰ 9717630982 ਤੇ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ। ਗੂਗਲ ਪਲੇਅ ਸਟੋਰ ਤੋਂ ਇੰਡੀਅਨ ਰੇਲਵੇ ਦਾ ਐਪ ਇੰਡੀਅਨ ਰੇਲਵੇ ਸੀਓਐਮਐਸ ਮੋਬਾਇਲ ਐਪ ਡਾਉਨਲੋਡ ਕਰ ਕੇ ਵੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ।
ਸ਼ਿਕਾਇਤ ਕਰਤਾ ਸੈਂਟ੍ਰਾਲਾਈਜਡ ਪਬਲਿਕ ਗ੍ਰੋਵਇੰਸ ਰਿਡ੍ਰੈਸ ਐਂਡ ਮਾਨਟਰਿੰਗ ਸਿਸਟਮ ਦੀ ਵੈਬਸਾਈਟ ਤੇ ਜਾ ਕੇ ਵੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ। ਇੱਥੇ ਸ਼ਿਕਾਇਤ ਕਰਨ ਤੇ ਤੁਹਾਨੂੰ ਕੰਪਲੇਂਟ ਨੰਬਰ ਮਿਲੇਗਾ। ਇਸ ਨੰਬਰ ਦੁਆਰਾ ਤੁਸੀਂ ਅਪਣੀ ਸ਼ਿਕਾਇਤ ਤੇ ਕੀਤੀ ਗਈ ਕਾਰਵਾਈ ਨੂੰ ਟ੍ਰੈਕ ਕਰ ਸਕਦੇ ਹੋ। ਸ਼ਿਕਾਇਤਕਰਤਾ ਰੇਲਵੇ ਦੇ ਟਵਿੱਟਰ ਪੇਜ਼ twitter@RailMinIndia ਅਤੇ ਫੇਸਬੁੱਕ ਪੇਜ਼ facebook.com/RailMinIndia ਤੇ ਵੀ ਅਪਣੀ ਸ਼ਿਕਾਇਤ ਦਰਜ ਕਰ ਸਕਦੇ ਹੋ।
ਇਕ ਰਿਪੋਰਟ ਵਿਚ ਸੀਨੀਅਰ ਅਧਿਕਾਰੀ ਨੇ ਦਸਿਆ ਕਿ ਜੇ ਕੋਈ ਪੁਲਿਸ ਅਧਿਕਾਰੀ ਟਿਕਟ ਚੈਕਿੰਗ ਜਾਂ ਜ਼ੁਰਮਾਨਾ ਵਸੂਲਦਾ ਪਾਇਆ ਗਿਆ ਤਾਂ ਉਸ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਟਿਕਟ ਚੈਕ ਕਰਨ ਦਾ ਅਧਿਕਾਰ ਰੇਲਵੇ ਪੁਲਿਸ ਨੂੰ ਵੀ ਨਹੀਂ ਹੈ। ਪੁਲਿਸ ਵੱਲੋਂ ਟਿਕਟ ਚੈਕ ਕਰਨਾ ਗਲਤ ਹੈ। ਰੇਲਵੇ ਦੇ ਵੱਡੇ ਅਧਿਕਾਰੀ ਨੂੰ ਜੇ ਗੈਰ ਕਾਨੂੰਨੀ ਟਿਕਟ ਚੈਕਿੰਗ ਦੀ ਜਾਣਕਾਰੀ ਮਿਲਦੀ ਹੈ ਤਾਂ ਉਹ ਆਰੋਪੀ ਨੂੰ ਸਸਪੈਂਡ ਕਰ ਦਿੱਤਾ ਜਾਵੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
