ਕੇਂਦਰੀ ਮੰਤਰੀ ਸਿਮਰਤੀ ਈਰਾਨੀ ਨੇ ਸੋਹਰਾਬੁੱਦੀਨ ਮਾਮਲੇ ਨੂੰ ਲੈ ਕੇ ਕਾਂਗਰਸ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੋਹਰਾਬੁੱਦੀਨ ਮਾਮਲੇ ...
ਨਵੀਂ ਦਿੱਲੀ : ਕੇਂਦਰੀ ਮੰਤਰੀ ਸਿਮਰਤੀ ਈਰਾਨੀ ਨੇ ਸੋਹਰਾਬੁੱਦੀਨ ਮਾਮਲੇ ਨੂੰ ਲੈ ਕੇ ਕਾਂਗਰਸ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੋਹਰਾਬੁੱਦੀਨ ਮਾਮਲੇ ਵਿਚ ਨੇਤਾਵਾਂ ਨੂੰ ਗਲਤ ਤਰੀਕੇ ਨਾਲ ਫਸਾਇਆ ਜਾ ਰਿਹਾ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਮਿਤ ਸ਼ਾਹ ਨੂੰ ਫਸਾਉਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ। ਨਿਆਂ ਪਾਲਿਕਾ ਨੇ ਨੀਆਂ ਕੀਤਾ ਹੈ। ਇਹ ਫ਼ੈਸਲਾ ਬਿਲਕੁੱਲ ਠੀਕ ਹੈ। ਫ਼ੈਸਲਾ ਆਉਣ ਨਾਲ ਕਾਂਗਰਸ ਦੇ ਚਾਲ ਦੀ ਹਾਰ ਹੋਈ ਹੈ। ਉਸ ਨੂੰ ਮੁੰਹ ਦੀ ਖਾਣੀ ਪਈ ਹੈ।
ਉਨ੍ਹਾਂ ਨੇ ਕਿਹਾ ਕਿ ਫ਼ੈਸਲਾ ਪੜ੍ਹ ਲਵੋ, ਅੱਠ ਸਾਲ ਬਾਅਦ ਸੱਚ ਦੀ ਜਿੱਤ ਹੋਈ ਹੈ। ਰਾਜਨੀਤਿਕ ਕਾਰਣਾਂ ਦੀ ਵਜ੍ਹਾ ਨਾਲ ਨਰਿੰਦਰ ਮੋਦੀ ਅਤੇ ਭਾਜਪਾ ਦੀ ਸਰਕਾਰ ਨੂੰ ਬਰਬਾਦ ਕਰਨਾ ਅਤੇ ਅਮਿਤ ਸ਼ਾਹ ਨੂੰ ਜੇਲ੍ਹ ਵਿਚ ਪਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਉਨ੍ਹਾਂ ਦਾ ਸ਼ੋਸ਼ਣ ਕੀਤਾ ਗਿਆ। ਅਮਿਤ ਸ਼ਾਹ ਜੀ ਨੇ 8 ਸਾਲਾਂ ਤੱਕ ਸੰਘਰਸ਼ ਕੀਤਾ, ਇਹਨਾਂ ਸਾਲਾਂ ਦੇ ਦੌਰਾਨ ਉਨ੍ਹਾਂ ਦੇ ਪਰਵਾਰ ਦਾ ਸ਼ੋਸ਼ਣ ਕੀਤਾ ਗਿਆ ਉਨ੍ਹਾਂ ਉਤੇ ਤਰ੍ਹਾਂ - ਤਰ੍ਹਾਂ ਦੇ ਇਲਜ਼ਾਮ ਲਗਾਏ ਗਏ ਪਰ ਅੱਜ ਅਦਾਲਤ ਦੇ ਅਸ਼ੀਰਵਾਦ ਨਾਲ ਸੱਚ ਰਾਸ਼ਟਰ ਦੇ ਸਨਮੁਖ ਪੇਸ਼ ਹੋਇਆ ਹੈ।
ਈਰਾਨੀ ਨੇ ਕਿਹਾ ਇਹ ਰਾਸ਼ਟਰ ਦੇ ਇਤਹਾਸ ਵਿਚ ਪਹਿਲੀ ਵਾਰ ਹੋਇਆ ਜਦੋਂ ਅਤਿਵਾਦੀ ਨੂੰ ਕਾਂਗਰਸ ਦਾ ਸਹਾਰਾ ਮਿਲਿਆ। ਰਾਹੁਲ ਗਾਂਧੀ ਦਾ ਟਵੀਟ ਕਰਨਾ ਉਨ੍ਹਾਂ ਦਾ ਗੁਸਾ ਨਹੀਂ ਸਗੋਂ ਉਨ੍ਹਾਂ ਦੀ ਨਿਰਾਸ਼ਾ ਦਸਦਾ ਹੈ। ਅਮਿਤ ਸ਼ਾਹ ਦੇ ਵਿਰੁਧ ਦਾਲ ਨਹੀਂ ਗਲੀ ਤਾਂ ਨਿਸ਼ਚਿਤ ਹੀ ਰਾਹੁਲ ਗਾਂਧੀ ਨੂੰ ਦੁੱਖ ਹੋ ਰਿਹਾ ਹੋਵੇਗਾ। ਕਾਂਗਰਸ ਪਾਰਟੀ ਸੱਤਾ ਵਿਚ ਰਹਿ ਕੇ ਪ੍ਰਬੰਧਕੀ ਢਾਂਚੇ ਦੀ ਦੁਰਵਰਤੋਂ ਕਰ ਕੇ ਅਪਣੇ ਰਾਜਨੀਤਿਕ ਵਿਰੋਧੀਆਂ ਨੂੰ ਖਤਮ ਕਰਨ ਲਈ ਅਪਣੇ ਪੈਰਾਂ ਤਲੇ ਨੀਆਂ ਅਤੇ ਸੰਵਿਧਾਨ ਨੂੰ ਵੀ ਰੌਂਦਨ ਲਈ ਤਿਆਰ ਰਹਿੰਦੀ ਹੈ।
ਉਨ੍ਹਾਂ ਨੇ ਅੱਗੇ ਕਿਹਾ ਕਾਂਗਰਸ ਦੇ ਅਗਵਾਈ ਦੇ ਆਦੇਸ਼ 'ਤੇ ਸੀਬੀਆਈ ਨੇ ਅਮਿਤ ਸ਼ਾਹ ਨੂੰ ਰਾਜਨੀਤਿਕ ਚਾਲ ਵਿਚ ਫਸਾਉਣ ਦੀ ਕੋਸ਼ਿਸ਼ ਕੀਤੀ ਸੀ। ਕੋਰਟ ਨੇ ਮੰਨਿਆ ਹੈ ਕਿ ਰਾਜਨੀਤਿਕ ਕਾਰਣਾਂ ਤੋਂ ਇਹ ਮਾਮਲਾ ਅਮਿਤ ਸ਼ਾਹ ਨੂੰ ਜ਼ਬਰਦਸਤੀ ਫਸਾਇਆ ਗਿਆ ਸੀ। ਨਾ ਸਿਰਫ਼ ਮੁੰਬਈ ਹਾਈਕੋਰਟ ਸਗੋਂ ਸੁਪ੍ਰੀਮ ਕੋਰਟ ਵਿਚ ਵੀ ਕਾਂਗਰਸ ਦੇ ਸਾਜ਼ਿਸ਼ਾਂਕਰਤਾਵਾਂ ਨੂੰ ਮੁੰਹ ਦੀ ਖਾਣੀ ਪਈ ਸੀ।