ਗੁਜਰਾਤ ਦੇ ਅਹਿਮਦਾਬਾਦ ਤੋਂ ਇਕ ਹੈਰਾਨ ਕਰ ਦੇਣ ਵਾਲੀ ਖਬਰ ਸਾਹਮਣੇ ਆਈ ਹੈ। ਇੱਥੇ ਇਕ ਵਿਆਹੁਤਾ ਜੋਡ਼ੇ ਨੇ ਵਿਆਹ ਦੇ ਕੁੱਝ ਦੇਰ ਬਾਅਦ ਹੀ ਤਲਾਕ ਲੈ ਲਿਆ।...
ਅਹਿਮਦਾਬਾਦ : ਗੁਜਰਾਤ ਦੇ ਅਹਿਮਦਾਬਾਦ ਤੋਂ ਇਕ ਹੈਰਾਨ ਕਰ ਦੇਣ ਵਾਲੀ ਖਬਰ ਸਾਹਮਣੇ ਆਈ ਹੈ। ਇੱਥੇ ਇਕ ਵਿਆਹੁਤਾ ਜੋਡ਼ੇ ਨੇ ਵਿਆਹ ਦੇ ਕੁੱਝ ਦੇਰ ਬਾਅਦ ਹੀ ਤਲਾਕ ਲੈ ਲਿਆ। ਦਰਅਸਲ ਹੋਇਆ ਇੰਝ ਕਿ ਅਹਿਮਦਾਬਾਦ ਦੇ ਗੋਨਡਲ ਪੈਲੇਸ ਵਿਚ ਵਿਆਹ ਦਾ ਜਸ਼ਨ ਚੱਲ ਰਿਹਾ ਸੀ। ਲਾੜਾ - ਲਾੜੀ ਨੇ ਸੱਤ ਫੇਰੇ ਲਏ ਅਤੇ ਉਸ ਤੋਂ ਬਾਅਦ ਦੋਵੇਂ ਪੱਖ ਨੇ ਨਾਲ ਭੋਜਨ ਕਰਨਾ ਸ਼ੁਰੂ ਕੀਤਾ।
ਕੁੱਝ ਦੇਰ ਬਾਅਦ ਮੁੰਡਾ ਅਤੇ ਕੁੜੀ ਵਾਲਿਆਂ ਦੇ ਵਿਚਕਾਰ ਖਾਣ ਨੂੰ ਲੈ ਕੇ ਕੁੱਝ ਕਹਾ-ਸੁਨੀ ਹੋ ਗਈ। ਲੜਾਈ ਇੰਨੀ ਵੱਧ ਗਈ ਕਿ ਦੋਵਾਂ ਪੱਖ ਨੂੰ ਲੋਕਾਂ ਨੇ ਇਕ ਦੂਜੇ ਦੇ ਉਤੇ ਖਾਣ ਦੇ ਭਾਂਡੇ ਸੁੱਟਣੇ ਸ਼ੁਰੂ ਕਰ ਦਿਤਾ। ਲੜਾਈ ਵੱਧਦੀ ਵੇਖ ਪੁਲਿਸ ਨੂੰ ਬੁਲਾਉਣਾ ਪਿਆ। ਪੁਲਿਸ ਨੇ ਲੜਾਈ ਖਤਮ ਕਰਵਾਈ ਪਰ ਮਾਮਲਾ ਬਹੁਤ ਗੰਭੀਰ ਹੋ ਗਿਆ ਸੀ। ਲੜਾਈ ਹੋਣ ਤੋਂ ਬਾਅਦ ਮੁੰਡਾ ਅਤੇ ਕੁੜੀ ਦੇ ਘਰਵਾਲਿਆਂ ਨੇ ਅਪਣੇ - ਅਪਣੇ ਵਕੀਲ ਨੂੰ ਬੁਲਾਇਆ ਅਤੇ ਦੋਵਾਂ ਨੇ ਤਲਾਕ ਲੈ ਲਿਆ। ਲਾੜਾ ਲਾੜੀ ਤੋਂ ਬਿਨਾਂ ਹੀ ਘਰ ਚਲਾ ਗਿਆ ਅਤੇ ਉਸਨੇ ਸਾਰੇ ਗਿਫਟ ਵਾਪਸ ਦੇ ਦਿਤੇ।
ਇਸ ਤੋਂ ਪਹਿਲਾਂ ਉੱਤਰ ਪ੍ਰਦੇਸ਼ ਦੇ ਏਟਾ ਤੋਂ ਵੀ ਅਜਿਹਾ ਹੀ ਇਕ ਮਾਮਲਾ ਸਾਹਮਣੇ ਆਇਆ ਸੀ। ਇੱਥੇ ਇਕ ਮਹਿਲਾ ਨੂੰ ਘਰ ਸਮੇਂ 'ਤੇ ਨਾ ਆਉਣ ਦੀ ਵਜ੍ਹਾ ਨਾਲ ਉਸਦੇ ਪਤੀ ਨੇ ਫੋਨ 'ਤੇ ਹੀ ਤਿੰਨ ਤਲਾਕ ਦੇ ਦਿਤਾ। ਪੀਡ਼ਤ ਮਹਿਲਾ ਦਾ ਕਹਿਣਾ ਸੀ ਕਿ ਉਹ ਅਪਣੀ ਦਾਦੀ ਮਾਂ ਨੂੰ ਦੇਖਣ ਅਪਣੇ ਪੇਕੇ ਗਈ ਸੀ। ਉਸਦੇ ਪਤੀ ਨੇ ਅੱਧੇ ਘੰਟੇ ਦੇ ਅੰਤਰ ਘਰ ਆਉਣ ਨੂੰ ਕਿਹਾ ਸੀ। ਉਸਨੂੰ ਆਉਣ ਵਿਚ ਦਸ ਮਿੰਟ ਦੀ ਦੇਰੀ ਹੋ ਗਈ। ਜਿਸ ਤੋਂ ਬਾਅਦ ਉਸਦੇ ਪਤੀ ਨੇ ਮਹਿਲਾ ਦੇ ਭਰਾ ਦੇ ਮੋਬਾਇਲ 'ਤੇ ਫੋਨ ਕੀਤਾ ਅਤੇ ਤਿੰਨ ਤਲਾਕ ਦੇ ਦਿਤਾ।