ਚੀਨ ਇਸ ਸਾਲ ਦੇ ਅੰਤ ਤਕ 61 ਕਰੋੜ ਖ਼ੁਰਾਕਾਂ ਦਾ ਨਿਰਮਾਣ ਕਰ ਲਵੇਗਾ : ਸੁਨ
ਤਾਈਪੇ: ਚੀਨ ਵਿਚ ਸੂਬਾ ਸਰਕਾਰਾਂ ਨੇ ਕੋਰੋਨਾ ਵਾਇਰਸ ਦੀ ਰੋਕਥਾਮ ਲਈ ਪ੍ਰਯੋਗਾਤਮਕ ਅਤੇ ਸਵਦੇਸ਼ੀ ਟੀਕਿਆਂ ਦੇ ‘ਆਰਡਰ’ ਦੇਣੇ ਸ਼ੁਰੂ ਕਰ ਦਿਤੇ ਹਨ ਪਰ ਸਿਹਤ ਅਧਿਕਾਰੀਆਂ ਨੇ ਹਾਲੇ ਤਕ ਇਹ ਨਹੀਂ ਦਸਿਆ ਕਿ ਇਹ ਟੀਕੇ ਕਿੰਨੇ ਕਾਰਗਰ ਹਨ ਜਾਂ ਇਨ੍ਹਾਂ ਨੂੰ ਦੇਸ਼ ਦੇ 14 ਅਰਬ ਲੋਕਾਂ ਤਕ ਕਿਵੇਂ ਪਹੁੰਚਾਇਆ ਜਾਵੇਗੇ? ਚੀਨ ਦੇ ਵਿਦੇਸ਼ ਮੰਤਰੀ ਨੇ ਪਿਛਲੇ ਹਫ਼ਤੇ ਸੰਯੁਕਤ ਰਾਸ਼ਟਰ ਦੀ ਇਕ ਬੈਠਕ ਵਿਚ ਕਿਹਾ ਸੀ ਕਿ ਟੀਕਾ ਬਨਾਉਣ ਵਾਲੇ ਆਖ਼ਰੀ ਪ੍ਰੀਖਣ ਨੂੰ ਪੂਰਾ ਕਰਨ ਦਾ ਕੰਮ ਤੇਜ਼ੀ ਨਾਲ ਕਰ ਰਹੇ ਹਨ।
China already giving vaccine to selected workers ਸਰਕਾਰੀ ਖ਼ਬਰ ਏਜੰਸੀ ਸਿਨਹੁਆ ਅਨੁਸਾਰ ਉਪ ਪ੍ਰਧਾਨ ਮੰਤਰੀ ਸੁਨ ਚੁਨਲਾਨ ਨੇ ਕਿਹਾ,‘‘ਸਾਨੂੰ ਵੱਡੇ ਪੱਧਰ ’ਤੇ ਉਤਪਾਦਨ ਲਈ ਤਿਆਰ ਰਹਿਣਾ ਚਾਹੀਦਾ ਹੈ।’’ ਸਿਹਤ ਅਧਿਕਾਰੀਆਂ ਨੇ ਪਹਿਲਾਂ ਕਿਹਾ ਸੀ ਕਿ ਚੀਨ ਇਸ ਸਾਲ ਦੇ ਅੰਤ ਤਕ 61 ਕਰੋੜ ਖ਼ੁਰਾਕਾਂ ਦਾ ਨਿਰਮਾਣ ਕਰ ਲਵੇਗਾ ਅਤੇ ਇਸ ਨੂੰ ਅਗਲੇ ਸਾਲ ਤਕ ਵਧਾ ਕੇ ਇਕ ਅਰਬ ਕੀਤਾ ਜਾ ਸਕਦਾ ਹੈ। ਹਾਲੇ ਆਖ਼ਰੀ ਮਨਜ਼ੂਰੀ ਨਾ ਮਿਲਣ ਦੇ ਬਾਵਜੂਦ ਚੀਨ ਵਿਚ ਕਰੀਬ 10 ਲੱਖ ਸਿਹਤ ਕਰਮੀਆਂ ਅਤੇ ਹੋਰ ਲੋਕਾਂ ਨੂੰ ਐਮਰਜੇਂਸੀ ਸਥਿਤੀ ਵਿਚ ਇਸਤੇਮਾਲ ਦੇ ਵਿਕਲਪ ਤਹਿਤ ਟੀਕਾ ਲਗਾਇਆ ਜਾ ਚੁਕਾ ਹੈ।
corona
ਜਿਆਂਗਸੂ ਸੂਬੇ ਦੀ ਸਰਕਾਰ ਨੇ ਐਮਰਜੇਂਸੀ ਉਪਯੋਗ ਲਈ ਬੁਧਵਾਰ ਨੂੰ ‘ਸਿਨੋਵੈਕ’ ਅਤੇ ‘ਸਿਨਾਫ਼ਾਰਮਾ’ ਨਾਲ ਟੀਕੇ ਦੀ ਖ਼ਰੀਦ ਲਈ ਇਕ ਨੋਟਿਸ ਜਾਰੀ ਕੀਤਾ। ਪੱਛਮ ਵਿਚ ਸਿਚੂਆਨ ਸੂਬੇ ਦੇ ਅਧਿਕਾਰੀਆਂ ਨੇ ਵੀ ਸੋਮਵਾਰ ਨੂੰ ਐਲਾਨ ਕੀਤਾ ਸੀ ਕਿ ਉਹ ਟੀਕਾ ਖੀਰੀਦ ਰਹੀ ਹੈ। ਹਾਲਾਂਕਿ ਟੀਕਾ ਬਨਾਉਣ ਵਾਲੀਆਂ ਕੰਪਨੀਆਂ ਨੇ ਹਾਲੇ ਤਕ ਇਹ ਨਹੀਂ ਦਸਿਆ ਹੈ ਕਿ ਇਹ ਟੀਕੇ ਕਿੰਨੇ ਅਸਰਦਾਰ ਹੋਣਗੇ ਜਾਂ ਇਨ੍ਹਾਂ ਦਾ ਦੁਸ਼ਪ੍ਰਭਾਵ ਕੀ ਹੋਵੇਗਾ। ਇਸ ਵਿਚਾਲੇ ਚੀਨੀ ਕੰਪਨੀ ‘ਸਿਨੋਵੈਕ’ ਦੇ ਕੋਵਿਡ ਟੀਕੇ ਦੀਆਂ 12 ਲੱਖ ਖ਼ੁਰਾਕਾਂ ਐਤਵਾਰ ਨੂੰ ਇੰਡੋਨੇਸ਼ੀਆ ਪਹੁੰਚੀਆਂ।
