ਡਿਪਟੀ ਮੇਅਰ ਦੇ ਅਹੁਦੇ 'ਤੇ ਵੀ ਭਾਜਪਾ ਕਾਬਜ਼
ਚੰਡੀਗੜ੍ਹ : ਪੰਜਾਬ ਤੇ ਹਰਿਆਣਾ ਰਾਜਧਾਨੀ ਚੰਡੀਗੜ੍ਹ ਨੂੰ ਨਵਾਂ ਮੇਅਰ ਮਿਲ ਗਿਆ ਹੈ। ਇਸ ਤਰ੍ਹਾਂ ਭਾਜਪਾ ਲਗਾਤਾਰ ਦੂਜੀ ਵਾਰ ਮੇਅਰ ਦੇ ਅਹੁਦੇ 'ਤੇ ਕਬਜ਼ਾ ਕਰਨ 'ਚ ਕਾਮਯਾਬ ਰਹੀ ਹੈ। ਇਸ ਵਾਰ ਭਾਜਪਾ ਕੌਂਸਲਰ ਰਾਜ ਬਾਲਾ ਮਲਿਕ ਦੇ ਨਾਮ 'ਤੇ ਮੋਹਰ ਲੱਗੀ ਹੈ।
Photo
ਸ੍ਰੀਮਤੀ ਰਾਜ ਬਾਲਾ ਚੰਡੀਗੜ੍ਹ ਦੇ 26ਵੇਂ ਮੇਅਰ ਬਣੇ ਹਨ। ਉਨ੍ਹਾਂ ਨੇ ਕਾਂਗਰਸੀ ਉਮਰਦਵਾਰ ਗੁਰਬਖ਼ਸ਼ ਰਾਵਤ ਨੂੰ ਹਰਾਇਆ ਹੈ। ਰਾਜ ਬਾਲਾ ਮਲਿਕ ਨੇ 22 ਵੋਟਾਂ ਹਾਸਿਲ ਕੀਤੀਆਂ।
Photo
ਕਾਬਲੇਗੌਰ ਹੈ ਕਿ ਸ੍ਰੀਮਤੀ ਰਾਜ ਬਾਲਾ ਦਾ ਮੇਅਰ ਬਣਨਾ ਪਹਿਲਾਂ ਤੋਂ ਹੀ ਲਗਭਗ ਤੈਅ ਹੋ ਗਿਆ ਸੀ। ਉਹ ਦੂਜੀ ਵਾਰ ਚੰਡੀਗੜ੍ਹ ਦੇ ਮੇਅਰ ਬਣੇ ਹਨ। ਭਾਜਪਾ ਨੇ ਉਨ੍ਹਾਂ ਦਾ ਨਾ ਮੇਅਰ ਲਈ ਨਾਮਜ਼ਦ ਕੀਤਾ ਸੀ। ਨਗਰ ਨਿਗਮ ਦੇ ਸਦਨ ਵਿਚ ਭਾਜਪਾ ਕੋਲ ਦੋ–ਤਿਹਾਈ ਬਹੁਮਤ ਹੈ।
Photo
ਕਾਂਗਰਸ ਦੇ ਸਿਰਫ਼ 5 ਕੌਂਸਲਰ ਸਨ ਤੇ ਉਸ ਨੇ ਗੁਰਬਖ਼ਸ਼ ਰਾਵਤ ਨੂੰ ਉਮੀਦਵਾਰ ਬਣਾਇਆ ਸੀ।
ਸ੍ਰੀਮਤੀ ਰਾਜ ਬਾਲਾ ਮਲਿਕ ਖ਼ੁਦ ਇਕ ਵਕੀਲ ਹਨ ਤੇ ਉਨ੍ਹਾਂ ਦੇ ਪਤੀ ਆਰਕੇ ਮਲਿਕ ਵੀ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਦੇ ਵਕੀਲ ਹਨ।
Photo
ਸ੍ਰੀਮਤੀ ਰਾਜ ਬਾਲਾ ਪਹਿਲੀ ਵਾਰ 2011 'ਚ ਕਾਂਗਰਸ ਦੇ ਉਮੀਦਵਾਰ ਵਜੋਂ ਚੋਣ ਜਿੱਤ ਕੇ ਚੰਡੀਗੜ੍ਹ ਨਗਰ ਨਿਗਮ ਦੇ ਸਦਨ 'ਚ ਪੁੱਜੇ ਸਨ। ਸਾਲ 2014 'ਚ ਉਹ ਭਾਜਪਾ 'ਚ ਆ ਗਏ ਸਨ।
Photo
ਉਸ ਸਮੇਂ ਉਨ੍ਹਾਂ ਨੂੰ ਹਰਿਆਣਾ ਦੇ ਕਿਸੇ ਵਿਧਾਨ ਸਭਾ ਹਲਕੇ 'ਚ ਟਿਕਟ ਮਿਲਣ ਦੀ ਆਸ ਸੀ। ਫਿਰ 2016 'ਚ ਉਨ੍ਹਾਂ ਨੇ ਮੁੜ ਚੰਡੀਗੜ੍ਹ ਨਗਰ ਨਿਗਮ ਦੀ ਚੋਣ ਲੜੀ ਸੀ ਤੇ ਵਾਰਡ ਨੰਬਰ 2 (ਸੈਕਟਰ 12, 14 ਤੇ 15) ਤੋਂ ਚੋਣ ਜਿੱਤੀ ਸੀ।
Photo
ਚੰਡੀਗੜ੍ਹ ਦੀ ਨਵੀਂ ਮੇਅਰ ਮੂਲ ਰੂਪ 'ਚ ਹਰਿਆਣਾ ਦੀ ਰਹਿਣ ਵਾਲੇ ਹਨ। ਉਹ ਜਾਟ ਜਾਤੀ ਨਾਲ ਸਬੰਧਤ ਹਨ। ਉਨ੍ਹਾਂ ਨੂੰ ਭਾਜਪਾ ਦੀ ਉਮੀਦਵਾਰ ਬਣਾਉਣ ਪਿਛੇ ਵੀ ਹਰਿਆਣਾ ਦੀ ਜਾਟ ਲਾਬੀ ਦਾ ਹੱਥ ਮੰਨਿਆ ਜਾ ਰਿਹਾ ਹੈ। ਸੂਤਰਾਂ ਮੁਤਾਬਕ ਹਰਿਆਣਾ ਦੇ ਉਪ ਮੁੱਖ ਮੰਤਰੀ ਨੇ ਵੀ ਰਾਜਬਾਲਾ ਨੂੰ ਭਾਜਪਾ ਦਾ ਉਮੀਦਵਾਰ ਬਣਾਉਣ ਲਈ ਭਾਜਪਾ ਹਾਈ ਕਮਾਨ ਕੋਲ ਸਿਫਾਰਸ਼ ਕੀਤੀ ਸੀ।
Photo
ਇਸ ਤੋਂ ਇਲਾਵਾ ਡਿਪਟੀ ਮੇਅਰ ਦੇ ਅਹੁਦੇ 'ਤੇ ਵੀ ਭਾਜਪਾ ਦਾ ਕਬਜ਼ਾ ਹੋ ਗਿਆ ਹੈ। ਭਾਜਪਾ ਦੇ ਉਮੀਦਵਾਰ ਰਵਿਕਾਂਤ ਸ਼ਰਮਾ ਨੇ ਕਾਂਗਰਸ ਦੇ ਉਮੀਦਵਾਰ ਸ਼ੀਲਾ ਫੂਲ ਸਿੰਘ ਨੂੰ ਹਰਾ ਕੇ ਸੀਨੀਅਰ ਡਿਪਟੀ ਮੇਅਰ ਦੇ ਅਹੁਦੇ 'ਤੇ ਕਬਜ਼ਾ ਕਰ ਲਿਆ ਹੈ। ਉਨ੍ਹਾਂ ਨੂੰ 27 ਵਿਚੋਂ 22 ਵੋਟ ਮਿਲੇ ਹਨ।
