ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਬਸਤੀ ਜ਼ਿਲ੍ਹੇ ਵਿਚ ਮੰਗਲਵਾਰ ਨੂੰ ਕਿਹਾ ਕਿ ਚੀਨੀ ਮਿਲਾਂ ਹੁਣ ਵਾਤਾਵਰਨ ਅਨੁਕੂਲ ਬਾਲਣ ਈਥਾਨੋਲ ਸਿੱਧਾ...
ਗੋਰਖਪੁਰ (ਭਾਸ਼ਾ) : ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਬਸਤੀ ਜ਼ਿਲ੍ਹੇ ਵਿਚ ਮੰਗਲਵਾਰ ਨੂੰ ਕਿਹਾ ਕਿ ਚੀਨੀ ਮਿਲਾਂ ਹੁਣ ਵਾਤਾਵਰਨ ਅਨੁਕੂਲ ਬਾਲਣ ਈਥਾਨੋਲ ਸਿੱਧਾ ਗੰਨੇ ਤੋਂ ਬਣਾਉਣਗੀਆਂ, ਜਿਸ ਨਾਲ ਦੇਸ਼ ਦੀ ਅਰਥਵਿਵਸਥਾ ਨੂੰ ਮਜ਼ਬੂਤੀ ਮਿਲੇਗੀ। ਉਨ੍ਹਾਂ ਨੇ ਕਿਹਾ ਕਿ ਕਿਸਾਨਾਂ ਨੂੰ ਅਜਿਹੀਆਂ ਤਕਨੀਕਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ ਜਿਸ ਨਾਲ ਬਿਜਲੀ ਅਤੇ ਜੈਵ-ਬਾਲਣ ਬਣਾਇਆ ਜਾ ਸਕਦਾ ਹੈ ਅਤੇ ਸਰਕਾਰ ਨੇ ਪਹਿਲਾਂ ਹੀ ਸਿੱਧਾ ਗੰਨੇ ਤੋਂ ਈਥਾਨੌਲ ਬਣਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।
Sugarcaneਉਨ੍ਹਾਂ ਨੇ ਕਿਹਾ ਕਿ ਉਹ ਦਿਨ ਦੂਰ ਨਹੀਂ ਜਦੋਂ ਆਟੋ, ਬੱਸ, ਮੋਟਰਸਾਈਕਲ ਸੜਕਾਂ ਉਤੇ ਈਥਾਨੋਲ ਨਾਲ ਚੱਲਣਗੇ। ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰੀ ਨਿਤਿਨ ਗਡਕਰੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿੱਤਅਨਾਥ ਸੜਕ, ਰਿੰਗ ਰੋਡ ਅਤੇ ਰਾਸ਼ਟਰੀ ਜਲ ਮਾਰਗ ਦਾ ਨੀਂਹ ਪੱਥਰ ਰੱਖਣ ਲਈ ਬਸਤੀ ਆਏ ਹੋਏ ਸਨ। ਬਾਅਦ ਵਿਚ, ਉਨ੍ਹਾਂ ਨੇ ਸਿੱਧਾਰਥ ਨਗਰ ਦਾ ਦੌਰਾ ਕੀਤਾ ਅਤੇ ਐਨਐਚ 730 ਸਮੇਤ ਵੱਖ-ਵੱਖ ਸੜਕਾਂ ਲਈ ਨੀਂਹ ਪੱਥਰ ਰੱਖਿਆ। ਬਸਤੀ ਵਿਚ ਯੋਗੀ ਨੇ ਕਿਹਾ ਕਿ ਛੇਤੀ ਹੀ ਪੁਲਿਸ ਵਿਭਾਗ ਵਿਚ 50,000 ਹੋਰ ਭਰਤੀ ਕੀਤੀ ਜਾਵੇਗੀ।
Ethanol prepared from Sugarcaneਆਪਣੀ ਸਰਕਾਰ ਦੀ ਨੁਮਾਇਸ਼ ਦੇ ਬਾਰੇ ਉਨ੍ਹਾਂ ਨੇ ਕਿਹਾ ਕਿ ਉੱਤਰ ਪ੍ਰਦੇਸ਼ ਵਿਚ 1.20 ਲੱਖ ਕਿਲੋਮੀਟਰ ਦੀਆਂ ਸੜਕਾਂ ਗੰਢ ਮੁਕਤ ਹੋ ਗਈਆਂ ਹਨ ਅਤੇ ਤਹਿਸੀਲਾਂ ਨੂੰ ਘੱਟ ਤੋਂ ਘੱਟ ਦੋ ਲਾਈਨ ਦੀਆਂ ਸੜਕਾਂ ਦੇ ਨਾਲ ਹੈਡਕੁਆਰਟਰ ਤੋਂ ਜੋੜਿਆ ਗਿਆ ਹੈ । ਜ਼ਿਆਦਾਤਰ ਰਾਜ ਮਾਰਗਾਂ ਨੂੰ ਐਕਸਪ੍ਰੈਸ ਮਾਰਗਾਂ ਵਿਚ ਤਬਦੀਲ ਕੀਤਾ ਜਾ ਰਿਹਾ ਹੈ।
Ethanol used as a fuelਇਹ ਵੀ ਪੜ੍ਹੋ : ਜ਼ਿਆਦਾਤਰ ਦੇਸ਼ਾਂ ਨੇ ਬਾਇਓ ਫਿਊਲ, ਖਾਸ ਤੌਰ ਤੇ ਤਰਲ ਪਦਾਰਥ ਜਿਵੇਂ ਕਿ ਈਥਾਨੋਲ ਅਤੇ ਬਾਇਓ ਡੀਜ਼ਲ ਦੀ ਲੋੜ ਮਹਿਸੂਸ ਕੀਤੀ ਹੈ ਅਤੇ ਉਨ੍ਹਾਂ ਦੀਆਂ ਸਰਕਾਰਾਂ ਇਸ ਤਰ੍ਹਾਂ ਦੇ ਫਿਊਲ ਨੂੰ ਉਤਸ਼ਾਹਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਪੈਟਰੋਲੀਅਮ ਦੇ ਮੁਕਾਬਲੇ, ਹਰ ਦੇਸ਼ ਵਿੱਚ ਆਵਾਜਾਈ ਲਈ ਬਾਇਓ ਫਿਉਲ ਦੀ ਵਰਤੋਂ ਹੁਣ ਵੀ ਕਾਫੀ ਘੱਟ ਹੈ। ਬਹੁਤ ਸਾਰੇ ਦੇਸ਼ ਜਿਵੇਂ ਕਿ ਅਮਰੀਕਾ, ਕੈਨੇਡਾ, ਯੂਰਪੀਅਨ ਦੇਸ਼, ਯੂਰਪੀਅਨ ਯੂਨੀਅਨ, ਆਸਟ੍ਰੇਲੀਆ, ਜਾਪਾਨ ਅਤੇ ਭਾਰਤ ਸਮੇਤ ਅਗਲੇ ਕਈ ਦਹਾਕਿਆਂ ਦੌਰਾਨ ਬਾਇਓ ਫਿਊਲਾਂ ਦੀ ਜ਼ਿਆਦਾ ਵਰਤੋਂ ਕਰਨ ਲਈ ਵੱਖ-ਵੱਖ ਤਕਨੀਕਾਂ ‘ਤੇ ਵਿਚਾਰ ਕਰ ਰਹੇ ਹਨ।
