ਉੱਤਰ ਪ੍ਰਦੇਸ਼ ਦੇ ਇੱਕ ਪਿੰਡ ਵਿੱਚ ਰਹਿਣ ਵਾਲਾ ਇੱਕ ਰਿਕਸ਼ਾ ਚਾਲਕ ਚਾਹੁੰਦਾ ਸੀ ਕਿ ..........
ਉੱਤਰ ਪ੍ਰਦੇਸ਼: ਉੱਤਰ ਪ੍ਰਦੇਸ਼ ਦੇ ਇੱਕ ਪਿੰਡ ਵਿੱਚ ਰਹਿਣ ਵਾਲਾ ਇੱਕ ਰਿਕਸ਼ਾ ਚਾਲਕ ਚਾਹੁੰਦਾ ਸੀ ਕਿ ਉਸ ਦੀ ਬੇਟੀ ਦੇ ਵਿਆਹ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਾਮਲ ਹੋਵੇ। ਡੋਮਰੀ ਪਿੰਡ ਦੇ ਵਸਨੀਕ ਮੰਗਲ ਕੇਵਾਤ ਨੇ ਵਿਆਹ ਦਾ ਸੱਦਾ ਪ੍ਰਧਾਨ ਮੰਤਰੀ ਦਫ਼ਤਰ (ਪੀ.ਐੱਮ.ਓ.) ਨੂੰ ਦਿੱਲੀ ਵਿਖੇ ਭੇਜਿਆ ਸੀ। ਲੜਕੀ ਦੇ ਪਿਤਾ ਕੇਵਤ ਨੇ ਆਪਣੇ ਪੱਤਰ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਨੂੰ 12 ਫਰਵਰੀ ਨੂੰ ਆਪਣੀ ਧੀ ਦੇ ਵਿਆਹ ਲਈ ਉਨ੍ਹਾਂ ਨੂੰ ਮਿਲਣ ਦੀ ਅਪੀਲ ਕੀਤੀ ਸੀ।
ਆਈਏਐਨਐਸ ਦੇ ਅਨੁਸਾਰ ਉਸਨੇ ਕਿਹਾ, 'ਮੇਰੇ ਕੁਝ ਦੋਸਤਾਂ ਨੇ ਮੈਨੂੰ ਮੋਦੀ ਜੀ ਨੂੰ ਸੱਦਾ ਭੇਜਣ ਲਈ ਕਿਹਾ ਤਾਂ ਮੈਂ ਇੱਕ ਵਿਆਹ ਲਈ ਸੱਦਾ ਪੱਤਰ ਦਿੱਲੀ ਅਤੇ ਇੱਕ ਸੱਦਾ ਪੱਤਰ ਵਾਰਾਣਸੀ ਦਫ਼ਤਰ ਭੇਜਿਆ।' ਏ.ਐੱਨ.ਆਈ. ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੇ ਬਦਲੇ ਵਿਚ ਕੇਵਤ ਨੂੰ ਇਕ ਪੱਤਰ ਭੇਜਿਆ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੀ ਧੀ ਦੇ ਵਿਆਹ ਦੀ ਵਧਾਈ ਦਿੱਤੀ। ਮੋਦੀ ਨੇ ਉਸ ਨੂੰ ਅਤੇ ਉਸਦੇ ਪਰਿਵਾਰ ਨੂੰ ਆਸ਼ੀਰਵਾਦ ਵੀ ਦਿੱਤਾ।
ਕੇਵਤ ਨੂੰ ਇਹ ਚਿੱਠੀ ਆਪਣੀ ਧੀ ਦੇ ਵਿਆਹ ਵਾਲੇ ਦਿਨ ਮਿਲੀ ਸੀ।
'ਮੈਨੂੰ ਕਦੇ ਵੀ ਜਵਾਬ ਦੀ ਉਮੀਦ ਨਹੀਂ ਸੀ ਪਰ ਹੁਣ ਜਦੋਂ ਸਾਨੂੰ ਮੋਦੀ ਜੀ ਦੀ ਚਿੱਠੀ ਮਿਲੀ ਤਾਂ ਅਸੀਂ ਬਹੁਤ ਖੁਸ਼ ਹੋਏ ਮੈਂ ਆਪਣੀ ਧੀ ਦੇ ਵਿਆਹ ਵਿਚ ਸਾਰੇ ਮਹਿਮਾਨਾਂ ਨੂੰ ਪੱਤਰ ਦਿਖਾਇਆ ਹੈ,ਮੋਦੀ ਜੀ ਨੇ ਚਿੱਠੀ 'ਚ ਕਿਹਾ।ਕੇਵਤ, ਗੰਗਾ ਦਾ ਇੱਕ ਕੱਟੜ ਭਗਤ ਹੈ ਜੋ ਆਪਣੀ ਕਮਾਈ ਦਾ ਇੱਕ ਹਿੱਸਾ ਨਦੀ ਦੀ ਅਰਦਾਸ ਕਰਨ ਲਈ ਖਰਚ ਕਰਦਾ ਹੈ।
ਉਹ ਸਵੱਛ ਭਾਰਤ ਮੁਹਿੰਮ ਵਿੱਚ ਸਰਗਰਮ ਭਾਗੀਦਾਰ ਵੀ ਹੈ।ਉਹ ਭਾਜਪਾ ਦੀ ਮੈਂਬਰਸ਼ਿਪ ਮੁਹਿੰਮ ਦੌਰਾਨ ਪ੍ਰਧਾਨਮੰਤਰੀ ਦੁਆਰਾ ਭਾਰਤੀ ਜਨਤਾ ਪਾਰਟੀ ਦੇ ਮੈਂਬਰ ਵਜੋਂ ਭਰਤੀ ਹੋਏ ਸਨ।