ਭਾਰਤ ਦੇ ਤਾਕਤਵਰ ਮਿਜ਼ਾਈਲ ਸਿਸਟਮ ਬਰਹਮੋਸ ਦਾ ਸੀਕਰੇਟ ਪਤਾ ਲਗਾਉਣ ਵਿਚ ਅਸਫ਼ਲ ਹੋਣ ਤੋਂ ਬਾਅਦ ਹੁਣ ਪਾਕਿਸਤਾਨ ਦੂਜੇ ਤਰੀਕੇ...
ਨਵੀਂ ਦਿੱਲੀ (ਭਾਸ਼ਾ) : ਭਾਰਤ ਦੇ ਤਾਕਤਵਰ ਮਿਜ਼ਾਈਲ ਸਿਸਟਮ ਬਰਹਮੋਸ ਦਾ ਸੀਕਰੇਟ ਪਤਾ ਲਗਾਉਣ ਵਿਚ ਅਸਫ਼ਲ ਹੋਣ ਤੋਂ ਬਾਅਦ ਹੁਣ ਪਾਕਿਸਤਾਨ ਦੂਜੇ ਤਰੀਕੇ ਨਾਲ ਭਾਰਤ ਦਾ ਮੁਕਾਬਲਾ ਕਰਨਾ ਚਾਹੁੰਦਾ ਹੈ। ਹੁਣ ਉਹ ਚੀਨ ਤੋਂ ਅਜਿਹੀ ਮਿਜ਼ਾਈਲ ਖਰੀਦਣ ਵਿਚ ਦਿਲਚਸਪੀ ਵਿਖਾ ਰਿਹਾ ਹੈ ਜੋ ਬਰਹਮੋਸ ਤੋਂ ਜ਼ਿਆਦਾ ਤੇਜ਼ ਅਤੇ ਤਾਕਤਵਰ ਦੱਸੀ ਜਾ ਰਹੀ ਹੈ। ਖ਼ਬਰਾਂ ਦੇ ਮੁਤਾਬਕ, ਚੀਨ ਨੇ ਇਕ ਸੁਪਰਸੋਨਿਕ ਮਿਜ਼ਾਈਲ ਤਿਆਰ ਕਰਕੇ ਉਸ ਦੀ ਸਫ਼ਲਤਾ ਪੂਰਵਕ ਜਾਂਚ ਕੀਤੀ ਹੈ, ਜਿਸ ਨੂੰ ਪਾਕਿਸਤਾਨ ਨੇ ਖਰੀਦਣ ਦੀ ਇੱਛਾ ਜਤਾਈ ਹੈ।
BRAHMOSਸੂਤਰਾਂ ਦੇ ਮੁਤਾਬਕ, ਪਾਕਿ ਦੇ ਨਾਲ - ਨਾਲ ਕਈ ਮੱਧ ਏਸ਼ੀਆਈ ਦੇਸ਼ਾਂ ਨੇ ਵੀ ਇਸ ਮਿਜ਼ਾਈਲ ਨੂੰ ਖ਼ਰੀਦਣ ਵਿਚ ਅਪਣੀ ਰੁਚੀ ਵਿਖਾਈ ਹੈ। ਮਿਜ਼ਾਈਲ ਸਿਸਟਮ ਦੀ ਤਾਰੀਫ਼ ਵਿਚ ਪੇਇਚਿੰਗ ਦੇ ਇਕ ਮਿਲਟਰੀ ਐਨਾਲਿਸਟ ਨਾਲ ਜੁੜੇ ਵੇਈ ਡੋਂਗਜੂ ਦੁਆਰਾ ਕਿਹਾ ਗਿਆ ਹੈ ਕਿ ਬਰਹਮੋਸ ਮਿਜ਼ਾਈਲ ਇਸ ਦੇ ਮੁਕਾਬਲੇ ਜ਼ਿਆਦਾ ਮਹਿੰਗੀ ਅਤੇ ਘੱਟ ਲਾਭਦਾਇਕ ਹੈ। ਦੱਸ ਦੇਈਏ ਕਿ ਬਰਹਮੋਸ ਨੂੰ ਭਾਰਤ ਨੇ ਰੂਸ ਦੇ ਨਾਲ ਮਿਲ ਕੇ ਤਿਆਰ ਕੀਤਾ ਸੀ। ਪਾਕਿਸਤਾਨ ਦੁਆਰਾ ਨਵੀਂ ਮਿਜ਼ਾਈਲ ਲਈ ਚੀਨ ਜਾਣ ਦੀ ਇਕ ਹੋਰ ਵਜ੍ਹਾ ਵੀ ਹੈ।
India's Brahmos Missileਅਸਲ ਵਿਚ, ਬਰਹਮੋਸ ਮਿਜ਼ਾਈਲ ਬਣਾਉਣ ਵਾਲੀ ਕੰਪਨੀ ਉਹ ਮਿਜ਼ਾਈਲ ਸਾਰਿਆ ਨੂੰ ਦਿੰਦੀ ਨਹੀਂ ਹੈ। ਇਸ ਸਾਲ ਫਰਵਰੀ ਵਿਚ ਬਰਹਮੋਸ ਦੇ ਬਾਰੇ ਵਿਚ ਇਕ ਬੁਲਾਰੇ ਨੇ ਕਿਹਾ ਸੀ, ਸਿਰਫ ਜ਼ਿੰਮੇਵਾਰੀ ਸਮਝਣ ਵਾਲੇ ਦੇਸ਼ਾਂ ਨੂੰ ਇਹ ਵੇਚੀ ਜਾਂਦੀ ਹੈ। ਨਾਲ ਹੀ ਉਸ ਦੇ ਭਾਰਤ ਅਤੇ ਰੂਸ ਦੇ ਨਾਲ ਦੋਸਤਾਨਾ ਸਬੰਧ ਵੀ ਹੋਣੇ ਚਾਹੀਦੇ ਹਨ। ਦੱਸ ਦੇਈਏ ਕਿ ਚੀਨ ਦੀ ਇਸ ਮਿਜ਼ਾਈਲ ਨੂੰ ਉਥੇ ਦੀ ਹਾਂਗਡਾ ਕੰਪਨੀ ਨੇ ਬਣਾਇਆ ਹੈ। ਇਸ ਸੁਪਰਸੋਨਿਕ ਮਿਜ਼ਾਈਲ ਨੂੰ ਐਚਡੀ-1 ਨਾਮ ਦਿਤਾ ਗਿਆ ਹੈ।
ਇਸ ਨੂੰ ਨਵੰਬਰ ਵਿਚ ਹੋਣ ਵਾਲੇ ਚੀਨ ਦੇ ਏਅਰ ਸ਼ੋ 2018 ਵਿਚ ਵਿਖਾਇਆ ਜਾਵੇਗਾ। ਵੇਈ ਡੋਂਗਜੂ ਦੇ ਮੁਤਾਬਕ, ਇਸ ਵਿਚ ਘੱਟ ਬਾਲਣ ਦੀ ਖਪਤ ਹੁੰਦੀ ਹੈ ਅਤੇ ਇਹ ਹਲਕੀ ਹੋਣ ਦੀ ਵਜ੍ਹਾ ਨਾਲ ਤੇਜ਼ੀ ਨਾਲ ਉਡਦੀ ਹੈ। ਅਜਿਹੀਆਂ ਸੁਪਰਸੋਨਿਕ ਮਿਜ਼ਾਈਲਾਂ ਕਾਫ਼ੀ ਘੱਟ ਹਨ। ਭਾਰਤ ਨੇ ਜੁਲਾਈ 2018 ਵਿਚ ਹੀ ਸੁਪਰਸੋਨਿਕ ਕਰੂਜ਼ ਮਿਜ਼ਾਈਲ ਬਰਹਮੋਸ ਦੀ ਸਫ਼ਲਤਾ ਪੂਰਵਕ ਜਾਂਚ ਕੀਤੀ ਸੀ।
