ਮੱਧ ਪ੍ਰਦੇਸ਼ ਪੁਲਿਸ ਨੇ ਐਤਵਾਰ ਨੂੰ ਉਨ੍ਹਾਂ ਲੋਕਾਂ ਵਿਰੁਧ ਸਖ਼ਤੀ ਵਿਖਾਉਂਦਿਆਂ ਸ਼ਿਕਾਇਤ ਦਰਜ ਕੀਤੀ ਹੈ
ਭੋਪਾਲ : ਮੱਧ ਪ੍ਰਦੇਸ਼ ਪੁਲਿਸ ਨੇ ਐਤਵਾਰ ਨੂੰ ਉਨ੍ਹਾਂ ਲੋਕਾਂ ਵਿਰੁਧ ਸਖ਼ਤੀ ਵਿਖਾਉਂਦਿਆਂ ਸ਼ਿਕਾਇਤ ਦਰਜ ਕੀਤੀ ਹੈ, ਜਿਨ੍ਹਾਂ ਨੇ ਬੀਤੀ ਦਿਨੀਂ ਸ਼ੁੱਕਰਵਾਰ ਨੂੰ ਬੁਰਹਾਨਪੁਰ ਵਿਚ ਇਕਬਾਲ ਚੌਕ 'ਤੇ ਦੁਪਹਿਰ ਦੀ ਨਮਾਜ਼ ਦੀ ਅਦਾਇਗੀ ਤੋਂ ਬਾਅਦ ਕਠੂਆ ਬਲਾਤਕਾਰ ਮਾਮਲੇ ਨੂੰ ਲੈ ਕੇ ਹਿੰਸਾ ਕੀਤੀ ਸੀ। ਦਰਅਸਲ ਇਥੇ ਹਜ਼ਾਰਾਂ ਦੀ ਤਾਦਾਦ ਵਿਚ ਪ੍ਰਦਰਸ਼ਨਕਾਰੀ ਰੈਲੀ 'ਚ ਪਹੁੰਚੇ ਸਨ ਤਾਂ ਰੈਲੀ ਵਿਚ ਸ਼ਾਮਲ ਕੁੱਝ ਨੌਜਵਾਨ ਗੁੱਸੇ 'ਚ ਨਾਅਰੇਬਾਜ਼ੀ ਕਰਨ ਲੱਗੇ। ਹੌਲੀ-ਹੌਲੀ ਭੀੜ ਹਿੰਸਕ ਹੋ ਗਈ, ਹਾਈਵੇ ਜਾਮ ਕਰ ਦਿਤਾ ਗਿਆ, ਗੱਡੀਆਂ ਵਿਚ ਅੱਗ ਲਗਾਈ ਗਈ। ਪੁਲਿਸ ਨੇ ਜਦੋਂ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਪਥਰਾਅ ਸ਼ੁਰੂ ਹੋ ਗਿਆ। ਇਸ ਵਿਚ ਤਿੰਨ ਪੁਲਿਸ ਕਰਮੀ ਜਖ਼ਮੀ ਹੋਏ। ਮੀਡੀਆ ਕਰਮੀ ਵੀ ਹਿੰਸਾ ਦਾ ਸ਼ਿਕਾਰ ਹੋਏ ਸਨ।
Police Booked FIR for Violence in Rally For Kathua case in MPਪੁਲਿਸ ਨੇ ਹੁਣ ਅਰਾਜਕਤਾ ਫ਼ੈਲਾਉਣ ਦੇ ਮਾਮਲੇ ਵਿਚ 50 ਲੋਕਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ, ਜਿਨ੍ਹਾਂ ਵਿਚੋਂ ਰ 30 ਨੂੰ ਬਗਾਵਤ, ਸ਼ਾਂਤੀ ਭੰਗ ਕਰਨ ਅਤੇ ਸਰਕਾਰ ਦੇ ਕੰਮ ਵਿਚ ਅੜਚਣ ਪਾਉਣ ਵਰਗੀਆਂ ਧਾਰਾਵਾਂ ਤਹਿਤ ਜ਼ੇਲ੍ਹ ਭੇਜ ਦਿਤਾ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਸੋਸ਼ਲ ਮੀਡੀਆ 'ਤੇ ਅਪਮਾਨਜਨਕ ਪੋਸਟ ਕਰ ਸ਼ੇਅਰ ਅਤੇ ਲਾਈਕ ਕਰਨ ਵਾਲੇ ਅੱਧਾ ਦਰਜਨ ਲੋਕਾਂ ਦੀ ਪਛਾਣ ਕਰ ਕੇ ਉਨ੍ਹਾਂ ਵਿਰੁਧ ਵੀ ਕਾਰਵਾਈ ਕੀਤੀ ਜਾਵੇਗੀ।
