ਤਮਿਲਨਾਡੁ ਦੇ ਕੋਇੰਬਟੂਰ ਤੋਂ ਇੱਕ ਅਜੀਬੋ-ਗਰੀਬ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਇਕ ਕਿਸਾਨ ਵਲੋਂ ਘਰ 'ਚ ਰੱਖੇ 50 ਹਜ਼ਾਰ...
ਕੋਇੰਬਟੂਰ : ਤਮਿਲਨਾਡੁ ਦੇ ਕੋਇੰਬਟੂਰ ਤੋਂ ਇੱਕ ਅਜੀਬੋ-ਗਰੀਬ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਇਕ ਕਿਸਾਨ ਵਲੋਂ ਘਰ 'ਚ ਰੱਖੇ 50 ਹਜ਼ਾਰ ਰੁਪਏ ਦੇ ਨੋਟਾਂ ਨੂੰ ਚੂਹਿਆਂ ਨੇ ਕੁਤਰ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਕਿਸਾਨ ਨੂੰ ਇਹ ਪੈਸੇ ਆਪਣੀ ਫਸਲ ਨੂੰ ਵੇਚਣ ਤੋਂ ਬਾਅਦ ਮਿਲੇ ਸਨ, ਜਿਸ ਨੂੰ ਉਸ ਨੇ ਆਪਣੀ ਝੌਂਪੜੀ 'ਚ ਰੱਖਿਆ ਸੀ। ਹਾਲ ਹੀ 'ਚ ਜਦੋਂ ਉਹ ਇਨ੍ਹਾਂ ਪੈਸਿਆਂ ਨੂੰ ਕਿਸੇ ਕੰਮ ਲਈ ਕੱਢਣ ਪਹੁੰਚਿਆ ਤਾਂ ਨੋਟਾਂ ਦੀ ਅਜਿਹੀ ਹਾਲਤ ਦੇਖ ਕੇ ਉਸ ਦੇ ਹੋਸ਼ ਉੱਡ ਗਏ।
Rat damage 50000 rupees
ਬੈਂਕ ਨੇ ਵੀ ਨੋਟ ਬਦਲਣ ਤੋਂ ਕੀਤੀ ਨਾਂਹ
ਜਾਣਕਾਰੀ ਅਨੁਸਾਰ ਕੋਇੰਬਟੂਰ ਜ਼ਿਲੇ ਦੇ ਵੇਲਿੰਗਾੜੂ ਪਿੰਡ ਦੇ ਵਾਸੀ ਰੰਗਰਾਜ ਨੇ ਬੀਤੇ ਦਿਨੀਂ ਆਪਣੇ ਖੇਤ ਦੇ ਅਨਾਜ ਨੂੰ ਵੇਚ ਕੇ ਕੁੱਲ 50 ਹਜ਼ਾਰ ਰੁਪਏ ਇਕੱਠੇ ਕੀਤੇ ਸਨ। ਇਨ੍ਹਾਂ ਪੈਸਿਆਂ ਨੂੰ ਰੰਗਰਾਜ ਨੇ ਪਿੰਡ 'ਚ ਬਣੀ ਆਪਣੀ ਝੌਂਪੜੀ 'ਚ ਰੱਖਿਆ ਸੀ। ਹਾਲ ਹੀ 'ਚ ਜਦੋਂ ਉਹ ਇਨ੍ਹਾਂ ਪੈਸਿਆਂ ਕੱਢਣ ਪਹੁੰਚਿਆ ਤਾਂ ਉਸ ਨੇ ਦੇਖਿਆ ਕਿ ਬੈਗ 'ਚ ਰੱਖੇ ਸਾਰੇ ਨੋਟ ਚੂਹਿਆਂ ਨੇ ਕੁਤਰ ਦਿੱਤੇ ਹਨ। ਰੰਗਰਾਜ ਨੇ ਦੱਸਿਆ ਕਿ ਬੈਗ 'ਚ ਰੱਖੇ 500 ਅਤੇ 2000 ਰੁਪਏ ਦੇ ਨੋਟਾਂ ਨੂੰ ਚੂਹਿਆਂ ਨੇ ਕੁਤਰ ਦਿੱਤਾ ਅਤੇ ਜਦੋਂ ਉਹ ਬੈਂਕ ਕੋਲ ਇਨ੍ਹਾਂ ਨੂੰ ਬਦਲਵਾਉਣ ਲਈ ਪਹੁੰਚੇ ਤਾਂ ਬੈਂਕ ਨੇ ਨਵੇਂ ਨੋਟ ਦੇਣ ਤੋਂ ਇਨਕਾਰ ਕਰ ਦਿੱਤਾ।
Rat damage 50000 rupees
ਪਰਿਵਾਰ 'ਤੇ ਆਇਆ ਆਰਥਿਕ ਸੰਕਟ
ਰੰਗਰਾਜ ਨੇ ਕਿਹਾ ਕਿ ਨੋਟਾਂ ਦੇ ਖਰਾਬ ਹੋਣ ਕਾਰਨ ਉਨ੍ਹਾਂ ਦੇ ਪਰਿਵਾਰ 'ਤੇ ਹੁਣ ਆਰਥਿਕ ਸੰਕਟ ਆ ਗਿਆ ਹੈ ਅਤੇ ਉਹ ਚਾਹੁੰਦੇ ਹਨ ਕਿ ਕਿਸੇ ਤਰ੍ਹਾਂ ਉਨ੍ਹਾਂ ਦੀ ਸਮੱਸਿਆ ਦਾ ਹੱਲ ਹੋ ਜਾਵੇ। ਦੱਸਣਯੋਗ ਹੈ ਕਿ ਕੁਝ ਸਮੇਂ ਪਹਿਲਾਂ ਆਸਾਮ ਦੇ ਤਿਨਸੁਕੀਆ ਜ਼ਿਲੇ 'ਚ ਵੀ ਅਜਿਹਾ ਹੀ ਇਕ ਮਾਮਲਾ ਸਾਹਮਣੇ ਆਇਆ ਸੀ। ਤਿਨਸੁਕੀਆ ਜ਼ਿਲੇ 'ਚ ਖਰਾਬ ਪਏ ਇਕ ਏ.ਟੀ.ਐੱਮ. 'ਚ ਮੌਜੂਦ ਕੈਸ਼ ਨੂੰ ਚੂਹਿਆਂ ਨੇ ਕੁਤਰ ਦਿੱਤਾ ਸੀ। ਬੈਂਕ ਨੂੰ ਇਸ ਗੱਲ ਦਾ ਪਤਾ ਉਦੋਂ ਲੱਗਾ, ਜਦੋਂ ਏ.ਟੀ.ਐੱਮ. ਦੀ ਮੁਰੰਮਤ ਕਰਨ ਪੁੱਜੇ ਇੰਜੀਨੀਅਰਾਂ ਨੇ ਇੱਥੇ ਮਸ਼ੀਨ ਦਾ ਕੈਸ਼ ਪੈਨਲ ਖੋਲ੍ਹਿਆ। ਇਸ ਦੌਰਾਨ ਚੂਹਿਆਂ ਵਲੋਂ 10 ਲੱਖ ਰੁਪਏ ਤੋਂ ਵਧ ਦੀ ਨਕਦੀ ਦਾ ਨੁਕਸਾਨ ਕੀਤਾ ਗਿਆ ਸੀ।
Tamil Nadu: Rs 50000 cash kept by a farmer in a bag in his hut at Velliangadu village of Coimbatore dist, was damaged by rats. Farmer Rangaraj says "It was my earning after selling all my harvest. I approached the local bank to exchange the notes, but the bank officials refused." pic.twitter.com/fNdWGU3Kk1
— ANI (@ANI) October 21, 2019
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
