ਗੌਰੀ ਲੰਕੇਸ਼ ਹੱਤਿਆ ਕਾਂਡ ਦੀ ਗੁੱਥੀ ਲਗਭਗ ਸੁਲਝ ਗਈ ਹੈ ਅਤੇ ਜਲਦ ਹੀ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਐਸਆਈਟੀ ਫਾਈਲ ਬੰਦ ਕਰਨ ਵਾਲੀ ਹੈ। ਕਰਨਾਟਕ ਦੇ ਗ੍ਰਹਿ ...
ਬੰਗਲੁਰੂ : ਗੌਰੀ ਲੰਕੇਸ਼ ਹੱਤਿਆ ਕਾਂਡ ਦੀ ਗੁੱਥੀ ਲਗਭਗ ਸੁਲਝ ਗਈ ਹੈ ਅਤੇ ਜਲਦ ਹੀ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਐਸਆਈਟੀ ਫਾਈਲ ਬੰਦ ਕਰਨ ਵਾਲੀ ਹੈ। ਕਰਨਾਟਕ ਦੇ ਗ੍ਰਹਿ ਮੰਤਰੀ ਜੀ ਪਰਮੇਸ਼ਵਰ ਦੇ ਦਾਅਵਿਆਂ ਤੋਂ ਤਾਂ ਅਜਿਆ ਹੀ ਲੱਗ ਰਿਹਾ ਹੈ। ਉਥੇ ਐਸਆਈਟੀ ਨੇ ਦੋ ਹੋਰ ਦੋਸ਼ੀਆਂ ਨੂੰ ਹੁਬਲੀ ਤੋਂ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਹੁਣ ਤਕ ਇਸ ਮਾਮਲੇ ਵਿਚ 9 ਦੋਸ਼ੀਆਂ ਦੀ ਗ੍ਰਿਫ਼ਤਾਰੀ ਹੋ ਚੁੱਕੀ ਹੈ। ਗੌਰੀ ਲੰਕੇਸ਼ ਹੱਤਿਆ ਕਾਂਡ ਦੀ ਜਾਂਚ ਕਰ ਰਹੀ ਐਸਆਈਟੀ ਦੇ ਮੁਤਾਬਕ ਪਰਸ਼ੂਰਾਮ ਵਾਘਮਾਰੇ ਨੇ ਗੌਰੀ ਲੰਕੇਸ਼ ਨੂੰ ਗੋਲੀ ਮਾਰ ਦਿਤੀ ਸੀ।
ਨਵੀਨ ਕੁਮਾਰ ਨੇ ਅਸਲਾ ਮੁਹੱਈਆ ਕਰਵਾਇਆ ਸੀ ਜਦਕਿ ਇਸ ਸਾਜਿਸ਼ ਨੂੰ ਅਮੋਲ ਕਾਲੇ ਨੇ ਰਚਿਆ ਸੀ। ਉਥੇ ਮੋਹਨ ਨਾਇਕ ਨੇ ਬੰਗਲੁਰੂ ਵਿਚ ਇਨ੍ਹਾਂ ਸਾਰੇ ਦੋਸ਼ੀਆਂ ਨੂੰ ਅਪਣਾ ਘਰ ਰਹਿਣ ਲਈ ਦਿਤਾ ਸੀ ਅਤੇ ਦੂਜੀਆਂ ਸਹੂਲਤਾਂ ਵੀ ਉਪਲਬਧ ਕਰਵਾਈਆਂ ਸਨ। ਹਾਲਾਂਕਿ ਹੁਬਲੀ ਤੋਂ ਗ੍ਰਿਫ਼ਤਾਰ ਦੋ ਹੋਰ ਦੋਸ਼ੀਆਂ ਦੀ ਇਸ ਹੱਤਿਆ ਕਾਂਡ ਵਿਚ ਕੀ ਭੂਮਿਕਾ ਹੇ, ਇਹ ਅਜੇ ਸਾਫ਼ ਹੋਣਾ ਬਾਕੀ ਹੈ। ਕਰਨਾਟਕ ਦੇ ਗ੍ਰਹਿ ਮੰਤਰੀ ਜੀ ਪਰਮੇਸ਼ਵਰ ਨੇ ਕਿਹਾ ਕਿ ਗੌਰੀ ਲੰਕੇਸ਼ ਹੱਤਿਆ ਕਾਂਡ ਦੀ ਜਾਂਚ ਸਬੰਧੀ ਬਹੁਤ ਕੁੱਝ ਨਹੀਂ ਦਸ ਸਕਦਾ ਪਰ ਇਕ ਹੋਰ ਵਿਅਕਤੀ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਅਸੀਂ ਇਹ ਜ਼ਰੂਰ ਦਸ ਸਕਦੇ ਹਾਂ ਕਿ ਜਾਣਕਾਰੀ ਮਿਲੇਗੀ ਅਤੇ ਜਲਦ ਹੀ ਕੇਸ ਬੰਦ ਕੀਤਾ ਜਾ ਸਕੇਗਾ।
ਦਸ ਦਈਏ ਕਿ ਪੰਜ ਸਤੰਬਰ ਨੂੰ ਗੌਰੀ ਲੰਕੇਸ਼ ਦੀ ਹੱਤਿਆ ਉਨ੍ਹਾਂ ਦੇ ਰਾਜਾ ਰਾਜੇਸ਼ਵਰੀ ਨਗਰ ਦੇ ਘਰ 'ਤੇ ਰਾਤ ਨੂੰ ਗੋਲੀ ਮਾਰ ਕੇ ਕਰ ਦਿਤੀ ਗਈ ਸੀ। ਇਕ ਆਈਜੀ ਪੱਧਰ ਦੇ ਅਧਿਕਾਰੀ ਦੀ ਦੇਖਰੇਖ ਵਿਚ ਜਾਂਚ ਚੱਲ ਰਹੀ ਹੈ ਅਤੇ ਹੁਣ ਤਕ ਐਸਆਈਟੀ ਨੇ ਕੁੱਲ 9 ਦੋਸ਼ੀਆਂ ਨੂੰ ਫੜਿਆ ਹੈ। ਵੈਸੇ ਹਿੰਦੂ ਸੰਗਠਨਾਂ ਦੇ ਵਕੀਲ ਪਹਿਲਾਂ ਹੀ ਆਖ ਚੁੱਕੇ ਹਨ ਕਿ ਪੁਲਿਸ ਦੀ ਥਿਊਰੀ ਪਹਿਲਾਂ ਵੀ ਅਦਾਲਤ ਵਿਚ ਨਹੀਂ ਟਿਕੀ ਹੈ।
ਹਿੰਦੂ ਸੰਗਠਨਾਂ ਦੇ ਵਕੀਲ ਇੰਗਲਿਸ਼ ਡਬਲਯੂ ਵਿਰੇਂਦਰ ਨੇ ਕਿਹਾ ਕਿ ਪਿਛਲੇ 10 ਸਾਲਾਂ ਵਿਚ ਮੈਂ ਦੇਖ ਰਿਹਾ ਹਾਂ। ਪੁਲਿਸ ਮੀਡੀਆ ਨੂੰ ਜਾਣਕਾਰੀ ਲੀਕ ਕਰਦੀ ਹੈ, ਫਿਰ ਹੰਗਾਮਾ ਮਚਦਾ ਹੈ ਪਰ ਅਦਾਲਤ ਵਿਚ ਇਹ ਸਭ ਨਹੀਂ ਟਿਕਦਾ। ਐਸਆਈਟੀ ਨੇ ਇਸ ਮਾਮਲੇ ਵਿਚ ਲਗਭਗ ਇਕ ਲੱਖ ਫੋਨ ਕਾਲਾਂ ਦੀ ਜਾਂਚ ਦੇ ਨਾਲ-ਨਾਲ ਤਿੰਨ ਰਾਜਾਂ ਵਿਚ ਹੋਈ ਜਾਂਚ ਤੋਂ ਬਾਅਦ 9 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਹਾਲਾਂਕਿ ਐਸਆਈਟੀ ਨੇ ਹੁਣ ਤਕ ਸਿਰਫ਼ ਨਵੀਨ ਕੁਮਾਰ ਦੇ ਵਿਰੁਧ ਹੀ ਚਾਰਜਸ਼ੀਟ ਦਾਖ਼ਲ ਕੀਤੀ ਹੈ।