ਬਿਹਾਰ ਵਿਚ ਇਕ ਸਬਜ਼ੀ ਵੇਚਣ ਵਾਲੇ 14 ਸਾਲਾ ਬੱਚੇ ਨੂੰ ਮੁਫ਼ਤ ਵਿਚ ਸਬਜ਼ੀ ਨਾ ਦੇਣ 'ਤੇ ਜੇਲ੍ਹ ਵਿਚ ਡੱਕਣ ਵਾਲੇ ਇਕ ਪੁਲਿਸ ਅਧਿਕਾਰੀ ਅਤੇ ...
ਪਟਨਾ : ਬਿਹਾਰ ਵਿਚ ਇਕ ਸਬਜ਼ੀ ਵੇਚਣ ਵਾਲੇ 14 ਸਾਲਾ ਬੱਚੇ ਨੂੰ ਮੁਫ਼ਤ ਵਿਚ ਸਬਜ਼ੀ ਨਾ ਦੇਣ 'ਤੇ ਜੇਲ੍ਹ ਵਿਚ ਡੱਕਣ ਵਾਲੇ ਇਕ ਪੁਲਿਸ ਅਧਿਕਾਰੀ ਅਤੇ 9 ਜਵਾਨਾਂ ਨੂੰ ਮੁਅੱਤਲ ਕਰ ਦਿਤਾ ਗਿਆ ਹੈ। ਇਹ ਹਾਲ ਦੇ ਦਿਨਾਂ ਵਿਚ ਸ਼ਾਇਦ ਪਹਿਲੀ ਵਾਰ ਹੋਇਆ ਹੋਵੇਗਾ ਕਿ ਜਦੋਂ ਇਕ ਬੱਚੇ ਨੂੰ ਗ਼ਲਤ ਤਰੀਕੇ ਨਾਲ ਗ੍ਰਿਫ਼ਤਾਰ ਕਰਨ 'ਤੇ ਪਟਨਾ ਪੁਲਿਸ ਨੇ ਇਸ ਤਰ੍ਹਾਂ ਦੀ ਕਾਰਵਾਈ ਕੀਤੀ ਹੋਵੇ। ਇਸ ਦੇ ਨਾਲ ਹੀ ਅਗਮਕੂਆਂ ਥਾਣੇ ਦੇ ਸਾਰੇ ਅਧਿਕਾਰੀਆਂ ਅਤੇ ਸਟਾਫ਼ ਨੂੰ ਪੁਲਿਸ ਲਾਈਨ ਵਿਚ ਜਾਣ ਦਾ ਆਦੇਸ਼ ਦਿਤਾ ਗਿਆ ਹੈ। ਇਹ ਕਾਰਵਾਈ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵਲੋਂ ਦਿਤੇ ਗਏ ਜਾਂਚ ਦੇ ਆਦੇਸ਼ ਤੋਂ ਬਾਅਦ ਕੀਤੀ ਗਈ ਹੈ।
ਦਰਅਸਲ ਪਟਨਾ ਦੇ ਪੱਤਰਕਾਰ ਨਗਰ ਥਾਣਾ ਇਲਾਕੇ ਵਿਚ ਇਕ ਸਬਜ਼ੀ ਵੇਚਣ ਵਾਲੇ ਸੁਕੂਨ ਪਾਸਵਾਨ ਦੇ 14 ਸਾਲਾ ਬੇਟੇ ਪੰਕਜ ਨੂੰ ਸਿਰਫ਼ ਇਸ ਆਧਾਰ 'ਤੇ ਗ੍ਰਿਫ਼ਤਾਰ ਕਰ ਲਿਆ ਕਿਉਂਕਿ ਉਸ ਨੇ ਸਥਾਨਕ ਥਾਣੇ ਨੂੰ ਮੁਤ ਵਿਚ ਸਬਜ਼ੀ ਦੇਣ ਤੋਂ ਇਨਕਾਰ ਕਰ ਦਿਤਾ ਸੀ। ਹਾਲਾਂਕਿ ਇਹ ਘਟਨਾ 20 ਮਾਰਚ ਦੀ ਹੈ। ਪੁਲਿਸ ਨੇ ਪੰਕਜ ਦੀ ਪਹਿਚਾਣ ਕੁੱਝ ਹੋਰ ਲੜਕਿਆਂ ਨਾਲ ਇਕ ਵਾਹਨ ਚੋਰ ਗੈਂਗ ਦੇ ਰੂਪ ਵਿਚ ਪੁਲਿਸ ਨੇ ਦਿਖਾਈ। ਉਸ ਦੇ ਕੋਲੋਂ ਇਕ ਪਿਸਟਲ, ਚਾਰ ਬਾਈਕ ਅਤੇ ਕੁੱਝ ਰੁਪਏ ਦੀ ਬਰਾਮਦਗੀ ਦਿਖਾਈ ਗਈ ਸੀ।
ਇਸ ਮਾਮਲੇ ਵਿਚ ਪਾਇਆ ਗਿਆ ਕਿ ਬੱਚਾ ਨਾਬਾਲਗ ਹੈ ਅਤੇ ਉਸ ਦੀ ਗ੍ਰਿਫ਼ਤਾਰੀ ਗ਼ਲਤ ਤਰੀਕੇ ਨਾਲ ਕੀਤੀ ਗਈ ਹੈ। ਆਈਜੀ ਨਈਅਰ ਹਸਨੈਨ ਖ਼ਾਨ ਨੇ ਜਾਂਚ ਵਿਚ ਪਾਇਆ ਕਿ ਗ੍ਰਿਫ਼ਤਾਰੀ ਘਰ ਤੋਂ ਹੋਈ ਪਰ ਪੁਲਿਸ ਨੇ ਕੋਈ ਅਲੱਗ ਜਗ੍ਹਾ ਦੱਸੀ ਸੀ। ਇਸ ਤੋਂ ਇਲਾਵਾ ਬੱਚੇ ਦੇ ਕੋਲੋਂ ਮੋਟਰਸਾਈਕਲ ਬਰਾਮਦ ਕਰਨ ਦਾ ਦਾਅਵਾ ਵੀ ਕੀਤਾ ਗਿਆ ਸੀ ਜੋ ਝੂਠ ਨਿਕਲਿਆ। ਇਸ ਤੋਂ ਇਲਾਵਾ ਇਸ ਜਾਂਚ ਦੌਰਾਨ ਐਫਆਈਆਰ ਵਿਚ ਕੀਤੀਆਂ ਗਈਆਂ ਗ਼ਲਤੀਆਂ ਪਾਈਆਂ ਗਈਆਂ ਅਤੇ ਚਾਰਜਸ਼ੀਟ ਵੀ ਬਿਨਾਂ ਉਚ ਅਧਿਕਾਰੀਆਂ ਦੀ ਸਮੀਖਿਆ ਦੇ ਬਿਨਾਂ ਅਦਾਲਤ ਵਿਚ ਦਾਖ਼ਲ ਕਰ ਦਿਤੀ ਗਈ।
ਹਾਲਾਕਿ ਜਾਂਚ ਵਿਚ ਸਬਜ਼ੀ ਨਾ ਦੇਣ 'ਤੇ ਗ੍ਰਿਫ਼ਤਾਰੀ ਦੇ ਦਾਅਵੇ ਦੇ ਸਮਰਥਨ ਵਿਚ ਸਬੂਤ ਨਾ ਮਿਲਣ ਦੀ ਗੱਲ ਆਖੀ ਗਈ ਹੈ ਪਰ ਇਸ ਰਿਪੋਰਟ ਵਿਚ ਦੋ ਥਾਣਿਆਂ ਦੇ ਇੰਚਾਰਜਾਂ ਨੂੰ ਮੁਅੱਤਲ ਕਰਨ ਤੋਂ ਇਲਾਵਾ ਛਾਪਾ ਮਾਰਨ ਵਾਲੀ ਟੀਮ ਦੇ ਨੌਂ ਲੋਕਾਂ ਨੂੰ ਵੀ ਮੁਅੱਤਲ ਕੀਤਾ ਗਿਆ ਹੈ ਪਰ ਇਸ ਦੇ ਨਾਲ ਹੀ ਉਸ ਸਮੇਂ ਉਸ ਇਲਾਕੇ ਦੇ ਐਸਡੀਪੀਓ ਦੇ ਵੀ ਪੱਧਰ 'ਤੇ ਕਈ ਖ਼ਾਮੀਆਂ ਪਾਈਆਂ ਗਈਆਂ। ਅਸਲ ਵਿਚ ਪੁਲਿਸ ਮੁਲਾਜ਼ਮਾਂ ਨੇ ਮਾਮਲੇ ਨੂੰ ਚੰਗੀ ਤਰ੍ਹਾਂ ਜਾਂਚਣ ਦੀ ਜ਼ਰੂਰਤ ਨਹੀਂ ਸਮਝੀ। ਹੁਣ ਪਟਨਾ ਪੁਲਿਸ ਨੂੰ ਜਲਦ ਅਦਾਲਤ ਵਿਚ ਬੱਚੇ ਦੀ ਰਿਹਾਈ ਲਈ ਬੇਨਤੀ ਕਰਕੇ ਜੇਲ੍ਹ ਤੋਂ ਛੁਡਾਉਣ ਦਾ ਆਦੇਸ਼ ਦਿਤਾ ਗਿਆ ਹੈ।