ਪੂਰੀ ਦੁਨੀਆ ਵਿਚ ਭਾਰਤ ਦੇ ਲੌਕਡਾਊਨ ਦੇ ਯਤਨਾਂ ਦੀ ਸ਼ਲਾਘਾ ਹੋ ਰਹੀ ਹੈ।
ਨਵੀਂ ਦਿੱਲੀ: ਪੂਰੀ ਦੁਨੀਆ ਵਿਚ ਭਾਰਤ ਦੇ ਲੌਕਡਾਊਨ ਦੇ ਯਤਨਾਂ ਦੀ ਸ਼ਲਾਘਾ ਹੋ ਰਹੀ ਹੈ। ਕੋਰੋਨਾ ਵਾਇਰਸ ਦੌਰਾਨ ਲੌਕਡਾਊਨ ਦਾ ਪਾਲਣ ਕਰਵਾਉਣ ਵਿਚ ਸਭ ਤੋਂ ਜ਼ਿਆਦਾ ਕ੍ਰੇਡਿਟ ਆਈਪੀਐਸ ਆਨੰਦ ਮਿਸ਼ਰਾ ਵਰਗੇ ਅਫਸਰਾਂ ਨੂੰ ਹੀ ਮਿਲਣਾ ਚਾਹੀਦਾ ਹੈ।
Photo
ਇਹ ਉਹ ਅਫਸਰ ਹਨ ਜੋ ਅਪਣੇ ਕੈਂਸਰ ਦਾ ਦਰਦ ਭੁੱਲ਼ ਕੇ ਕੋਰੋਨਾ ਸੰਕਰਮਣ ਦੌਰਾਨ ਡਿਊਟੀ ਕਰ ਕੇ ਦੇਸ਼ ਲਈ ਅਪਣਾ ਫਰਜ਼ ਨਿਭਾਉਂਦੇ ਰਹੇ। ਨੌਜਵਾਨਾਂ ਲਈ ਆਈਪੀਐਸ ਆਨੰਦ ਮਿਸ਼ਰਾ ਇਕ ਮਿਸਾਲ ਬਣ ਗਏ ਹਨ।
Photo
ਇਸ ਸਮੇਂ ਦਿੱਲੀ ਪੁਲਿਸ ਸੜਕਾਂ 'ਤੇ ਲੋਕਾਂ ਦੀ ਮਦਦ ਕਰਦੀ ਨਜ਼ਰ ਆ ਰਹੀ ਹੈ, ਅਜਿਹੇ ਵਿਚ ਕਈ ਪੁਲਿਸ ਕਰਮਚਾਰੀ ਖ਼ਰਾਬ ਸਿਹਤ ਦੇ ਬਾਵਜੂਦ ਵੀ ਪੂਰੀ ਲਗਨ ਨਾਲ ਡਿਊਟੀ ਵਿਚ ਲੱਗੇ ਹੋਏ ਹਨ ਤਾਂ ਜੋ ਉਹ ਇਸ ਜੰਗ ਵਿਚ ਅਪਣਾ ਯੋਗਦਾਨ ਪਾ ਸਕਣ। ਬਾਹਰੀ ਦਿੱਲੀ ਦੇ ਐਡੀਸ਼ਨਲ ਡਿਪਟੀ ਕਮਿਸ਼ਨਰ ਦੇ ਤੌਰ 'ਤੇ ਤੈਨਾਤ ਆਈਪੀਐਸ ਆਨੰਦ ਮਿਸ਼ਰਾ ਵਿਚ ਇਹਨਾਂ ਵਿਚੋਂ ਇਕ ਹਨ।
Photo
ਦੱਸ ਦਈਏ ਕਿ ਪਿਛਲੇ ਦਿਨੀਂ ਆਨੰਦ ਮਿਸ਼ਰਾ ਨੂੰ ਗਲੇ ਵਿਚ ਸਮੱਸਿਆ ਸ਼ੁਰੂ ਹੋਈ, ਉਹ ਡਿਊਟੀ 'ਤੇ ਲੱਗੇ ਰਹੇ, ਬਾਅਦ ਵਿਚ ਉਹਨਾਂ ਨੂੰ ਪਤਾ ਲੱਗਾ ਕਿ ਉਹਨਾਂ ਨੂੰ ਥਾਈਰਾਈਡ ਕੈਂਸਰ ਹੈ ਪਰ ਉਹਨਾਂ ਨੇ ਅਪਣੇ ਪਰਿਵਾਰ ਨੂੰ ਇਸ ਬਾਰੇ ਕੁਝ ਨਹੀਂ ਦੱਸਿਆ। ਆਨੰਦ ਮਿਸ਼ਰਾ 2009 ਬੈਚ ਦੇ ਆਈਪੀਐਸ ਅਫਸਰ ਹਨ। ਲੌਕਡਾਊਨ ਦਾ ਪਾਲਣ ਕਰਵਾਉਣ ਲਈ ਉਹ ਸਖਤੀ ਨਾਲ ਡਿਊਟੀ ਨਿਭਾਅ ਰਹੇ ਹਨ।
Photo
ਹਾਲ ਹੀ ਵਿਚ ਆਨੰਦ ਮਿਸ਼ਰਾ ਦਾ ਰਾਜੀਵ ਗਾਂਧੀ ਕੈਂਸਰ ਇੰਸਟੀਚਿਊਟ ਵਿਚ ਆਪਰੇਸ਼ਨ ਹੋਇਆ ਹੈ। ਬਿਮਾਰੀ ਬਾਰੇ ਪਤਾ ਲੱਗਣ ਤੋਂ ਬਾਅਦ ਵੀ ਉਹ ਅਪਣੀ ਡਿਊਟੀ 'ਤੇ ਆਉਂਦੇ ਰਹੇ। ਦੱਸ ਦਈਏ ਕਿ ਆਨੰਦ ਮਿਸ਼ਰਾ ਦੀ ਪਤਨੀ ਮਥੁਰਾ ਵਿਚ ਪੁਲਿਸ ਅਫਸਰ ਹੈ।
Photo
ਆਨੰਦ ਮਿਸ਼ਰਾ ਨੇ ਅਪਣੀ ਡਿਊਟੀ ਦੌਰਾਨ ਪਰਵਾਸੀ ਮਜ਼ਦੂਰਾਂ ਦੀ ਦੇਖਭਾਲ ਕੀਤੀ ਅਤੇ ਉਹਨਾਂ ਦੇ ਖਾਣ-ਪੀਣ ਦਾ ਇੰਤਜ਼ਾਮ ਵੀ ਕੀਤਾ। ਫਿਲਹਾਲ ਉਹਨਾਂ ਦੀ ਸਿਹਤ ਠੀਕ ਹੈ ਅਤੇ ਹਾਲੇ ਵੀ ਉਹ ਹਸਪਤਾਲ ਵਿਚ ਭਰਤੀ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਪੂਰੀ ਉਮੀਦ ਹੈ ਕਿ ਉਹ ਜਲਦ ਹੀ ਅਪਣੀ ਡਿਊਟੀ 'ਤੇ ਵਾਪਸ ਜਾਣਗੇ।
