ਹਸਪਤਾਲ ਪੁੱਜਣ ਮਗਰੋਂ ਡਾਕਟਰਾਂ ਨੇ 27 ਕਿਲੋਮੀਟਰ ਦੂਰ ਸਦਰ ਹਸਪਤਾਲ ਲਈ ਰੈਫ਼ਰ ਕਰ ਦਿਤਾ
ਰਾਂਚੀ : ਝਾਰਖੰਡ ਵਿਚ ਗਰਭਵਤੀ ਔਰਤ ਨੂੰ ਪਹਿਲਾਂ ਤਾਂ ਐਂਬੂਲੈਂਸ ਨਾ ਦਿਤੀ ਗਈ ਅਤੇ ਬਾਅਦ ਵਿਚ ਉਸ ਨੂੰ ਇਕ ਹਸਤਪਾਲ ਤੋਂ ਦੂਜੇ ਹਸਤਪਾਲ ਲਈ ਰੈਫ਼ਰ ਕੀਤਾ ਗਿਆ। ਇਹ ਘਟਨਾ ਝਾਰਖੰਡ ਦੇ ਲਤੇਹਾਰ ਜ਼ਿਲ੍ਹੇ ਦਾ ਚਾਂਡਵਾ ਬਲਾਕ ਦੀ ਹੈ ਜਿਥੇ ਇਕ ਗਰਭਵਤੀ ਮਹਿਲਾ 30 ਸਾਲਾ ਸ਼ਾਂਤੀ ਦੇਵੀ ਨੂੰ ਐਂਬੂਲੈਂਸ ਨਾ ਮਿਲਣ ਕਾਰਨ ਉਸ ਦੇ ਪਰਵਾਰ ਨੇ ਮੋਟਰਸਾਈਕਲ 'ਤੇ ਬਿਠਾ ਕੇ ਲਗਭਗ 10 ਕਿਲੋਮੀਟਰ ਦੂਰ ਸਥਿਤ ਚਾਂਡਵਾ ਸਿਹਤ ਕੇਂਦਰ ਪਹੁੰਚਾਇਆ ਗਿਆ।
Jharkhand family rushes pregnant woman to hospital on bike
ਇਥੋਂ ਦੇ ਡਾਕਟਰਾਂ ਨੇ ਉਸ ਨੂੰ 27 ਕਿਲੋਮੀਟਰ ਦੂਰ ਲਤੇਹਾਰ ਸਦਰ ਹਸਪਤਾਲ ਲਈ ਰੈਫ਼ਰ ਕਰ ਦਿਤਾ ਅਤੇ ਇਸ ਵਾਰ ਮਹਿਲਾ ਨੂੰ ਐਂਬੂਲੈਂਸ ਰਾਹੀਂ ਉਥੇ ਲਿਜਾਇਆ ਗਿਆ। ਗੰਭੀਰ ਹਾਲਤ ਵਿਚ ਲਤੇਹਾਰ ਹਸਪਤਾਲ ਪੁੱਜਣ 'ਤੇ ਇਥੋਂ ਦੇ ਡਾਕਟਰਾਂ ਨੇ ਵਧੀਆ ਸਹੂਲਤ ਦੇਣ ਲਈ ਉਸ ਨੂੰ ਰਾਂਚੀ ਸਥਿਤ ਰਿਮਸ ਹਸਪਤਾਲ ਲਈ ਰੈਫ਼ਰ ਕਰ ਦਿਤਾ ਜਿਥੇ ਮਹਿਲਾ ਨੂੰ ਆਖ਼ਰ ਦਾਖ਼ਲ ਕਰ ਲਿਆ।
Shanti Devi
ਗਰਭਵਤੀ ਮਹਿਲਾ ਨੂੰ ਇਕ ਤੋਂ ਦੂਜੇ ਹਸਪਤਾਲ ਲਈ ਰੈਫ਼ਰ ਕਰਨਾ ਹੈਰਾਨ ਕਰ ਦੇਣ ਵਾਲੀ ਘਟਨਾ ਹੈ। ਗਰਭਵਤੀ ਮਹਿਲਾ ਸ਼ਾਂਤੀ ਦੇਵੀ ਦੇ ਪਤੀ ਕਮਲ ਗੰਝੂ ਨੇ ਕਿਹਾ ਕਿ ਐਂਬੂਲੈਂਸ ਦਾ ਪ੍ਰਬੰਧ ਨਾ ਹੋਣ ਕਾਰਨ ਉਸ ਨੇ ਅਪਣੀ ਪਤਨੀ ਨੂੰ ਮੋਟਰਸਾਈਕਲ 'ਤੇ ਬਿਠਾ ਕੇ ਹਸਪਤਾਲ ਪਹੁੰਚਾਇਆ ਕਿਉਂਕਿ ਉਸ ਦੀ ਹਾਲਤ ਖ਼ਰਾਬ ਹੁੰਦੀ ਜਾ ਰਹੀ ਸੀ।
Jharkhand: 4-months pregnant woman brought to Chandwa Community Health Centre in an unconscious condition on a motorbike allegedly due to unavailability of an ambulance. (26.06.19) pic.twitter.com/48aolUNMNU
— ANI (@ANI) 28 June 2019
ਸੀਪੀਐਮ ਦੇ ਆਗੂ ਅਯੂਬ ਖ਼ਾਨ ਨੇ ਕਿਹਾ ਕਿ ਸਦਰ ਹਸਪਤਾਲ ਦੇ ਡਾਕਟਰਾਂ ਨੇ ਲਤੇਹਾਰ ਦੇ ਡੀਸੀ ਦੇ ਕਹਿਣ ਦੇ ਬਾਵਜੂਦ ਸ਼ਾਂਤੀ ਦੇਵੀ ਨੂੰ ਖ਼ੂਨ ਚੜ੍ਹਾਉਣ ਤੋਂ ਇਨਕਾਰ ਕਰ ਦਿਤਾ। ਪੀੜਤ ਪਰਵਾਰ ਲਤੇਹਾਰ ਜ਼ਿਲ੍ਹੇ ਦੇ ਚਾਂਡਵਾ ਬਲਾਕ ਵਿਚ ਪੈਂਦੇ ਛਟੌਗ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਪਿੰਡ ਉਨ੍ਹਾਂ ਤਿੰਨ ਪਿੰਡਾਂ ਵਿਚ ਸ਼ਾਮਲ ਸੀ ਜਿਸ ਦੀ ਸਥਾਨਕ ਸੰਸਦ ਮੈਂਬਰ ਨੇ ਵਧੀਆ ਪਿੰਡ ਬਣਾਉਣ ਲਈ ਚੋਣ ਕੀਤੀ ਸੀ।
