ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐਨਸੀਪੀ) ਦੇ ਪ੍ਰਧਾਨ ਸ਼ਰਦ ਪਵਾਰ ਨੇ ਸੋਮਵਾਰ ਨੂੰ ਕਿਹਾ ਕਿ 2019 ਦੇ ਚੋਣ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਸੀਟਾਂ ਜਿੱਤਣ ਵਾਲੀ ਪਾਰਟੀ ਹੀ ਪ੍ਰਧਾਨ ..
ਮੁੰਬਈ :- ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐਨਸੀਪੀ) ਦੇ ਪ੍ਰਧਾਨ ਸ਼ਰਦ ਪਵਾਰ ਨੇ ਸੋਮਵਾਰ ਨੂੰ ਕਿਹਾ ਕਿ 2019 ਦੇ ਚੋਣ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਸੀਟਾਂ ਜਿੱਤਣ ਵਾਲੀ ਪਾਰਟੀ ਹੀ ਪ੍ਰਧਾਨ ਮੰਤਰੀ ਅਹੁਦੇ ਲਈ ਦਾਅਵਾ ਕਰੇਗੀ। ਉਨ੍ਹਾਂ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੇ ਉਸ ਬਿਆਨ ਉੱਤੇ ਖੁਸ਼ੀ ਜ਼ਾਹਿਰ ਕੀਤੀ, ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਪ੍ਰਧਾਨ ਮੰਤਰੀ ਬਣਨ ਦਾ ਸੁਫ਼ਨਾ ਨਹੀਂ ਵੇਖਦੇ। ਖਬਰਾਂ ਦੇ ਮੁਤਾਬਕ ਪਵਾਰ ਨੇ ਕਿਹਾ ਕਿ ਚੋਣ ਹੋਣ ਦਿਓ, ਇਨ੍ਹਾਂ ਲੋਕਾਂ (ਭਾਜਪਾ) ਨੂੰ ਸੱਤਾ ਤੋਂ ਬੇਦਖ਼ਲ ਹੋਣ ਦਿਓ। ਅਸੀਂ ਇਕੱਠੇ ਬੈਠਾਂਗੇ।
Sharad Pawar
ਜਿਆਦਾ ਸੀਟ ਜਿੱਤਣ ਵਾਲੀ ਪਾਰਟੀ ਪ੍ਰਧਾਨ ਮੰਤਰੀ ਅਹੁਦੇ ਉੱਤੇ ਦਾਅਵਾ ਕਰ ਸਕਦੀ ਹੈ। ਉਨ੍ਹਾਂ ਨੇ ਮੁੰਬਈ ਵਿਚ ਪਾਰਟੀ ਦੀ ਬੈਠਕ ਵਿਚ ਕਿਹਾ ਕਿ ਮੈਂ ਇਸ ਗੱਲ ਤੋਂ ਖੁਸ਼ ਹਾਂ ਕਿ ਕਾਂਗਰਸ ਨੇਤਾ (ਰਾਹੁਲ ਗਾਂਧੀ) ਨੇ ਵੀ ਕਿਹਾ ਹੈ ਕਿ ਉਹ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੋੜ ਵਿਚ ਨਹੀਂ ਹੈ। ਰਾਹੁਲ ਗਾਂਧੀ ਨੇ ਐਤਵਾਰ ਨੂੰ ਕਿਹਾ ਸੀ ਕਿ ਉਹ ਪ੍ਰਧਾਨ ਮੰਤਰੀ ਬਨਣ ਦਾ ਸੁਫ਼ਨਾ ਨਹੀਂ ਵੇਖਦੇ। ਰਾਹੁਲ ਗਾਂਧੀ ਨੇ ਕਿਹਾ ਸੀ ਕਿ ਮੈਂ ਇਸ ਤਰ੍ਹਾਂ (ਪ੍ਰਧਾਨ ਮੰਤਰੀ ਬਨਣ) ਦੇ ਸਪਨੇ ਨਹੀਂ ਵੇਖਦਾ। ਮੈਂ ਆਪਣੇ ਆਪ ਨੂੰ ਇਕ ਵੈਚਾਰਿਕ ਲੜਾਈ ਲੜਨ ਵਾਲੇ ਦੇ ਤੌਰ ਉੱਤੇ ਵੇਖਦਾ ਹਾਂ
ਅਤੇ ਇਹ ਬਦਲਾਵ ਮੇਰੇ ਅੰਦਰ 2014 ਤੋਂ ਬਾਅਦ ਆਇਆ। ਮੈਨੂੰ ਮਹਿਸੂਸ ਹੋਇਆ ਕਿ ਜਿਸ ਤਰ੍ਹਾਂ ਦੀਆਂ ਘਟਨਾਵਾਂ ਦੇਸ਼ ਵਿਚ ਹੋ ਰਹੀਆਂ ਹਨ, ਉਸ ਨਾਲ ਭਾਰਤ ਅਤੇ ਭਾਰਤੀਯਤਾ ਨੂੰ ਖ਼ਤਰਾ ਹੈ। ਮੁੰਬਈ ਵਿਚ ਆਯੋਜਿਤ ਬੈਠਕ ਵਿਚ ਪਵਾਰ ਨੇ ਐਨਸੀਪੀ ਨੇਤਾਵਾਂ ਨੂੰ ਯਾਦ ਦਵਾਇਆ ਕਿ 2004 ਦੇ ਆਮ ਚੋਣ ਤੋਂ ਬਾਅਦ ਗਠਿਤ ਯੂਪੀਏ ਨੇ ਤਤਕਾਲੀਨ ਐਨਡੀਏ ਸਰਕਾਰ ਨੂੰ ਸੱਤਾ ਤੋਂ ਬੇਦਖ਼ਲ ਕੀਤਾ ਸੀ।
ਉਨ੍ਹਾਂ ਨੇ ਕਿਹਾ ਕਿ ਉਹ ਹਰ ਰਾਜ ਵਿਚ ਜਾ ਕੇ ਅਜਿਹੇ ਖੇਤਰੀ ਪਾਰਟੀਆਂ ਨੂੰ ਉਨ੍ਹਾਂ ਦੇ ਨਾਲ ਜੋੜਨ ਦੀ ਕੋਸ਼ਿਸ਼ ਕਰਨਗੇ ਜੋ ਅਜੇ ਭਾਜਪਾ ਦੇ ਨਾਲ ਨਹੀਂ ਹਨ। ਸਾਬਕਾ ਕੇਂਦਰੀ ਮੰਤਰੀ ਨੇ ਕਿਹਾ, ਗੁਜਰਾਤ, ਮੱਧ ਪ੍ਰਦੇਸ਼ ਅਤੇ ਰਾਜਸਥਾਨ ਵਿਚ ਕਾਂਗਰਸ ਦੀ ਸਥਿਤੀ ਮਜ਼ਬੂਤ ਹੈ। ਉੱਤਰ ਪ੍ਰਦੇਸ਼ ਵਿਚ ਮਾਇਆਵਤੀ ਅਤੇ ਅਖਿਲੇਸ਼ ਹਨ। ਹਰ ਰਾਜ ਦੀ ਸਥਿਤੀ ਵੱਖਰੀ ਹੈ। ਇਸ ਲਈ ਸਾਨੂੰ ਹਰ ਰਾਜ ਵਿਚ ਮਜਬੂਤ ਲੋਕਾਂ ਨੂੰ ਆਪਣੇ ਨਾਲ ਲੈਣਾ ਹੋਵੇਗਾ।
