ਲੜਕੀਆਂ ਹਰ ਖੇਤਰ ਵਿਚ ਸਫ਼ਲਤਾਪੂਰਵਕ ਅਪਣੇ ਕਦਮ ਰੱਖ ਰਹੀਆਂ ਹਨ। ਅਜਿਹੀ ਹੀ ਇਕ ਲੜਕੀ ਹੈ ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਵਿਚ ਬਚਪਨ ਗੁਜ਼ਾਰਨ ਵਾਲੀ ਸ਼ਾਲਿਜਾ ਧਾਮੀ।
ਨਵੀਂ ਦਿੱਲੀ: ਦੇਸ਼ ਵਿਚ ਲੜਕੀਆਂ ਹਰ ਖੇਤਰ ਵਿਚ ਸਫ਼ਲਤਾਪੂਰਵਕ ਅਪਣੇ ਕਦਮ ਰੱਖ ਰਹੀਆਂ ਹਨ। ਅਜਿਹੀ ਹੀ ਇਕ ਲੜਕੀ ਹੈ ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਵਿਚ ਬਚਪਨ ਗੁਜ਼ਾਰਨ ਵਾਲੀ ਸ਼ਾਲਿਜਾ ਧਾਮੀ। ਭਾਰਤੀ ਹਵਾਈ ਫੌਜ ਦੀ ਵਿੰਗ ਕਮਾਂਡਰ ਨੇ ਫਲਾਇੰਗ ਯੂਨਿਟ ਦੀ ਪਹਿਲੀ ਮਹਿਲਾ ਪਾਇਲਟ ਕਮਾਂਡਰ ਬਣਨ ਦਾ ਰਿਕਾਰਡ ਦਰਜ ਕੀਤਾ ਹੈ। ਧਾਮੀ ਨੇ ਹਿੰਡਨ ਸਥਿਤ ਹਵਾਈ ਫੌਜ ਦੇ ਹਵਾਈ ਅੱਡੇ ਵਿਚ ਚੇਤਕ ਹੈਲੀਕਾਪਟਰ ਯੂਨਿਟ ਦੇ ਫਲਾਈਟ ਕਮਾਂਡਰ ਦਾ ਅਹੁਦਾ ਸੰਭਾਲ ਲਿਆ ਹੈ। ਫਲਾਈਟ ਕਮਾਂਡਰ ਯੂਨਿਟ ਦੀ ਕਮਾਨ ਵਿਚ ਇਹ ਦੂਜਾ ਅਹੁਦਾ ਹੈ।
Shalija Dhami
ਪੰਜਾਬ ਦੇ ਲੁਧਿਆਣਾ ਵਿਚ ਵੱਡੀ ਹੋਈ ਇਹ ਲੜਕੀ ਹਾਈ ਸਕੂਲ ਦੇ ਦਿਨਾਂ ਤੋਂ ਹੀ ਪਾਇਲਟ ਬਣਨਾ ਚਾਹੁੰਦੀ ਸੀ। ਕੈਰੀਅਰ ਵਿਚ ਉਚਾਈਆਂ ਨੂੰ ਛੂਹ ਰਹੀ ਧਾਮੀ 9 ਸਾਲ ਦੇ ਬੱਚੇ ਦੀ ਮਾਂ ਹੈ। ਉਹ ਅਪਣੇ ਹੁਣ ਤੱਕ ਦੇ ਕੈਰੀਅਰ ਵਿਚ ਚੇਤਕ ਅਤੇ ਚੀਤਾ ਹੈਲੀਕਾਪਟਰ ਉਡਾਉਂਦੀ ਰਹੀ ਹੈ। ਵਿੰਗ ਕਮਾਂਡਰ ਸ਼ਾਲਿਜਾ 15 ਸਾਲਾਂ ਤੋ ਹਵਾਈ ਫੌਜ ਵਿਚ ਰਹਿੰਦੇ ਹੋਏ ਦੇਸ਼ ਦੀ ਸੇਵਾ ਕਰ ਰਹੀ ਹੈ। 2300 ਘੰਟਿਆਂ ਤੱਕ ਉਡਾਨ ਦਾ ਤਜ਼ਰਬਾ ਰੱਖਣ ਵਾਲੀ ਸ਼ਾਲਿਜਾ ਧਾਮੀ ਹਵਾਈ ਫੌਜ ਦੀ ਪਹਿਲੀ ਮਹਿਲਾ ਅਧਿਕਾਰੀ ਹੈ, ਜਿਨ੍ਹਾਂ ਨੂੰ ਲੰਬੇ ਕਾਰਜਕਾਲ ਲਈ ਸਥਾਈ ਕਮਿਸ਼ਨ ਪ੍ਰਦਾਨ ਕੀਤਾ ਜਾਵੇਗਾ।
Shalija Dhami
ਜ਼ਿਕਰਯੋਗ ਹੈ ਕਿ ਦਿੱਲੀ ਹਾਈਕੋਰਟ ਵਿਚ ਲੰਬੀ ਅਤੇ ਕਠਿਨ ਕਾਨੂੰਨੀ ਲੜਾਈ ਜਿੱਤਣ ਤੋਂ ਬਾਅਦ ਮਹਿਲਾ ਅਧਿਕਾਰੀਆਂ ਨੂੰ ਅਪਣੇ ਪੁਰਸ਼ ਹਮਅਹੁਦਾ ਨਾਲ ਸਥਾਈ ਕਮਿਸ਼ਨ ‘ਤੇ ਵਿਚਾਰ ਕਰਨ ਦਾ ਅਧਿਕਾਰ ਮਿਲਿਆ ਹੈ। ਦੱਸ ਦਈਏ ਕਿ ਭਾਰਤੀ ਹਵਾਈ ਫੌਜ ਵਿਚ 1994 ਵਿਚ ਪਹਿਲੀ ਵਾਰ ਔਰਤਾਂ ਨੂੰ ਸ਼ਾਮਲ ਕੀਤਾ ਗਿਆ ਪਰ ਉਹਨਾਂ ਨੂੰ ਨਾਨ-ਕੰਮਬੈਟ ਰੋਲ ਦਿੱਤਾ ਗਿਆ।
Congratulations to Wing Commander #ShalijaDhami. You have scripted history by becoming the first female officer to be appointed as Flight Commander of a Flying Unit. Wish you the best for your future endeavours. @IAF_MCC pic.twitter.com/HeFrbsJRZk
— Capt.Amarinder Singh (@capt_amarinder) August 28, 2019
ਹੌਲੀ-ਹੌਲੀ ਔਰਤਾਂ ਨੇ ਸੰਘਰਸ਼ ਕਰ ਕੇ ਹੁਣ ਕੰਮਬੈਟ ਰੋਲ ਹਾਸਲ ਕੀਤੇ ਹਨ। ਧਾਮੀ ਦੀ ਇਸ ਕਾਮਯਾਬੀ ਤੋਂ ਬਾਅਦ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਟਵੀਟ ਕਰਕੇ ਉਹਨਾਂ ਨੂੰ ਵਧਾਈ ਦਿੱਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
