Advertisement

ਕਾਂਗਰਸ ਨੇ ਭਾਜਪਾ-ਆਰਐਸਐਸ ਨੂੰ ਚੁਣੌਤੀ ਦੇਣ ਲਈ ਬਣਾਈ ਰਣਨੀਤੀ, ਵਾਰਾਨਸੀ ਤੋਂ ਹੋਵੇਗੀ ਸ਼ੁਰੂਆਤ

ਸਪੋਕਸਮੈਨ ਸਮਾਚਾਰ ਸੇਵਾ
Published Jul 29, 2018, 12:56 pm IST
Updated Jul 29, 2018, 12:56 pm IST
ਲੋਕ ਸਭਾ ਚੋਣਾਂ ਅਤੇ ਤਿੰਨ ਰਾਜਾਂ ਵਿਚ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਕਾਂਗਰਸ ਦੇ ਸੇਵਾ ਦਲ ਨੇ ਭਾਜਪਾ ਦੇ 'ਰਾਸ਼ਟਰਵਾਦ ਅਤੇ ਰਾਸ਼ਟਰਵਾਦੀ ਵਟਾਂਦਰੇ' ਨੂੰ ...
Rahul Gandhi
 Rahul Gandhi

ਨਵੀਂ ਦਿੱਲੀ : ਲੋਕ ਸਭਾ ਚੋਣਾਂ ਅਤੇ ਤਿੰਨ ਰਾਜਾਂ ਵਿਚ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਕਾਂਗਰਸ ਦੇ ਸੇਵਾ ਦਲ ਨੇ ਭਾਜਪਾ ਦੇ 'ਰਾਸ਼ਟਰਵਾਦ ਅਤੇ ਰਾਸ਼ਟਰਵਾਦੀ ਵਟਾਂਦਰੇ' ਨੂੰ ਚੁਣੌਤੀ ਦੇਣ ਲਈ ਅਗਲੇ ਮਹੀਨੇ ਸਾਰੇ ਸੂਬਿਆਂ ਵਿਚ 'ਤਿਰੰਗਾ ਮਾਰਚ' ਕੱਢਣ ਦਾ ਫ਼ੈਸਲਾ ਕੀਤਾ ਹੈ। ਸੇਵਾ ਦਲ 'ਭਾਰਤ ਛੱਡੋ ਅੰਦੋਲਨ' ਦੇ 76 ਸਾਲ ਪੂਰੇ ਹੋਣ ਦੇ ਮੌਕੇ 'ਤੇ 9 ਅਗਸਤ ਨੂੰ ਸਾਰੇ 29 ਸੂਬਿਆਂ ਦੀਆਂ ਰਾਜਧਾਨੀਆਂ ਜਾਂ ਪ੍ਰਮੁੱਖ ਸ਼ਹਿਰਾਂ ਵਿਚ ਤਿਰੰਗਾ ਮਾਰਚ ਕੱਢੇਗਾ। 

Congress Tiranga Yatra Congress Tiranga Yatraਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਨਸੀ ਵਿਚ ਵੀ ਤਿਰੰਗਾ ਮਾਰਚ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ, ਜਿੱਥੇ ਮਾਰਚ ਦੀ ਅਗਵਾਈ ਖ਼ੁਦ ਸੇਵਾ ਦੇ ਮੁੱਖ ਆਗੂ ਲਾਲਜੀ ਭਾਈ ਦੇਸਾਈ ਕਰਨਗੇ। ਦੇਸਾਈ ਨੇ ਕਿਹਾ ਕਿ 76 ਸਾਲ ਪਹਿਲਾਂ ਅੰਗਰੇਜ਼ਾਂ ਦੀ ਵੰਡੋ ਅਤੇ ਰਾਜ ਕਰੋ ਦੀ ਨੀਤੀ ਦੇ ਵਿਰੁਧ ਆਵਾਜ਼ ਉਠਾਈ ਗਈ ਸੀ। ਅੱਜ ਫਿਰ ਦੇਸ਼ ਨੂੰ ਵੰਡ ਕੇ ਰਾਜ ਕਰਨ ਦੀ ਕੋਸ਼ਿਸ਼ ਹੋ ਰਹੀ ਹੈ ਅਤੇ ਇਸ ਦੇ ਲਈ ਖੋਖਲੇ ਰਾਸ਼ਟਰਵਾਦ ਦਾ ਸਹਾਰਾ ਲਿਆ ਜਾ ਰਿਹਾ ਹੈ।

Advertisement

Congress Tiranga Yatra Congress Tiranga Yatraਉਨ੍ਹਾਂ ਕਿਹਾ ਕਿ ਅਜਿਹੇ ਵਿਚ ਅਸੀਂ ਤਿਰੰਗਾ ਮਾਰਚ ਕੱਢਣ ਦਾ ਫ਼ੈਸਲਾ ਕੀਤਾ ਹੈ ਤਾਕਿ ਇਨ੍ਹਾਂ ਦੀ ਸਚਾਈ ਨੂੰ ਬੇਨਕਾਬ ਕੀਤਾ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਤਿਰੰਗਾ ਮਾਰਚ ਦੇ ਜ਼ਰੀਏ ਸਾਡੇ ਲੋਕ ਜਨਤਾ ਨੂੰ ਦੱਸਣਗੇ ਕਿ ਇਸ ਦੇਸ਼ ਵਿਚ ਸੱਚਾ ਰਾਸ਼ਟਰਵਾਦ ਅਤੇ ਤਿਰੰਗਾ ਹੀ ਚੱਲੇਗਾ, ਵੰਡਣ ਦੀ ਰਾਜਨੀਤੀ ਨਹੀਂ ਚੱਲੇਗੀ। ਦੇਸਾਈ ਮੁਤਾਬਕ ਸਾਰੇ ਸੂਬਿਆਂ ਦੀਆਂ ਰਾਜਧਾਨੀਆਂ ਜਾਂ ਮੁੱਖ ਸ਼ਹਿਰਾਂ ਵਿਚ ਤਿਰੰਗਾ ਮਾਰਚ ਕੱਢੇ ਜਾਣ ਦੇ ਨਾਲ ਸ਼ਹਿਰ ਵਿਚ ਕਿਸੇ ਇਕ ਸਥਾਨ 'ਤੇ ਰੈਲੀ ਵੀ ਕੀਤੀ ਜਾਵੇਗੀ ਅਤੇ ਲੋਕਾਂ ਨੂੰ ਆਜ਼ਾਦੀ ਦੀ ਲੜਾਈ, ਗਾਂਧੀ, ਨਹਿਰੂ ਦੀ ਵਿਚਾਰਧਾਰਾ ਅਤੇ ਮੌਜੂਦਾ ਸਮੇਂ ਵਿਚ ਦੇਸ਼ ਦੇ ਸਾਹਮਣੇ ਖੜ੍ਹੀਆਂ ਚੁਣੌਤੀਆਂ ਸਬੰਧੀ ਦੱਸਿਆ ਜਾਵੇਗਾ।

Congress Tiranga Yatra Congress Tiranga Yatraਇਹ ਪੁੱਛੇ ਜਾਣ 'ਤੇ ਕਿ ਕੀ ਇਸ ਪ੍ਰੋਗਰਾਮ ਦਾ ਸਬੰਧ ਅਗਾਮੀ ਚੋਣਾਂ ਨਾਲ ਹੈ ਤਾਂ ਸੇਵਾ ਦਲ ਦੇ ਮੁੱਖ ਨੇਤਾ ਨੇ ਕਿਹਾ ਕਿ ਨਿਸ਼ਚਿਤ ਤੌਰ 'ਤੇ ਸਬੰਧ ਹੈ। ਚੋਣਾਂ ਤੋਂ ਪਹਿਲਾਂ ਜਨਤਾ ਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨੂੰ ਧਰਮ ਅਤੇ ਜਾਤ ਦੇ ਨਾਮ 'ਤੇ ਵੰਡਿਆ ਜਾ ਰਿਹਾ ਹੈ। ਇਸ ਨੂੰ ਲੈ ਕੇ ਅਸੀਂ ਜਨਤਾ ਨੂੰ ਜਾਗਰੂਕ ਕਰਾਂਗੇ। ਜ਼ਿਕਰਯੋਗ ਹੈ ਕਿ ਰਾਸ਼ਟਰਵਾਦ ਅਤੇ ਕੁੱਝ ਹੋਰ ਵਿਸ਼ਿਆਂ 'ਤੇ ਆਰਐਸਐਸ ਦੇ ਵਟਾਂਦਰੇ ਦੀ ਕਾਟ ਦੇ ਤੌਰ 'ਤੇ ਸੇਵਾ ਦਲ ਨੇ ਹਾਲ ਹੀ ਵਿਚ 'ਧਵਜ ਵੰਦਨ' ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ। 

Congress Tiranga Yatra Congress Tiranga Yatraਦੇਸਾਈ ਮੁਤਾਬਕ ਮਹੀਨੇ ਦੇ ਆਖ਼ਰੀ ਐਤਵਾਰ ਨੂੰ ਦੇਸ਼ ਦੇ 300 ਜ਼ਿਲ੍ਹਿਆਂ, ਸ਼ਹਿਰਾਂ ਵਿਚ ਇਹ ਪ੍ਰੋਗਰਾਮ ਹੋ ਰਿਹਾ ਹੈ ਅਤੇ ਆਉਣ ਵਾਲੇ ਕੁੱਝ ਮਹੀਨਿਆਂ ਵਿਚ ਇਸ ਦਾ ਸ਼ਹਿਰਾਂ ਅਤੇ ਜ਼ਿਲ੍ਹਿਆਂ ਵਿਚ ਵਿਸਥਾਰ ਕੀਤਾ ਜਾਵੇਗਾ। ਸੇਵਾ ਦਲ ਅਪਣੇ ਇਨ੍ਹਾਂ ਪ੍ਰੋਗਰਾਮਾਂ ਵਿਚ ਨਹਿਰੂ ਗਾਂਧੀ ਦੇ ਸਿਧਾਂਤਾਂ ਤੋਂ ਇਲਾਵਾ ਧਰਮ ਨਿਰਪੱਖਤਾ ਆਦਿ 'ਤੇ ਚਰਚਾ ਕਰੇਗਾ।  

Location: India, Delhi, Delhi

ਸਬੰਧਤ ਖ਼ਬਰਾਂ

Advertisement

 

Advertisement
Advertisement