ਸੰਸਾਰ ਦੇ ਤੀਸਰੇ ਨੰਬਰ ਦੇ ਟੈਨਿਸ ਖਿਡਾਰੀ ਰੋਜਰ ਫੈਡਰਰ ਨੇ ਇਥੇ ਐਤਵਾਰ ਨੂੰ ਅਪਣੇ ਘਰ ਵਿਚ ਰੋਮਾਨੀਆ ਦੇ ਕਵਾਲੀਫਾਇਰ ਮਾਰਿਅਸ ਕੋਪਿਲ ਨੂੰ ਪੁਰਸ਼ ...
ਬਾਸੇਲ (ਭਾਸ਼ਾ) : ਸੰਸਾਰ ਦੇ ਤੀਸਰੇ ਨੰਬਰ ਦੇ ਟੈਨਿਸ ਖਿਡਾਰੀ ਰੋਜਰ ਫੈਡਰਰ ਨੇ ਇਥੇ ਐਤਵਾਰ ਨੂੰ ਅਪਣੇ ਘਰ ਵਿਚ ਰੋਮਾਨੀਆ ਦੇ ਕਵਾਲੀਫਾਇਰ ਮਾਰਿਅਸ ਕੋਪਿਲ ਨੂੰ ਪੁਰਸ਼ ਸਿੰਗਲਸ ਦੇ ਫਾਈਨਲ ਵਿਚ ਹਰਾ ਕੇ ਸਵਿਰਸ ਇੰਡੋਰਸ ਦਾ ਖਿਤਾਬ ਜਿੱਤਿਆ ਹੈ। ਇਸ ਦੇ ਨਾਲ ਹੀ ਸਵਿਟਜਰਲੈਂਡ ਦੇ ਦਿੱਗਜ ਖਿਡਾਰੀ ਫੈਡਰਰ ਨੇ ਅਪਣੇ ਕਰੀਅਰ ਦਾ 99ਵਾਂ ਏਟੀਪੀ ਖਿਤਾਬ ਵੀ ਅਪਣੇ ਨਾਮ ਕੀਤਾ ਹੈ। ਅਮਰੀਕਾ ਦੇ ਜਿੰਮੀ ਕੋਨਰਸ (109) ਹੀ ਇਕਮਾਤਰ ਅਜਿਹੇ ਖਿਡਾਰੀ ਹਨ
Roger Federerਜਿਨ੍ਹਾਂ ਨੇ ਪ੍ਰੋਫੈਸ਼ਨਲ ਯੁੱਗ ਵਿਚ 100 ਤੋਂ ਵੱਧ ਏਟੀਪੀ ਖਿਤਾਬ ਜਿੱਤੇ ਹਨ। ਇਸ ਤੋਂ ਇਲਾਵਾ ਫੈਡਰਰ ਸਵਿਰਸ ਇੰਡੋਰਸ ਦੇ ਨੌਵੀ ਵਾਰ ਜੇਤੂ ਬਣੇ। ਸਿਖਰ ਦਰਜੇ ਦੇ ਖਿਡਾਰੀ ਫੈਡਰਰ ਨੂੰ ਪਹਿਲੇ ਸੈੱਟ ਵਿਚ ਕੋਪਿਲ ਦੇ ਸਾਹਮਣੇ ਬਹੁਤ ਸੰਘਰਸ਼ ਕਰਨਾ ਪਿਆ ਅਤੇ ਇਹ ਸੈੱਟ ਟਾਈਬਰੇਕ ਤੱਕ ਗਿਆ ਪਰ ਉਹ ਇਹ ਮੈਚ 7-6, 6-4 ਨਾਲ ਜਿੱਤਣ ਵਿਚ ਸਫ਼ਲ ਰਹੇ। ਦੂਜੇ ਸੈੱਟ ਵਿਚ ਕੋਪਿਲ ਨੇ ਇਕ ਸਮਾਂ ਫੈਡਰਰ ਉਤੇ 3-0 ਦਾ ਵਾਧਾ ਹਾਸਲ ਕੀਤਾ
ਪਰ ਫੈਡਰਰ ਨੇ ਅਪਣੇ ਅਨੁਭਵ ਦਾ ਫਾਇਦਾ ਚੁੱਕ ਕੇ ਪਹਿਲਾਂ ਸਕੋਰ ਬਰਾਬਰ ਕੀਤੇ ਅਤੇ ਫਿਰ 5-4 ਦਾ ਵਾਧਾ ਬਣਾਉਣ ਤੋਂ ਬਾਅਦ ਇਹ ਸੈੱਟ ਅਤੇ ਮੈਚ ਅਪਣੇ ਨਾਮ ਕਰ ਲਿਆ। ਦੋਵਾਂ ਖਿਡਾਰੀਆਂ ਦੇ ਵਿਚ ਇਹ ਮੁਕਾਬਲਾ ਇਕ ਘੰਟਾ 34 ਮਿੰਟ ਤੱਕ ਚੱਲਿਆ। ਫੈਡਰਰ ਨੇ ਲਗਾਤਾਰ ਚੌਥੀ ਵਾਰ ਇਹ ਟੂਰਨਾਮੈਂਟ ਜਿੱਤਿਆ। ਫੈਡਰਰ ਨੇ ਫਾਈਨਲ ਤੱਕ ਪਹੁੰਚਣ ਲਈ ਪਹਿਲੇ ਵਿਸ਼ਵ ਦੇ ਛੇਵੇਂ ਨੰਬਰ ਦੇ ਖਿਡਾਰੀ ਮਾਰਿਨ ਸਿਲਿਕ ਅਤੇ ਫਿਰ ਬਾਅਦ ਵਿਚ ਪੰਜਵੇਂ ਨੰਬਰ ਦੇ ਖਿਡਾਰੀ ਐਲਏਕਜੈਂਡਰ ਜਵੇਰੇਵ ਵਰਗੇ ਚੰਗੇ ਖਿਡਾਰੀਆਂ ਨੂੰ ਹਰਾਇਆ ਸੀ।
Won 99th ATP titleਦੱਖਣ ਅਫਰੀਕਾ ਦੇ ਕੇਵਿਨ ਐਂਡਰਸਨ ਨੇ ਐਤਵਾਰ ਨੂੰ ਜਾਪਾਨ ਦੇ ਕੇਈ ਨਿਸ਼ਿਕੋਰੀ ਨੂੰ ਪੁਰਸ਼ ਸਿੰਗਲਸ ਦੇ ਫਾਈਨਲ ਵਿਚ 6-3, 7-6 ਨਾਲ ਹਰਾ ਕੇ ਵਿਆਨਾ ਓਪਨ ਦੀ ਟਰਾਫ਼ੀ ਅਪਣੇ ਨਾਮ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਅਗਲੇ ਮਹੀਨੇ ਹੋਣ ਵਾਲੇ ਏਟੀਪੀ ਫਾਈਨਲਸ ਲਈ ਵੀ ਅਪਣੀ ਜਗ੍ਹਾ ਬਣਾਈ। ਐਂਡਰਸਨ ਨੂੰ ਇਹ ਮੈਚ ਜਿੱਤਣ ਵਿਚ ਲਗਭਗ ਦੋ ਘੰਟੇ ਦਾ ਸਮਾਂ ਲੱਗਾ। 32 ਸਾਲ ਦੇ ਐਂਡਰਸਨ ਏਟੀਪੀ ਫਾਈਨਲਸ ਵਿਚ ਪਹੁੰਚਣ ਵਾਲੇ 23 ਸਾਲਾਂ ਤੋਂ ਬਾਅਦ ਦੱਖਣ ਅਫ਼ਰੀਕਾ ਦੇ ਪਹਿਲੇ ਖਿਡਾਰੀ ਬਣੇ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਵੇਨ ਫਰੇਰਾ ਨੇ 1995 ਵਿਚ ਇਹ ਟੂਰਨਾਮੈਂਟ ਖੇਡਿਆ ਸੀ।
