ਕਨੇਡਾ ਨੇ ਹਾਲ ਹੀ ਵਿਚ ਚੀਨੀ ਟੈਕਨਾਲੋਜੀ ਕੰਪਨੀ ਹੁਆਈ ਦੀ ਸੀਐਫ਼ਓ (ਚੀਫ਼ ਫਾਈਨੈਸ਼ੀਅਲ ਅਫ਼ਸਰ) ਨੂੰ ਗ੍ਰਿਫ਼ਤਾਰ ਕਰ...
ਨਵੀਂ ਦਿੱਲੀ (ਭਾਸ਼ਾ) : ਕਨੇਡਾ ਨੇ ਹਾਲ ਹੀ ਵਿਚ ਚੀਨੀ ਟੈਕਨਾਲੋਜੀ ਕੰਪਨੀ ਹੁਆਈ ਦੀ ਸੀਐਫ਼ਓ (ਚੀਫ਼ ਫਾਈਨੈਸ਼ੀਅਲ ਅਫ਼ਸਰ) ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ, ਜਿਸ ਤੋਂ ਬਾਅਦ ਚੀਨ ਦੀ ਸਰਕਾਰ ਨੇ ਐਪਲ ਦੇ ਫ਼ੋਨ ਨੂੰ ਬਾਈਕਾਟ ਕਰਨ ਲਈ ਕਿਹਾ ਹੈ। ਨਾਲ ਹੀ ਚੀਨ ਦੀ ਸਰਕਾਰ ਨੇ ਐਪਲ ਦੇ ਫ਼ੋਨ ਬਾਈਕਾਟ ਨਾ ਕਰਨ ਵਾਲਿਆਂ ਨੂੰ ਸਜ਼ਾ ਭੁਗਤਣ ਤੱਕ ਦੀ ਧਮਕੀ ਦਿਤੀ ਹੈ। ਫ਼ੋਨ ਸਮੇਤ ਹੋਰ ਸਮਾਨ ਦਾ ਤਿਆਗ ਕਰ ਕੇ ਚੀਨੀ ਲੋਕ ਇਸ ਨੂੰ ਅਪਣਾ ਰਾਸ਼ਟਰੀ ਮਾਣ ਮੰਨ ਰਹੇ ਹਨ।
ਦੱਸ ਦਈਏ ਕਿ ਪਹਿਲਾਂ ਤੋਂ ਹੀ ਅਮਰੀਕਾ ਅਤੇ ਚੀਨ ਦੇ ਵਿਚ ‘ਟ੍ਰੇਡ ਵਾਰ’ ਚੱਲ ਰਿਹਾ ਹੈ ਪਰ ਹੁਣ ਸੀਐਫ਼ਓ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਨਵਾਂ ਵਿਵਾਦ ਪੈਦਾ ਹੋ ਗਿਆ ਹੈ। ਐਪਲ ਦੇ ਫ਼ੋਨ ਬਾਈਕਾਟ ਕਰਨ ਲਈ ਕੰਪਨੀਆਂ ਨੂੰ ਹੁਆਈ ਲਈ ਸਬਸਿਡੀ ਦੇਣ ਨੂੰ ਲੈ ਕੇ ਕਾਲ ਕੀਤੇ ਗਏ ਹਨ। ਉਥੇ ਹੀ, ਕਰਮਚਾਰੀਆਂ ਲਈ ਹੁਆਈ ਡਿਵਾਈਸ ਦੀ ਲਾਗਤ ਦਾ 10 ਤੋਂ 20 ਫ਼ੀਸਦੀ ਫੰਡ ਕੰਪਨੀਆਂ ਖ਼ੁਦ ਦੇ ਰਹੀਆਂ ਹਨ। ਉਥੇ ਹੀ, ਕਈ ਕੰਪਨੀਆਂ ਤਾਂ ਫ਼ੋਨ ਦੀ ਪੂਰੀ ਰਕਮ ਅਪਣੇ ਕਰਮਚਾਰੀਆਂ ਲਈ ਖਰਚ ਕਰਨ ਲਈ ਤਿਆਰ ਹੋ ਗਈ ਹੈ।
ਕਨੇਡਾ ਦੇ ਵਿਰੋਧ ਵਿਚ ਸਰਕਾਰ ਨੇ ਐਪਲ ਦੇ ਆਈਫ਼ੋਨ ਨੂੰ ਬਾਈਕਾਟ ਕਰਨ ਲਈ ਕਿਹਾ ਹੈ ਅਤੇ ਇਸ ਹੁਕਮ ਨੂੰ ਨਾ ਮੰਨਣ ਵਾਲੇ ਨੂੰ ਨੌਕਰੀ ਤੋਂ ਕੱਢਣ ਤੱਕ ਦੀ ਧਮਕੀ ਦਿਤੀ ਹੈ। ਚੀਨ ਨੇ ਕਨੇਡਾ ਨੂੰ ਧਮਕੀ ਦਿਤੀ ਹੈ ਕਿ ਜੇਕਰ ਉਸ ਨੇ ਹੁਆਈ ਸੀਐਫ਼ਓ ਮੇਂਗ ਵਾਂਗਝੋਉ ਨੂੰ ਜਲਦੀ ਤੋਂ ਜਲਦੀ ਰਿਹਾਅ ਨਾ ਕੀਤਾ ਤਾਂ ਉਸ ਨੂੰ ਗੰਭੀਰ ਨਤੀਜੇ ਭੁਗਤਣ ਲਈ ਤਿਆਰ ਰਹਿਣਾ ਹੋਵੇਗਾ। ਚੀਨ ਨੇ ਮੇਂਗ ਦੀ ਗ੍ਰਿਫ਼ਤਾਰੀ ਨੂੰ ਅਸ਼ਾਂਤ, ਅਣ-ਉਚਿਤ ਅਤੇ ਇਕ ਮਾਮੂਲੀ ਹਰਕਤ ਕਰਾਰ ਦਿਤਾ ਹੈ।
ਇਕ ਦਸੰਬਰ ਨੂੰ ਕਨੇਡਾ ਵਿਚ ਮੇਂਗ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਚੀਨ ਦੇ ਉਪ-ਵਿਦੇਸ਼ ਮੰਤਰੀ ਲੇ ਯੂਚੇਂਗ ਨੇ ਕਨੇਡਾ ਦੇ ਰਾਜਦੂਤ ਜਾਨ ਮੈਕੁਲਮ ਨੂੰ ਸੰਮਣ ਭੇਜਿਆ ਸੀ। ਦੱਸ ਦਈਏ ਕਿ ਅਮਰੀਕਾ ਨੇ ਇਰਾਨ ਉਤੇ ਪਾਬੰਦੀ ਲਗਾਈ ਹੈ ਅਤੇ ਹੁਆਈ ਦੀ ਸੀਐਫ਼ਓ ਉਤੇ ਉਨ੍ਹਾਂ ਪਾਬੰਦੀਆਂ ਦੀ ਉਲੰਘਣਾ ਕਰਨ ਦਾ ਇਲਜ਼ਾਮ ਲੱਗਿਆ ਹੈ। ਹੁਆਈ ਦੀ ਸੀਐਫ਼ਓ ਕਨੇਡਾ ਵਿਚ ਰਹਿੰਦੀ ਹੈ ਅਤੇ ਉਨ੍ਹਾਂ ਨੂੰ ਇਸ ਮਹੀਨੇ ਹੀ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।