ਅਸਾਂਜ ਦੇ ਵਕੀਲ, ਕਾਰਲੋਸ ਪੋਵੇਡਾ ਨੇ ਕਿਹਾ ਕਿ ਉਹ ਫੈਸਲੇ ਦੇ ਸਪਸ਼ਟੀਕਰਨ ਦੀ ਮੰਗ ਕਰਦਿਆਂ ਕੋਰਟ 'ਚ ਅਪੀਲ ਦਾਇਰ ਕਰਨਗੇ।
ਕੁਇਟੋ: ਇਕਵੇਡੋਰ (Ecuador) ਨੇ ਵਿਕੀਲੀਕਸ (Wikileaks Founder) ਦੇ ਸੰਸਥਾਪਕ ਜੂਲੀਅਨ ਅਸਾਂਜ (Julian Assange) ਦੀ ਨਾਗਰਿਕਤਾ ਰੱਦ (Citizenship Revoked) ਕਰ ਦਿੱਤੀ ਹੈ, ਜੋ ਕਿ ਇਸ ਸਮੇਂ ਬ੍ਰਿਟੇਨ (Britain) ਦੀ ਜੇਲ੍ਹ ਵਿਚ ਬੰਦ ਹੈ। ਇਕਵੇਡੋਰ ਦੀ ਨਿਆਂ ਪ੍ਰਣਾਲੀ ਨੇ ਦੱਖਣੀ ਅਮਰੀਕਾ ਦੇਸ਼ ਦੇ ਵਿਦੇਸ਼ ਮੰਤਰਾਲੇ ਦੁਆਰਾ ਦਾਇਰ ਕੀਤੇ ਗਏ ਦਾਅਵੇ ਦੇ ਜਵਾਬ ਵਿਚ ਇੱਕ ਪੱਤਰ ਵਿਚ ਆਸਟਰੇਲੀਆਈ ਨਾਗਰਿਕ ਅਸਾਂਜ ਨੂੰ ਅਧਿਕਾਰਤ ਤੌਰ ਤੇ ਉਸਦੀ ਨਾਗਰਿਕਤਾ ਰੱਦ ਕਰ ਦਿੱਤੇ ਜਾਣ ਬਾਰੇ ਸੂਚਿਤ ਕੀਤਾ ਗਿਆ।
ਹੋਰ ਪੜ੍ਹੋ: Netflix ਨੇ 3 ਸਾਲਾਂ ਦੌਰਾਨ ਭਾਰਤ 'ਚ ਨਿਵੇਸ਼ ਕੀਤੇ 3000 ਕਰੋੜ, ਕਈ ਭਾਸ਼ਾਵਾਂ ‘ਚ ਡਬਿੰਗ ਦੀ ਸਹੂਲਤ
Julian Assange
ਦੇਸ਼ ਵਿਚ ਨਿਰਧਾਰਤ ਸਮੇਂ ਤੋਂ ਬਾਅਦ ਕਿਸੇ ਵਿਦੇਸ਼ੀ ਨੂੰ ਦਿੱਤੀ ਗਈ ਨਾਗਰਿਕਤਾ ਨੂੰ ਉਦੋਂ ਨੁਕਸਾਨਦੇਹ ਮੰਨਿਆ ਜਾਂਦਾ ਹੈ ਜਦੋਂ ਇਹ ਝੂਠੇ ਦਸਤਾਵੇਜ਼ਾਂ ਜਾਂ ਧੋਖਾਧੜੀ ਦੇ ਅਧਾਰ ਤੇ, ਸੰਬੰਧਿਤ ਤੱਥਾਂ ਨੂੰ ਦਬਾ ਕੇ ਦਿੱਤੀ ਜਾਂਦੀ ਹੈ। ਇਕਵੇਡੋਰ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਅਸਾਂਜ ਨੂੰ ਦਿੱਤੀ ਗਈ ਨਾਗਰਿਕਤਾ ਬਾਰੇ ਕਈ ਅੰਤਰ, ਵੱਖ-ਵੱਖ ਦਸਤਖ਼ਤ, ਦਸਤਾਵੇਜ਼ਾਂ ਨਾਲ ਛੇੜਛਾੜ, ਫੀਸਾਂ ਦਾ ਭੁਗਤਾਨ ਨਾ ਕਰਨਾ ਅਤੇ ਹੋਰ ਮੁਸ਼ਕਲਾਂ ਪਾਈਆਂ ਗਈਆਂ ਹਨ।
ਹੋਰ ਪੜ੍ਹੋ: ਡਾਕਟਰ ਦੀ ਵੱਡੀ ਲਾਪਰਵਾਹੀ, ਆਪਰੇਸ਼ਨ ਦੌਰਾਨ ਮਹਿਲਾ ਦੇ ਢਿੱਡ ਵਿਚ ਛੱਡਿਆ ਕੱਪੜਾ, ਹੋਈ ਮੌਤ
Wikileaks
ਅਸਾਂਜ ਦੇ ਵਕੀਲ, ਕਾਰਲੋਸ ਪੋਵੇਡਾ (Carlos Poveda) ਨੇ ਮੀਡੀਆ ਨੂੰ ਦੱਸਿਆ ਕਿ ਫੈਸਲਾ ਬਿਨਾਂ ਕਿਸੇ ਪ੍ਰਕਿਰਿਆ ਤੋਂ ਲਿਆ ਗਿਆ ਸੀ ਅਤੇ ਅਸਾਂਜ ਨੂੰ ਕੇਸ ਵਿਚ ਪੇਸ਼ ਨਹੀਂ ਹੋਣ ਦਿੱਤਾ ਗਿਆ ਸੀ। ਪੋਵੇਡਾ ਨੇ ਕਿਹਾ ਕਿ ਉਹ ਫੈਸਲੇ ਦੇ ਸਪਸ਼ਟੀਕਰਨ ਦੀ ਮੰਗ ਕਰਦਿਆਂ ਕੋਰਟ 'ਚ ਅਪੀਲ ਦਾਇਰ ਕਰਨਗੇ। ਪੋਵੇਡਾ ਨੇ ਕਿਹਾ, "ਨਾਗਰਿਕਤਾ ਦੀ ਮਹੱਤਤਾ ਤੋਂ ਇਲਾਵਾ ਅਧਿਕਾਰਾਂ ਦਾ ਸਤਿਕਾਰ ਕਰਨ ਅਤੇ ਨਾਗਰਿਕਤਾ ਵਾਪਸ ਲੈਣ ਲਈ ਬਣਦੀ ਪ੍ਰਕਿਰਿਆ ਦਾ ਪਾਲਣ ਕਰਨ ਦੀ ਗੱਲ ਹੈ।"
ਹੋਰ ਪੜ੍ਹੋ: ਪੰਜਾਬ ਦੀ ਆਰਥਿਕਤਾ ਨੂੰ ਮੁੜ ਲੀਹ 'ਤੇ ਲਿਆਉਣ ਲਈ ਮੋਨਟੇਕ ਪੈਨਲ ਨੇ ਪੰਜਾਬ ਸਰਕਾਰ ਨੂੰ ਦਿੱਤੇ ਸੁਝਾਅ
ਅਸਾਂਜ ਨੂੰ ਜਨਵਰੀ 2018 ਵਿਚ ਇਕਵੇਡੋਰ ਦੀ ਨਾਗਰਿਕਤਾ ਮਿਲੀ ਸੀ। ਇਕਵੇਡੋਰ ਦੇ ਵਿਦੇਸ਼ ਮੰਤਰਾਲੇ ਨੇ ਮੀਡੀਆ ਨੂੰ ਦੱਸਿਆ ਕਿ ਅਦਾਲਤ ਨੇ "ਪਿਛਲੀ ਸਰਕਾਰ ਦੇ ਸਮੇਂ ਦੇ ਮਾਮਲੇ ਅਤੇ ਉਸੀ ਸਰਕਾਰ ਦੁਆਰਾ ਚੁੱਕੇ ਗਏ ਮਾਮਲੇ ਵਿਚ ਸੁਤੰਤਰ ਤੌਰ 'ਤੇ ਕਾਰਵਾਈ ਕੀਤੀ ਸੀ ਅਤੇ ਪ੍ਰਕ੍ਰਿਆ ਦੀ ਪਾਲਣਾ ਕੀਤੀ ਸੀ।"
