Akshay Kumar

ਨਵੀਂ ਦਿੱਲੀ- ਬਾਲੀਵੁੱਡ ਖਿਲਾੜੀ ਦੇ ਨਾਮ ਤੋਂ ਮਸ਼ਹੂਰ ਸੁਪਰਸਟਾਰ ਅਕਸ਼ੈ ਕੁਮਾਰ ਆਮ ਤੌਰ 'ਤੇ ਬਹੁਤ ਹੀ ਠੰਢੇ ਸੁਭਾਅ ਵਾਲੇ ਸਿਤਾਰਿਆਂ ਵਿਚ ਗਿਣੇ ਜਾਂਦੇ ਹੈਨ। ਹਾਲ ਹੀ ਵਿਚ, ਉਸ ਦੀ ਦਰਿਆ ਦਿਲੀ ਨੇ ਸਾਰੇ ਦੇਸ਼ ਦਾ ਦਿਲ ਵੀ ਜਿੱਤਿਆ। ਪਰ ਪਿਛਲੇ ਦਿਨੀਂ ਉਸ ਦੀ ਭੈਣ ਅਤੇ ਪਰਿਵਾਰ ਬਾਰੇ ਅਜਿਹੀ ਖ਼ਬਰ ਵਾਇਰਲ ਹੋਈ ਸੀ।

ਜਿਸ ਕਾਰਨ ਅਕਸ਼ੈ ਕੁਮਾਰ ਦੇ ਸਬਰ ਦਾ ਬੰਧ ਟੁੱਟ ਗਿਆ ਹੈ। ਉਸ ਨੇ ਟਵੀਟ ਵਿਚ ਉਨ੍ਹਾਂ ਦੇ ਪਰਿਵਾਰ ਖਿਲਾਫ਼ ਝੂਠੀ ਖ਼ਬਰ ਫੈਲਾਉਣ ਵਾਲਿਆਂ ਨੂੰ ਟਰੋਲ ਕੀਤਾ ਹੈ। ਨਾਲ ਹੀ ਅਜਿਹੇ ਲੋਕਾਂ ਖਿਲਾਫ਼ ਕਾਨੂੰਨੀ ਕਾਰਵਾਈ ਦੀ ਵੀ ਗੱਲ ਕਹੀ ਗਈ ਹੈ। ਉਸ ਨੇ ਟਵੀਟ ਕੀਤਾ ਹੈ ਕਿ ਉਸ ਖਬਰ ਨੂੰ ਲੈ ਕੇ ਅਕਸ਼ੈ ਕੁਮਾਰ ਕਾਨੂੰਨੀ ਕਾਰਵਾਈ ਕਰਨਗੇ।

ਕਿਉਂਕਿ ਉਹ ਖ਼ਬਰਾਂ ਪੂਰੀ ਤਰ੍ਹਾਂ ਗਲਤ ਤੱਥਾਂ 'ਤੇ ਅਧਾਰਤ ਹਨ। ਸਿਰਫ ਇਹ ਹੀ ਨਹੀਂ, ਉਸ ਨੇ ਕਿਹਾ ਹੈ ਕਿ ਇਹ ਹੱਦ ਤੋਂ ਬਾਹਰ ਹੈ, ਇਨ੍ਹੀ ਗਲਤ ਖ਼ਬਰਾਂ ਪ੍ਰਕਾਸ਼ਤ ਨਹੀਂ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ। ਉਨ੍ਹਾਂ ਨੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਦਿਆਂ ਗਲਤ ਖ਼ਬਰ ਨੂੰ ਫੈਲਾਉਣ ਵਾਲਿਆਂ ‘ਤੇ ਨਿਸ਼ਾਨਾ ਸਾਧਿਆ ਹੈ।

 

 

ਅਕਸ਼ੇ ਨੇ ਟਵੀਟ ਵਿਚ ਇਕ ਖਬਰ ਦੇ ਲਿੰਕ ਨਾਲ ਇਸ ਨੂੰ ਟਵੀਟ ਕੀਤਾ ਹੈ। ਟਵੀਟ ਵਿਚ ਉਸ ਨੇ ਲਿਖਿਆ, “ਇਹ ਖ਼ਬਰ ਸ਼ੁਰੂ ਤੋਂ ਅੰਤ ਤੱਕ ਝੂਠੀ ਹੈ। ਇਸ ਵਿਚ ਕਹਿਆ ਗਿਆ ਹੈ ਕਿ ਮੈਂ ਆਪਣੀ ਭੈਣ ਅਤੇ ਉਸ ਦੇ ਦੋ ਬੱਚਿਆਂ ਲਈ ਚਾਰਟਰ ਉਡਾਣਾਂ ਬੁਕ ਕਰਾਈ ਹੈ। ਮੇਰੀ ਭੈਣ ਤਾਲਾਬੰਦੀ ਤੋਂ ਬਾਅਦ ਕਿਸੇ ਯਾਤਰਾ 'ਤੇ ਨਹੀਂ ਗਈ ਹੈ ਨਾ ਹੀ ਉਸ ਦੇ ਦੋ ਬੱਚੇ ਹਨ।

ਉਸ ਦਾ ਇਕੋ ਬੱਚਾ ਹੈ। ਮੈਂ ਇਸ ਸੰਬੰਧੀ ਕਾਨੂੰਨੀ ਕਾਰਵਾਈ ਕਰਾਂਗਾ। ਗਲਤ ਤੱਥਾਂ 'ਤੇ ਅਧਾਰਤ ਇਹ ਖ਼ਬਰ ਸਾਰੀਆਂ ਹੱਦਾਂ ਪਾਰ ਕਰ ਰਹੀ ਹੈ। ਇਹ ਬਿਲਕੁਲ ਮਨਘੜਤ ਖ਼ਬਰ ਹੈ।” ਦੱਸ ਦਈਏ ਕਿ ਇਸ ਫਰਜ਼ੀ ਖਬਰਾਂ ਵਿਚ ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਅਕਸ਼ੈ ਨੇ ਅੱਜ ਸਵੇਰੇ ਇਕ ਯਾਤਰੀ ਜਹਾਜ਼ ਬੁੱਕ ਕੀਤਾ ਹੈ।

ਇਸ ਯਾਤਰੀ ਫਲਾਈਟ ਨੂੰ ਅਕਸ਼ੈ ਕੁਮਾਰ ਦੀ ਭੈਣ ਲਈ ਚਾਰਟਰ ਫਲਾਈਟ ਬਣਾਇਆ ਜਾਵੇਗਾ। ਇਸ ਵਿਚ, ਉਸ ਦੀ ਭੈਣ, ਇਕ ਬੇਟੀ ਅਤੇ ਇਕ ਪੁੱਤਰ ਯਾਤਰਾ ਕਰਨਗੇ। ਉਨ੍ਹਾਂ ਦੀਆਂ ਨੌਕਰਾਣੀਆਂ ਵੀ ਹੋਣਗੀਆਂ। ਇਸ ਉਡਾਣ ਵਿਚ ਕੁਲ ਚਾਰ ਯਾਤਰੀ ਹੋਣਗੇ। ਜਦਕਿ ਇਕ ਫਲਾਈਟ ਚਾਲਕ ਵੀ ਸ਼ਾਮਲ ਹੋਏਗਾ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।