Amitabh, Sushant and Kartik

ਮੰਬਈ : ਬਾਲੀਵੁਡ ਵਿਚ ਅਕਸਰ ਹਰ ਪੁਰਾਣੀ ਫ਼ਿਲਮਾਂ ਦੇ ਰੀਮੇਕ ਬਣਦੇ ਰਹਿੰਦੇ ਹਨ। ਇਸੇ ਤਰ੍ਹਾਂ ਹੀ ਸਾਲ 2002 ਵਿਚ ਰਿਲੀਜ਼ ਹੋਈ ਫਿਲਮ ਆਂਖੇਂ ਜੋ ਕਿ ਉਸ ਸਮੇਂ ਦੀ ਬਹੁਤ ਵੱਡੀ ਹਿਟ ਰਹੀ ਸੀ। ਪਿਛਲੇ ਸਾਲ ਇਸ ਫ਼ਿਲਮ ਦੇ ਸੀਕਵਲ ਨੂੰ ਲੈ ਕੇ ਕਾਨੂੰਨੀ ਲੜਾਈ ਸ਼ੁਰੂ ਗਈ ਸੀ। ਇਸ ਦੀ ਪਹਿਲੀ ਫਿਲਮ ਵਿਚ ਅਮਿਤਾਭ ਬੱਚਨ, ਅਕਸ਼ੇ ਕੁਮਾਰ, ਅਰਜੁਨ ਰਾਮਪਾਲ,  ਪਰੇਸ਼ ਰਾਵਲ ਅਤੇ ਸੁਸ਼ਮੀਤਾ ਸੇਨ ਮੁੱਖ ਭੂਮਿਕਾ ਵਿਚ ਨਜ਼ਰ ਆਏ ਸਨ।

ਰਿਪੋਰਟ ਦੇ ਮੁਤਾਬਕ, ਆਂਖੇਂ 2 ਹੁਣ ਰਾਜਤਰੁ ਸਟੂਡੀਓਜ਼ ਲਿਮਟਿਡ ਵਲੋਂ ਪ੍ਰੋਡਿਊਸ ਕੀਤੀ ਜਾਵੇਗੀ, ਜਿਸ ਨੂੰ ਗੌਰਾਂਗ ਦੋਸ਼ੀ ਨਾਲ ਕਾਨੂੰਨੀ ਲੜਾਈ ਵਿਚ ਜਿੱਤ ਹਾਸਲ ਹੋਈ ਹੈ।  ਦੱਸ ਦਿਓ ਕਿ ਗੌਰਾਂਗ ਨੇ ਇਸ ਫ੍ਰੈਂਚਾਇਜ਼ੀ ਦੀ ਪਹਿਲੀ ਫ਼ਿਲਮ ਨੂੰ ਪ੍ਰੋਡਿਊਸ ਕੀਤਾ ਸੀ। ਮੀਡੀਆ ਰਿਪੋਰਟਸ ਦੀਆਂ ਮੰਨੀਏ ਤਾਂ ਇਸ ਫ਼ਿਲਮ ਦੇ ਸੀਕਵਲ ਵਿਚ ਵੀ ਅਮਿਤਾਭ ਬੱਚਨ ਨਜ਼ਰ ਆਉਣਗੇ। ਨਿਯਮ ਦੀਆਂ ਮੰਨੀਏ ਤਾਂ ਸੁਸ਼ਾਂਤ ਸਿੰਘ  ਰਾਜਪੂਤ ਅਤੇ ਕਾਰਤਕ ਆਰਿਆਨ ਵੀ ਫ਼ਿਲਮ ਦੀ ਫਾਇਨਲ ਲਿਸਟ ਵਿਚ ਸ਼ਾਮਿਲ ਹਨ।

ਕਿਹਾ ਜਾ ਰਿਹਾ ਹੈ ਕਿ ਛੇਤੀ ਹੀ ਫ਼ਿਲਮ ਦੇ ਬਾਕੀ ਕਲਾਕਾਰ ਵੀ ਤੈਅ ਕਰ ਲਏ ਜਾਣਗੇ। ਤੁਹਾਨੂੰ ਦੱਸ ਦਈਏ ਕਿ ਸਾਲ 2016 ਵਿਚ ਗੌਰਾਂਗ ਨੇ ਇਸ ਫਿਲਮ  ਦੇ ਸੀਕਵਲ ਬਣਾਉਣ ਦੀ ਗੱਲ ਕਹੀ ਸੀ, ਜਿਸ ਵਿਚ ਬਿਗ ਬੀ, ਅਨਿਲ ਕਪੂਰ, ਅਰਜੁਨ, ਅਰਸ਼ਦ ਵਾਰਸੀ ਅਤੇ ਸਾਉਥ ਇੰਡੀਅਨ ਅਦਾਕਾਰਾ ਰੇਜਿਨਾ ਕੈਸੇਂਡਰਾ ਦਾ ਕਿਰਦਾਰ ਹੋਣ ਦੀ ਗੱਲ ਕਹੀ ਗਈ ਸੀ। ਹਾਲਾਂਕਿ, ਕਾਨੂੰਨੀ ਵਿਵਾਦ ਵਿਚ ਫੱਸ ਜਾਣ ਤੋਂ ਬਾਅਦ ਇਸ ਨੂੰ ਲੈ ਕੇ ਗੱਲ ਅੱਗੇ ਨਹੀਂ ਵੱਧ ਪਾਈ ਸੀ।