ਮੁੰਬਈ: ਮੁੰਬਈ ਵਿਚ ਹੋ ਰਹੀ ਬਾਰਿਸ਼ ਨੇ ਆਮ ਲੋਕ ਹੋਣ ਜਂ ਖ਼ਾਸ ਸਭ ਨੂੰ ਪਰੇਸ਼ਾਨੀ ਵਿਚ ਪਾ ਦਿੱਤਾ ਹੈ। ਅਮਿਤਾਭ ਬੱਚਨ ਨੇ ਬੰਗਲੇ ਜਲਸਾ ਤੋਂ ਬਾਹਰ ਵੀ ਪਾਣੀ ਜਮ੍ਹਾ ਹੋ ਗਿਆ ਹੈ। ਇਹ ਪਹਿਲੀ ਵਾਰ ਨਹੀਂ ਹੋਇਆ ਜਦੋਂ ਬਿਗ ਬੀ ਦੇ ਘਰ ਦੇ ਸਾਹਮਣੇ ਵਾਲੀ ਸੜਕ 'ਤੇ ਇਸ ਤਰ੍ਹਾਂ ਪਾਣੀ ਖੜ੍ਹਿਆ ਹੋਵੇ। ਇਸ ਤਰ੍ਹਾਂ ਦੇ ਹਾਲਾਤ ਹਰ ਸਾਲ ਹੀ ਦੇਖਣ ਨੂੰ ਮਿਲਦੇ ਹਨ। ਸਮੁੰਦਰ ਕੋਲ ਘਰ ਹੋਣ ਕਾਰਨ ਹਰ ਸਾਲ ਹੀ ਅਮਿਤਾਭ ਬੱਚਨ ਦੇ ਘਰ ਦੇ ਬਾਹਰ ਪਾਣੀ ਖੜ੍ਹ ਜਾਂਦਾ ਹੈ।
ਦਸ ਦਈਏ ਕਿ ਇਹ ਉਹੀ ਸੜਕ ਹੈ ਜਿੱਥੇ ਹਰ ਐਤਵਾਰ ਨੂੰ ਅਮਿਤਾਭ ਅਪਣੇ ਚਹੇਤਿਆਂ ਨੂੰ ਮਿਲਦੇ ਹਨ। ਫਿਲਹਾਲ ਇਸ ਰੋਡ 'ਤੇ ਪਾਣੀ ਹਟਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਇਸ ਇਲਾਕੇ ਵਿਚ ਅਕਸ਼ੇ ਕੁਮਾਰ, ਰਿਤਿਕ ਰੋਸ਼ਨ ਵਰਗੇ ਹੋਰ ਵੀ ਬਾਲੀਵੁੱਡ ਆਦਾਕਾਰਾਂ ਦੇ ਘਰ ਮੌਜੂਦ ਹਨ।
ਕਈ ਬਾਲੀਵੁੱਡ ਸਿਤਾਰਿਆਂ ਨੇ ਮਾਨਸੂਨ ਦੇ ਆਉਣ ਦੀ ਖੁਸ਼ੀ ਜਤਾਈ ਹੈ ਤੇ ਕਈ ਸਿਤਰਿਆਂ ਨੇ ਬਾਰਿਸ਼ ਦਾ ਪਾਣੀ ਖੜ੍ਹਨ ਕਾਰਨ ਹੋ ਰਹੀਆਂ ਸਮੱਸਿਆਂ 'ਤੇ ਚਿੰਤਾ ਜ਼ਾਹਰ ਕੀਤੀ ਹੈ। ਕਈ ਅਦਾਕਾਰ ਪ੍ਰਸ਼ਾਸਨ 'ਤੇ ਅਪਣਾ ਗੁੱਸਾ ਕੱਢ ਰਹੇ ਹਨ। ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਅਮਿਤਾਭ ਬੱਚਨ ਫਿਲਹਾਲ ਗੁਲਾਬੋ ਸਿਤਾਬੋ ਦੀ ਸ਼ੂਟਿੰਗ ਵਿਚ ਵਿਅਸਤ ਹਨ। ਇਸ ਫ਼ਿਲਮ ਵਿਚ ਉਹਨਾਂ ਦੀ ਦਿੱਖ ਵੀ ਸਾਹਮਣੇ ਆਈ ਹੈ ਜਿਸ ਵਿਚ ਅਮਿਤਾਭ ਨੂੰ ਪਹਿਚਾਣਨਾ ਮੁਸ਼ਕਲ ਹੈ।