ਨਵੀਂ ਦਿੱਲੀ: ਰਾਨੂ ਮੰਡਲ ਦੀ ਆਵਾਜ਼ ਤਾਂ ਇਹਨਾਂ ਦਿਨਾਂ ਵਿਚ ਸੋਸ਼ਲ ਮੀਡੀਆ ਤੇ ਹਰ ਜਗ੍ਹਾ ਗੂੰਜ ਰਹੀ ਹੈ। ਰਾਤੋਂ ਰਾਤ ਸਟਾਰ ਬਣੀ ਰਾਨੂ ਦੇ ਕੁੱਝ ਹੀ ਦਿਨਾਂ ਵਿਚ ਲੱਖਾਂ ਕਰੋੜਾਂ ਫੈਨ ਬਣ ਚੁੱਕੇ ਹਨ। ਇੱਥੋਂ ਤਕ ਕਿ ਨੈਗੇਟਿਵ ਕਮੈਂਟ ਕਰਨ ਤੇ ਲੋਕਾਂ ਨੇ ਲਤਾ ਮੰਗੇਸ਼ਕਰ ਨੂੰ ਵੀ ਸੋਸ਼ਲ ਮੀਡੀਆ ਤੇ ਜਵਾਬ ਦੇਣ ਲੱਗੇ ਹਨ। ਸੋਸ਼ਲ ਮੀਡੀਆ ਤੇ ਇਕ ਹੋਰ ਵੀਡੀਉ ਜਨਤਕ ਹੋ ਰਹੀ ਹੈ ਜਿਸ ਵਿਚ ਸੋਸ਼ਲ ਮੀਡੀਆ ਤੇ ਰਾਨੂ ਮੰਡਲ ਦਾ ਬੇਟਾ ਦਸਿਆ ਜਾ ਰਿਹਾ ਹੈ।
ਅਜਿਹਾ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂ ਕਿ ਸਧਾਰਨ ਜਿਹੇ ਦਿਸਣ ਵਾਲੇ ਇਸ ਲੜਕੇ ਦੀ ਆਵਾਜ਼ ਵੀ ਬਹੁਤ ਰਸ ਹੈ। ਪਰ ਇਸ ਵੀਡੀਉ ਦੀ ਅਜੇ ਕੋਈ ਪੁਸ਼ਟੀ ਨਹੀਂ ਹੋਈ। ਇਸ ਲੜਕੇ ਨੇ ਦੋ ਗਾਣੇ ਸੁਣਾਏ ਹਨ। ਜਿਵੇਂ ਰਾਨੂ ਮੰਡਲ ਨੂੰ ਲਤਾ ਮੰਗੇਸ਼ਕਰ ਦੀ ਕਾਪੀ ਦਸਿਆ ਜਾ ਰਿਹਾ ਸੀ ਉਸੇ ਤਰ੍ਹਾਂ ਇਸ ਲੜਕੇ ਨੂੰ ਸਿੰਗਰ ਕੁਮਾਰ ਸ਼ਾਨੂ ਦੀ ਕਾਪੀ ਦਸਿਆ ਜਾ ਰਿਹਾ ਹੈ। ਯੂਟਿਊਬ ਤੋਂ ਲੈ ਕੇ ਫੇਸਬੁਕ ਤਕ ਇਸ ਲੜਕੇ ਦੀ ਵੀਡੀਉ ਸੋਸ਼ਲ ਮੀਡੀਆ ਤੇ ਬਹੁਤ ਜਨਤਕ ਹੋ ਰਹੀ ਹੈ।
ਵੀਡੀਓ ਦੇਖਣ ਲਈ ਇੱਥੇ ਕਲਿੱਕ ਕਰੋ।
ਇਸ ਵੀਡੀਉ ਦੀ ਹਰ ਕੋਈ ਤਾਰੀਫ ਕਰ ਰਿਹਾ ਹੈ। ਹਾਲਾਂਕਿ ਹੁਣ ਤਕ ਇਸ ਲੜਕੇ ਦਾ ਨਾਮ ਪਤਾ ਕਿਸੇ ਨੂੰ ਕੁਝ ਵੀ ਪਤਾ ਨਹੀਂ ਹੈ। ਅਜਿਹੇ ਵਿਚ ਇਹ ਦੇਖਣ ਵਾਲੀ ਗੱਲ ਹੋਵੇਗੀ ਕਿ ਇਸ ਲੜਕੇ ਨੂੰ ਵੀ ਰਾਨੂ ਮੰਡਲ ਵਰਗਾ ਮੌਕਾ ਮਿਲੇਗਾ ਜਾਂ ਨਹੀਂ। ਜੇ ਗੱਲ ਕਰੀਏ ਰਾਨੂ ਮੰਡਲ ਦੀ ਤਾਂ ਉਹ ਹੁਣ ਬਾਲੀਵੁੱਡ ਵਿਚ ਬਤੌਰ ਸਿੰਗਰ ਡੈਬਿਊ ਕਰ ਚੁੱਕੀ ਹੈ।
ਉਹਨਾਂ ਨੂੰ ਇਕ ਰਿਐਲਿਟੀ ਸ਼ੋਅ ਤੇ ਗਾਉਂਦੇ ਦੇਖ ਸੰਗੀਤਕਾਰ ਹਿਮੇਸ਼ ਰੇਸ਼ਮੀਆਂ ਨੇ ਅਪਣੀ ਫ਼ਿਲਮ ਹੈਪੀ ਹਾਰਡੀ ਅਤੇ ਹੀਰ ਵਿਚ ਗਾਣਾ ਗਾਉਣ ਦਾ ਮੌਕਾ ਦਿੱਤਾ ਹੈ। ਇਸ ਫ਼ਿਲਮ ਲਈ ਰਾਨੂ ਨੇ ਹਿਮੇਸ਼ ਨਾਲ ਇਕ ਨਹੀਂ ਬਲ ਕਿ ਤਿੰਨ ਗਾਣੇ ਰਿਕਾਰਡ ਕਰ ਲਏ ਹਨ। ਅਜਿਹੀਆਂ ਖ਼ਬਰਾਂ ਵੀ ਹਨ ਕਿ ਰਾਨੂ ਨੂੰ ਇੰਡਸਟਰੀ ਦੇ ਕਈ ਆਫਰ ਆਉਣੇ ਵੀ ਸ਼ੁਰੂ ਹੋ ਗਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।