ਮੁੰਬਈ : ਅਦਾਕਾਰਾ ਨੋਰਾ ਫ਼ਤੇਹੀ ਜਲਦ ਹੀ ਅਦਾਕਾਰ ਜਾਨ ਅਬ੍ਰਾਹਮ ਨਾਲ ਫ਼ਿਲਮ ‘ਬਟਲਾ ਹਾਉਸ’ ਵਿਚ ਇਕ ਗੀਤ 'ਤੇ ਨੱਚਦੀ ਨਜ਼ਰ ਆਵੇਗੀ। ਨੋਰਾ ਸਾਲ 1990 ਦੇ ਦਹਾਕੇ ਦੀ ਫ਼ਿਲਮ ‘ਸਿਰਫ ਤੁੰਮ’ ਦੇ ਗੀਤ ‘ਦਿਲਬਰ’ ਦੇ ਰੀਮੇਕ 'ਚ ਜਾਨ ਨਾਲ ਨਜ਼ਰ ਆਵੇਗੀ ਜਿਸ ਨੂੰ ਸੁਸ਼ਮੀਤਾ ਸੇਨ ਅਤੇ ਸੰਜੈ ਕਪੂਰ 'ਤੇ ਫ਼ਿਲਮਾਇਆ ਗਿਆ ਸੀ।

ਨੋਰਾ ਨੇ ਟਵੀਟ ਕਰ ਕਿਹਾ ਕਿ ਤੁਹਾਡੇ ਲਈ ਇਕ ਸ਼ਾਨਦਾਰ ਗੀਤ ਆਉਣ ਵਾਲਾ ਹੈ! ਮੈਂ ਜਾਨ  ਨਾਲ 1990 ਦਹਾਕੇ ਦੇ ਸ਼ਾਨਦਾਰ ਗੀਤ ‘ਦਿਲਬਰ’ ਦੀ ਸ਼ੂਟਿੰਗ ਖ਼ਤਮ ਕੀਤੀ ਹੈ। ਮੈਂ ਬਹੁਤ ਉਤਸ਼ਾਹਿਤ ਹਾਂ। ਮੈਨੂੰ ਲੱਗ ਰਿਹਾ ਹੈ ਕਿ ਇਹ ਤੁਹਾਨੂੰ ਪਸੰਦ ਆਵੇਗਾ। ਨਿਖ਼ਿਲ ਆਡਵਾਣੀ ਇਸ ਫ਼ਿਲਮ ਦਾ ਨਿਰਦੇਸ਼ਨ ਕਰ ਰਹੇ ਹਨ ਜੋ 19 ਸਤੰਬਰ 2008 ਦੀ ਅਸਲੀ ਘਟਨਾ 'ਤੇ ਆਧਾਰਿਤ ਹੈ, ਜਦੋਂ ਦਿੱਲੀ ਦੇ ਬਟਲਾ ਹਾਉਸ 'ਚ ਇੰਡੀਅਨ ਮੁਜ਼ਾਹਿੱਦੀਨ (ਆਈਐਮ) ਦੇ ਅਤਿਵਾਦੀਆਂ ਵਿਰੁਧ ਮਹਿੰਮ ਚਲਾਈ ਗਈ ਸੀ।