Happy firr bhag jayegi

ਸਾਲ 2016 ਵਿਚ ਰਿਲੀਜ ਹੋਈ ਡਾਇਨਾ ਪੇਂਟੀ, ਅਲੀ ਫਜਲ ਅਤੇ ਅਭੈ ਦਿਓਲ ਸਟਾਰ ਫਿਲਮ 'ਹੈਪੀ ਭਾਗ ਜਾਵੇਗੀ' ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਲਿਆ ਸੀ। ਹੁਣ 2 ਸਾਲ ਬਾਅਦ ਫਿਲਮ ਦਾ ਸੀਕਵਲ ਰਿਲੀਜ ਹੋਣ ਜਾ ਰਿਹਾ ਹੈ, ਜਿਸ ਦਾ ਟ੍ਰੇਲਰ ਰਿਲੀਜ ਹੋ ਚੁੱਕਿਆ ਹੈ। ਜਿਸ ਦਾ ਪਹਿਲਾ ਆਫਿਸ਼ਿਅਲ ਟ੍ਰੇਲਰ ਸਾਹਮਣੇ ਆ ਚੁੱਕਿਆ ਹੈ।

ਇਸ ਵਾਰ ਹੈਪੀ ਬਣ ਕੇ ਲੋਕਾਂ ਨੂੰ ਹਸਾਉਣ ਦੀ ਜ਼ਿੰਮੇਦਾਰੀ ਮਿਲੀ ਹੈ ਅਭਿਨੇਤਰੀ ਸੋਨਾਕਸ਼ੀ ਸਿੰਹਾ ਨੂੰ, ਜੋ ਇਸ ਫਿਲਮ ਵਿਚ ਲੀਡ ਰੋਲ ਨਿਭਾ ਰਹੀ ਹੈ। ਸੋਨਾਕਸ਼ੀ ਤੋਂ ਇਲਾਵਾ ਇਸ ਫਿਲਮ ਵਿਚ ਜਿੰਮੀ ਸ਼ੇਰਗਿਲ, ਪੀਊਸ਼ ਮਿਸ਼ਰਾ, ਮੋਮਲ ਸ਼ੇਖ ਜਿਵੇਂ ਸਟਾਰ ਹੋਣਗੇ। ਇਨ੍ਹਾਂ ਤੋਂ ਇਲਾਵਾ ਅਪਾਰਸ਼ਕਤੀ ਖੁਰਾਨਾ ਅਤੇ ਜੱਸੀ ਗਿਲ ਵੀ ਅਹਿਮ ਰੋਲ ਨਿਭਾਉਣਗੇ। ਟ੍ਰੇਲਰ ਵਿਚ ਸਾਰੇ ਹੈਪੀ ਨੂੰ ਲੱਭ ਰਹੇ ਸਨ ਪਰ ਹੈਪੀ ਨੂੰ ਲੱਭਦੇ - ਲੱਭਦੇ ਹੋਰ ਕਿਸੇ ਹੈਪੀ ਨੂੰ ਕੈਦ ਕਰ ਲਿਆ ਗਿਆ। ਜਿਸ ਦੇ ਚਲਦੇ ਅਸਲੀ ਹੈਪੀ ਫਰਾਰ ਹੈ। 

ਇਕ ਫਿਲਮ ਵਿਚ ਦੋ - ਦੋ ਹੈਪੀ - ਪਿਛਲੀ ਫਿਲਮ ਵਿਚ ਲੀਡ ਰੋਲ ਨਿਭਾ ਚੁਕੀ ਡਾਇਨਾ ਪੇਂਟੀ ਵੀ ਇਸ ਫਿਲਮ ਵਿਚ ਨਜ਼ਰ ਆਏਗੀ ਅਤੇ ਉਨ੍ਹਾਂ ਦੇ ਨਾਲ ਅਲੀ ਫਜਲ ਵੀ ਹੋਣਗੇ। ਡਾਇਨਾ ਫਿਲਮ ਵਿਚ ਹਰਪ੍ਰੀਤ ਕੌਰ ਦਾ ਰੋਲ ਨਿਭਾ ਰਹੀ ਹੈ ਤਾਂ ਸੋਨਾਕਸ਼ੀ ਸਿੰਹਾ ਨਵਪ੍ਰੀਤ ਕੌਰ ਦੇ ਕਿਰਦਾਰ ਵਿਚ ਹਨ। ਕਰੀਬ ਢਾਈ ਮਿੰਟ ਦਾ ਇਹ ਟ੍ਰੇਲਰ ਮੌਜ - ਮਸਤੀ ਅਤੇ ਢੇਰ ਸਾਰੇ ਕੰਨਫਿਊਜਨ ਨਾਲ ਭਰਿਆ ਹੋਇਆ ਹੈ।  

ਇਸ ਵਾਰ ਚਾਇਨਾ ਵਿਚ ਧਮਾਲ ਮਚਾਏਗੀ ਹੈਪੀ - ਪਿਛਲੀ ਫਿਲਮ ਵਿਚ ਹੈਪੀ ਬਣੀ ਡਾਇਨਾ ਪੇਂਟੀ ਨੇ ਪਾਕਿਸਤਾਨ ਵਿਚ ਖੂਬ ਧਮਾਲ ਮਚਾਇਆ ਸੀ ਪਰ ਇਸ ਵਾਰ ਹੈਪੀ ਬਣੀ ਸੋਨਾਕਸ਼ੀ ਚਾਇਨਾ ਵਿਚ ਧਮਾਲ ਕਰਣ ਵਾਲੀ ਹੈ। ਟ੍ਰੇਲਰ ਤੋਂ ਇਹ ਸਾਫ਼ ਪਤਾ ਚੱਲਦਾ ਹੈ ਕਿ ਫਿਲਮ ਦੀ ਕਹਾਣੀ ਸੋਨਾਕਸ਼ੀ, ਜਿਮੀ ਸ਼ੇਰਗਿਲ ਅਤੇ ਜੱਸੀ ਗਿਲ ਦੇ ਆਲੇ ਦੁਆਲੇ ਘੁੰਮਦੀ ਹੈ।

ਇਨ੍ਹਾਂ ਦੇ ਨਾਲ ਪੀਊਸ਼ ਮਿਸ਼ਰਾ ਵੀ ਨਜ਼ਰ ਆਉਣਗੇ। ਆਨੰਦ ਐਲ. ਰਾਏ ਦੀ ਇਸ ਫਿਲਮ ਨੂੰ ਮੁਦੱਸਰ ਅਜੀਜ ਨੇ ਡਾਇਰੇਕਟ ਕੀਤਾ ਹੈ। ਟ੍ਰੇਲਰ ਤੋਂ ਪਹਿਲਾਂ ਫਿਲਮ ਦੇ ਚਾਰ ਟੀਜਰ ਵੀ ਰਿਲੀਜ ਹੋਏ ਹਨ। ਜਿਸ ਵਿਚ ਡਾਇਨਾ ਪੇਂਟੀ, ਪੀਊਸ਼ ਮਿਸ਼ਰਾ ਅਤੇ ਜਿੰਮੀ ਸ਼ੇਰਗਿਲ ਦੀ ਝਲਕ ਦੇਖਣ ਨੂੰ ਮਿਲੀ। ਹੈਪੀ ਫਿਰ ਭਾਗ ਜਾਵੇਗੀ 24 ਅਗਸਤ ਨੂੰ ਰਿਲੀਜ ਹੋਵੇਗੀ।