Gujarati Actress

ਅਹਿਮਦਾਬਾਦ (ਭਾਸ਼ਾ): ਗੁਜਰਾਤ ਦੇ ਅਹਿਮਦਾਬਾਦ ਵਿਚ ਪੁਲਿਸ ਨੇ ਇਕ ਗੁਜਰਾਤੀ ਅਦਾਕਾਰਾ ਨੂੰ ਉਸ ਦੇ ਇਕ ਸਾਥੀ ਦੇ ਨਾਲ ਗ੍ਰਿਫਤਾਰ ਕਰ ਲਿਆ ਹੈ। ਇਲਜ਼ਾਮ ਹੈ ਕਿ ਅਦਾਕਾਰਾ ਲੋਕਾਂ ਨੂੰ ਅਪਣੇ ਡਾਂਸ ਸ਼ੋਅ ਵਿਚ ਬੁਲਾ ਕੇ ਉਨ੍ਹਾਂ ਨੂੰ ਲੁੱਟ ਲੈਂਦੀ ਸੀ। ਉਹ ਲੋਕਾਂ ਦੀ ਅਸ਼ਲੀਲ ਵੀਡੀਓ ਬਣਾ ਕੇ ਉਨ੍ਹਾਂ ਨੂੰ ਬਲੈਕਮੀਲ ਵੀ ਕਰਦੀ ਸੀ। ਪੁਲਿਸ ਦੋਨਾਂ ਤੋਂ ਪੁੱਛ-ਗਿਛ ਕਰ ਰਹੀ ਹੈ। ਦਰਅਸਲ ਅਹਿਮਦਾਬਾਦ ਪੁਲਿਸ ਨੂੰ ਇਸ ਅਦਾਕਾਰਾ ਦੇ ਬਾਰੇ ਵਿਚ ਸ਼ਿਕਾਇਤ ਮਿਲ ਚੁੱਕੀ ਸੀ। ਪੁਲਿਸ ਨੇ ਪਹਿਲਾਂ ਇਸ ਮਾਮਲੇ ਦੀ ਜਾਂਚ ਕੀਤੀ ਅਤੇ ਜਦੋਂ ਹਕੀਕਤ ਸਾਹਮਣੇ ਆਈ ਤਾਂ ਝੱਟ-ਪੱਟ ਗੁਜਰਾਤੀ ਅਦਾਕਾਰਾ

ਸੰਜਨਾ ਉਰਫ ਸੰਜੂ ਅਤੇ ਉਸ ਦੇ ਸਾਥੀ ਸੈਯਦ ਮੋਇਨ ਅਲੀ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਨੇ ਜਦੋਂ ਦੋਨਾਂ ਤੋਂ ਪੁੱਛ-ਗਿਛ ਕੀਤੀ ਤਾਂ ਉਨ੍ਹਾਂ ਨੇ ਅਪਣਾ ਜੁਰਮ ਕਬੂਲ ਕਰ ਲਿਆ। ਪੁਲਿਸ ਨੇ ਦੱਸਿਆ ਕਿ ਸੰਜਨਾ ਨੇ ‘ਜਾਨੂੰ ਮਾਰੀ ਦਗਾਬਾਜ਼’ ਅਤੇ ‘ਵੰਸ ਮੋਰ ਬੇਵਫ਼ਾ’ ਵਰਗੀਆਂ ਗੁਜਰਾਤੀ ਐਲਬਮਾਂ ਵਿਚ ਕੰਮ ਕੀਤਾ ਹੈ ਪਰ ਇਨ੍ਹਾਂ ਦਿਨਾਂ ਉਸ ਦੇ ਕੋਲ ਕੰਮ ਨਹੀਂ ਸੀ ਅਤੇ ਉਸ ਦਾ ਪਤੀ ਵੀ ਬੇਰੋਜਗਾਰ ਹੈ। ਅਜਿਹੇ ਵਿਚ ਉਸ ਨੇ ਲੁੱਟ ਅਤੇ ਬਲੈਕਮੇਲਿੰਗ ਦਾ ਕੰਮ ਸ਼ੁਰੂ ਕਰ ਦਿਤਾ। ਉਹ ਅਪਣੇ ਸਾਥੀ ਮੋਇਨ ਦੇ ਨਾਲ ਮਿਲ ਕੇ ਡਾਂਸ ਸ਼ੋਅ ਕਰਦੀ ਸੀ। ਜਿਸ ਵਿਚ ਆਉਣ ਵਾਲੇ ਲੋਕਾਂ ਨੂੰ ਉਹ ਲੁੱਟ ਲੈਂਦੀ ਸੀ।

ਕੋਈ ਉਸ ਦੀ ਸ਼ਿਕਾਇਤ ਪੁਲਿਸ ਨੂੰ ਨਾ ਕਰ ਸਕੇ, ਇਸ ਦੇ ਲਈ ਉਹ ਲੋਕਾਂ ਦੇ ਅਸ਼ਲੀਲ ਵੀਡੀਓ ਬਣਾ ਕੇ ਉਨ੍ਹਾਂ ਨੂੰ ਵਾਇਰਲ ਕਰਨ ਦੀ ਧਮਕੀ ਦਿੰਦੀ ਸੀ। ਜਿਸ ਦੇ ਨਾਲ ਲੋਕ ਡਰ ਜਾਂਦੇ ਸਨ। ਪੁਲਿਸ ਦੇ ਮੁਤਾਬਕ ਸੰਜਨਾ ਨੇ ਕਾਫ਼ੀ ਸਮਾਂ ਪਹਿਲਾਂ ਅਪਣੇ ਪਤੀ ਨੂੰ ਛੱਡ ਦਿਤਾ ਸੀ। ਉਹ ਇਕੱਲੀ ਹੀ ਰਾਮੋਲ ਵਿਚ ਰਹਿਣ ਲੱਗੀ ਸੀ। ਇਸ ਦੌਰਾਨ ਉਸ ਦੀ ਮੁਲਾਕਾਤ ਸੈਯਦ ਮੋਇਨ ਅਲੀ ਨਾਲ ਹੋਈ। ਦੋਨੋਂ ਮਿਲ ਕੇ ਲੁੱਟ ਕਰਨ ਲੱਗੇ। ਸੰਜਨਾ ਉਸ ਮੋਇਨ ਦੇ ਨਾਲ ਰਹਿਣ ਲੱਗੀ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਨੋਂ ਇਕੱਠੇ ਰਹਿੰਦੇ ਸਨ। ਅਕਤੂਬਰ ਵਿਚ ਦੋਨਾਂ ਦੇ ਵਿਚ ਲੜਾਈ ਵੀ ਹੋਈ ਸੀ।

ਜਿਸ ਦੇ ਚਲਦੇ ਸੰਜਨਾ ਨੇ ਰਾਮੋਲ ਪੁਲਿਸ ਥਾਣੇ ਵਿਚ ਮੋਇਨ ਦੇ ਵਿਰੁਧ ਮੁਕੱਦਮਾ ਵੀ ਦਰਜ ਕਰਵਾਇਆ ਸੀ। ਹੁਣ ਪੁਲਿਸ ਦੋਨੋਂ ਤੋਂ ਪੁੱਛ-ਗਿਛ ਕਰ ਰਹੀ ਹੈ।