Diljit Dosanjh and lilly Singh

ਨਵੀਂ ਦਿੱਲੀ: ਪੰਜਾਬੀ ਕਲਾਕਾਰ ਦਲਜੀਤ ਸਿੰਘ ਗਾਇਕੀ ਅਤੇ ਐਕਟਿੰਗ ਦੇ ਮਾਲਕ ਹਨ। ਸੋਸ਼ਲ ਮੀਡੀਆ ’ਤੇ ਸੁਪਰ ਵੋਮੈਨ ਦੇ ਨਾਮ ਨਾਲ ਮਸ਼ਹੂਰ ਕੈਨੇਡੀਅਨ ਯੂਟਿਊਬ ਲਿਲੀ ਸਿੰਘ ਅਪਣੀ ਬੇਬਾਕੀ ਅਤੇ ਕਾਮੇਡੀ ਲਈ ਜਾਣੀ ਜਾਂਦੀ ਹੈ। ਜੇਕਰ ਦੋਵੇਂ ਇਕ ਦੂਜੇ ਦੇ ਸਾਹਮਣੇ ਹੋਣ ਤਾਂ ਧਮਾਲ ਹੋਣਾ ਲਾਜ਼ਮੀ ਹੈ। ਅਜਿਹਾ ਹੀ ਕੁਝ ਲਿਲੀ ਸਿੰਘ ਅਤੇ ਦਲਜੀਤ ਦੌਸਾਂਝ ਦੀ ਇਕ ਵੀਡੀਓ ਵਿਚ ਨਜ਼ਰ ਆ ਰਿਹਾ ਹੈ ਅਤੇ ਇਹ ਵੀਡੀਓ ਸੋਸ਼ਲ ਮੀਡੀਆ ਬਹੁਤ ’ਤੇ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਦੋਵੇਂ ਪੰਜਾਬੀ ਵਿਚ ਗੱਲਾਂ ਕਰ ਰਹੇ ਹਨ ਤੇ ਇਕ ਦੂਜੇ ਦਾ ਹਾਲ ਚਾਲ ਪੁੱਛ ਰਹੇ ਹਨ।

ਦਲਜੀਤ ਦੋਸਾਂਝ ਨੇ ਇਹ ਵੀਡੀਓ ਅਪਣੇ ਸੋਸ਼ਲ ਮੀਡੀਆ ਅਕਾਉਂਟ ’ਤੇ ਸ਼ੇਅਰ ਕੀਤੀ ਹੈ ਅਤੇ ਲਿਲੀ ਸਿੰਘ ਨਾਲ ਉਸ ਦਾ ਇਹ ਪੰਜਾਬੀ ਅੰਦਾਜ਼ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਦੇ ਐਪ ਇੰਸਟਾਗ੍ਰਾਮ ’ਤੇ ਹੁਣ ਤੱਕ ਲਗਭਗ ਦੋ ਲੱਖ ਵਾਰ ਵੇਖਿਆ ਜਾ ਚੁੱਕਾ ਹੈ। ਦਲਜੀਤ ਦੋਸਾਂਝ ਨੇ ਇੰਸਟਾਗ੍ਰਾਮ ’ਤੇ ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਲਿਖਿਆ ਹੈ ‘ਟੋਰਾਂਟੋ ਦੀ ਲਿਲੀ ਤੇ ਦੋਸਾਂਝਾਵਾਲਾ।’

ਇਸ ਤਰ੍ਹਾਂ ਦਲਜੀਤ ਦੋਸਾਂਝ ਨੇ ਅਪਣੇ ਦੇਸੀ ਅੰਦਾਜ਼ ਵਿਚ ਇਸ ਵੀਡੀਓ ਨੂੰ ਪੋਸਟ ਕੀਤਾ ਹੈ। ਲਿਲੀ ਸਿੰਘ ਅਤੇ ਦਲਜੀਤ ਦਾ ਦੇਸੀ ਅੰਦਾਜ਼ ਬਹੁਤ ਮਜ਼ੇਦਾਰ ਮੰਨਿਆ ਜਾ ਰਿਹਾ ਹੈ ਅਤੇ ਇਹਨਾਂ ਦੇ ਚਹੇਤਿਆਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ। ਦਲਜੀਤ ਸਿੰਘ ਪੰਜਾਬੀ ਸਿਨੇਮਾ ਅਤੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿਚ ਜਿੰਨੇ ਐਕਟਿਵ ਹਨ ਉੰਨੇ ਹੀ ਐਕਟਿਵ ਉਹ ਟੈਲੀਵਿਜ਼ਨ ਅਤੇ ਬਾਲੀਵੁੱਡ ਵਿਚ ਵੀ ਹਨ।

ਦਲਜੀਤ ਦੋਸਾਂਝ ਦੀ ਆਉਣ ਵਾਲੀ ਬਾਲੀਵੁੱਡ ਫਿਲਮ ਗੁੱਡ ਨਿਊਜ਼  ਹੈ ਜਿਸ ਵਿਚ ਉਹ ਅਕਸ਼ੈ ਕੁਮਾਰ ਅਤੇ ਕਰੀਨਾ ਕਪੂਰ ਨਾਲ ਨਜ਼ਰ ਆਉਣਗੇ। ਲਿਲੀ ਸੋਸ਼ਲ ਮੀਡੀਆ ਦੀ ਰਾਣੀ ਹੈ ਅਤੇ ਉਸ ਨੇ ਹਾਲ ਹੀ ਵਿਚ ਬਾਲੀਵੁੱਡ ਗਾਣਿਆਂ ਨੂੰ ਰੈਪ ਦੇ ਅੰਦਾਜ਼ ਵਿਚ ਗਾਇਆ ਸੀ ਅਤੇ ਉਸ ਦੀ ਇਹ ਵੀਡੀਓ ਦੁਨੀਆ ਵਿਚ ਬਹੁਤ ਪਸੰਦ ਕੀਤੀ ਗਈ ਸੀ।

ਵੇਖੋ ਵੀਡੀਓ: