ਦਾਰੂ ਪੀ ਕੇ ਅੱਤ ਚੁੱਕਣੀ ਮਾੜੀ ਗੱਲ ਹੈ ਪਰ ਬਿੰਨਾ ਦਾਰੂ ਪੀਤੇ ਤੁਸੀਂ ਗਾਣਾ ਗਾਓਗੇ ਤਾਂ ਤੁਹਾਨੂੰ ਕੋਈ ਕੁਝ ਨਹੀਂ ਕਹੇਗਾ। ਜਲਦ ਰਿਲੀਜ਼ ਹੋਣ ਵਾਲੀ ਫ਼ਿਲਮ ਮਿਸਟਰ ਐਂਡ ਮਿਸੇਜ਼ 420 ਰਿਟਰਨ ਦਾ ਨਵਾਂ ਗੀਤ ‘ਅੱਤ ਚੁੱਕਣੀ’ ਰਿਲੀਜ਼ ਹੋ ਚੁੱਕਿਆ ਹੈ ਅਤੇ ਪੂਰੀਆਂ ਧਮਾਲਾਂ ਪਾਉਣ ਵਾਲਾ ਗੀਤ ਹੈ।

ਇਸ ਗੀਤ ਵਿਚ ਜੱਸੀ ਗਿੱਲ, ਰਣਜੀਤ ਬਾਵਾ ਅਤੇ ਕਰਮਜੀਤ ਅਨਮੋਲ ਨੂੰ ਭੰਗੜਾ ਪਾਉਂਦੇ ਦੇਖ ਅਪਣਾ ਵੀ ਭੰਗੜਾ ਪਾਉਣ ਨੂੰ ਦਿਲ ਕਰ ਜਾਵੇਗਾ। ਇਸ ਗੀਤ ਦੇ ਬੋਲ ਲਿਖੇ ਹਨ ਕਬਲ ਸਰੂਪਵਾਲੀ ਨੇ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਰਣਜੀਤ ਬਾਵਾ ਨੇ ਕੁਝ ਘੰਟੇ ਪਹਿਲਾਂ ਹੀ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਜਿਸ ‘ਚ ਰਣਜੀਤ ਬਾਵਾ ਅਤੇ ਪਾਇਲ ਰਾਜਪੂਤ ਵੀ ਹੈ।

ਇਹ ਵੀਡੀਓ ਬਹੁਤ ਹੀ ਫਨੀ ਹੈ। ‘ਮਿਸਟਰ ਐਂਡ ਮਿਸੇਜ਼-420 ਰਿਟਰਨਜ਼’ ਹੁਣ ਜਲਦ ਹੀ ਦਰਸ਼ਕਾਂ ਦੇ ਸਾਹਮਣੇ ਹੋਵੇਗੀ। ਹਾਲ ਹੀ ਵਿਚ ਇਸ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ ਹੈ। ਇਸ ਫ਼ਿਲਮ ਨੂੰ ਕਸ਼ਿਤੀਜ ਚੌਧਰੀ ਡਾਇਰੈਕਟ ਕਰ ਰਹੇ ਹਨ। ਉੱਥੇ ਹੀ ਰੁਪਾਲੀ ਗੁਪਤਾ ਇਸ ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਜੇਕਰ ਸਟਾਰ ਕਾਸਟ ਦੀ ਗੱਲ ਕੀਤੀ ਜਾਵੇ ਤਾਂ ਰਣਜੀਤ ਬਾਵਾ, ਜੱਸੀ ਗਿੱਲ, ਪਾਇਲ ਰਾਜਪੂਤ ਨਜ਼ਰ ਆ ਰਹੇ ਹਨ। ਜਦਕਿ ਜਸਵਿੰਦਰ ਭੱਲਾ, ਕਰਮਜੀਤ ਅਨਮੋਲ, ਗੁਰਪ੍ਰੀਤ ਘੁੱਗੀ,ਅੰਕਿਤਾ ਦੇਵਗਨ,ਨਰੇਸ਼ ਕੁਥਾਰੀਆ ਤੇ ਗੁਰਮੀਤ ਸੱਜਣ।