Manmohan Ubhi

ਚੰਡੀਗੜ੍ਹ (ਸਸਸ) :- ਪਾਲੀਵੁਡ ਇੰਡਸਟਰੀ ਨੇ ਇੰਨੀ ਜ਼ਿਆਦਾ ਪ੍ਰਸਿੱਧੀ ਹਾਸਿਲ ਕਰ ਲਈ ਹੈ ਕਿ ਹੁਣ ਕਲਾਕਾਰਾਂ ਦੇ ਪੰਜਾਬ ‘ਚ ਹੀ ਨਹੀਂ ਬਲਕਿ ਵਿਦੇਸ਼ਾ ‘ਚ ਵੀ ਫੈਨਜ਼ ਹਨ ਜੋ ਉਹਨਾਂ ਨੂੰ ਬਹੁਤ ਪਿਆਰ ਕਰਦੇ ਹਨ। ਇੰਡਸਟਰੀ ਦੇ ਸਾਰੇ ਹੀ ਸਿਤਾਰੇ ਉਚਾਈਆਂ ਛੂੰਹ ਰਹੇ ਹਨ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਪਾਲੀਵੁਡ ਇੰਡਸਟਰੀ ‘ਚ ਇਕ ਬਹੁਤ ਹੀ ਯੰਗ ਮੁੰਡੇ ਨੇ ਐਂਟਰੀ ਕੀਤੀ ਹੈ ਜੋ ਕਿ ਪੰਜਾਬ ਮਤਲਬ ਕਿ ਲੁਧਿਆਣਾ ਦਾ ਰਹਿਣ ਵਾਲਾ ਹੈ, ਜਿਸ ਦਾ ਨਾਂਅ ਹੈ ਮਨਮੋਹਨ ਉੱਭੀ।

ਮਨਮੋਹਨ ਨੇ ਹਾਲ ਹੀ ‘ਚ ਆਪਣਾ ਡੈਬਿਊ ਗੀਤ ਗਾਇਆ ਹੈ, ਜਿਸ ਦਾ ਨਾਂਅ ਹੈ ‘ਗੁਲਾਬ ਜਿਹਾ ਮੁੰਡਾ’,ਇਹ ਗੀਤ ਉਹਨਾਂ ਦਾ ਡੈਬਿਊ ਟ੍ਰੈਕ ਹੈ, ਜੋ ਕਿ ਦਰਸ਼ਕਾਂ ਦੁਆਰਾ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਯੂਟਿਊਬ ‘ਤੇ ਟ੍ਰੈਂਡ ਕਰ ਰਿਹਾ ਹੈ। ਜੇਕਰ ਗੱਲ ਕੀਤੀ ਜਾਏ ਇਸ ਗੀਤ ਦੀ ਤਾਂ ਇਸ ‘ਚ ਐਕਟਿੰਗ ਵੀ ਉਹਨਾਂ ਨੇ ਆਪ ਹੀ ਕੀਤੀ ਹੈ।

ਉਹਨਾਂ ਦੇ ਗੀਤ ਨੂੰ ਪੰਜਾਬੀ ਗਾਇਕਾਂ ਅਤੇ ਦਰਸ਼ਕਾਂ ਦੁਆਰਾ ਬਹੁਤ ਹੀ ਭਰਵਾ ਹੁੰਗਾਰਾ ਮਿਲ ਰਿਹਾ ਹੈ। ਮਨਮੋਹਨ ਉੱਭੀ ਸਿਰਫ ਗਾਇਕੀ ‘ਚ ਹੀ ਨਹੀਂ ਬਲਕਿ ਹੋਰ ਕਾਰਜਾ ‘ਚ ਵੀ ਬਹੁਤ ਮਾਹਿਰ ਹਨ। ਉਹ ਬਹੁਤ ਹੀ ਵਧੀਆ ਰਾਈਟਰ ਹਨ। ਮਨਮੋਹਨ ਨੇ ਪਾਲੀਵੁਡ ਗਾਇਕਾਂ ਲਈ ਕਈ ਗੀਤ ਲਿਖੇ ਹਨ ਜੋ ਕਿ ਬਹੁਤ ਹੀ ਹਿੱਟ ਸਾਬਿਤ ਹੋਏ ਹਨ।

ਉਹਨਾਂ ਨੇ ਆਪਣੇ ਡੈਬਿਊ  ‘ਗੁਲਾਬ ਜਿਹਾ ਮੁੰਡਾ’ ਦੇ ਲੀਰੀਕਿਸ ਵੀ ਆਪ ਹੀ ਲਿਖੇ ਹਨ, ਜੋ ਕਿ ਇੱਕ ਰੋਮਾਂਟਿਕ ਗੀਤ ਹੈ। ਇਸ ਗੀਤ ਦਾ ਵੀਡੀਓ ‘ਆਪਣਾ ਬ੍ਰੈਂਡ ਐਂਟਰਟੇਨਮੈਂਟ’ ਮਤਲਬ ਕਿ ਕੁਲਜੀਤ ਸਿੰਘ ਦੁਆਰਾ ਬਣਾਇਆ  ਗਿਆ ਹੈ ਅਤੇ ਗੀਤ ਦਾ ਮਿਊਜ਼ਿਕ ਦਿੱਤਾ ਹੈ ਸਨੀ ਉੱਬੀ ਨੇ। ‘ਗੁਲਾਬ ਜਿਹਾ ਮੁੰਡਾ’ ਗੀਤ ਯੂਟਿਊਬ ‘ਤੇ 8 ਦਸੰਬਰ ਨੂੰ ਰਿਲੀਜ਼ ਹੋਇਆ ਸੀ।

 ਇਸ ਗੀਤ ਦਾ ਸਾਰਾ ਕ੍ਰੈਡਿਟ ਮਨਮੋਹਨ ਆਪਣੇ ਪਰਿਵਾਰ, ਆਪਣੇ ਦੋਸਤਾਂ ਅਤੇ ਚਾਹੁਣ ਵਾਲਿਆਂ ਨੂੰ ਦਿੰਦੇ ਹਨ। ਮਨਮੋਹਨ ਨੇ ਪਾਲੀਵੁਡ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦਿੱਤੇ ਹਨ ਜਿਹਨਾਂ ‘ਚ ਸ਼ਾਮਿਲ ਹਨ ‘ਮਾਂਝੇ ਦੀ ਜੱਟੀ’ ਜੋ ਕਿ ਕਨਵਰ ਗਰੇਵਾਲ ਦੁਆਰਾ ਗਾਇਆ ਗਿਆ ਸੀ, ‘ਪਿਆਰ ਦੀਆਂ ਠੱਗੀਆਂ’ ਜੋ ਕਿ ਮਨਮੋਹਨ ਨੇ ਆਪ ਹੀ ਲਿਖਿਆ ਅਤੇ ਗਾਇਆ ਸੀ।

ਮਨਮੋਹਨ ਇੱਕ ਬਹੁਤ ਹੀ ਮਿਡਲ ਕਲਾਸ ਫੈਮਿਲੀ ਤੋਂ ਬਿਲਾਂਗ ਕਰਦੇ ਹਨ। ਉਹਨਾਂ ਦੇ ਪਰਿਵਾਰ ‘ਚੋਂ ਕੋਈ ਵੀ ਇਸ ਫਿਲਡ ਦਾ ਨਹੀਂ ਹੈ। ਉਹਨਾਂ ਨੇ ਇਹ ਸਾਰੀ ਪ੍ਰਸਿੱਧੀ ਆਪਣੇ ਦਮ ‘ਤੇ ਹਾਸਿਲ ਕੀਤੀ ਹੈ। ਉਹਨਾਂ ਦਾ ਪਰਿਵਾਰ ਉਹਨਾਂ ਦੇ ਗਾਇਕੀ ਕਰੀਅਰ ਨੂੰ ਬਹੁਤ ਸਪੋਰਟ ਕਰਦਾ ਹੈ। ਮਨਮੋਹਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ।