‘ਬਣਜਾਰਾ: ਦ ਟਰੱਕ ਡਰਾਈਵਰ’ ਦੇ ਟ੍ਰੈਲਰ ਨਾਲ ਬੱਬੂ ਮਾਨ ਨੇ ਕੀਤਾ ਵੱਡਾ ਧਮਾਕਾ
ਪੰਜਾਬੀ ਇੰਡਸਟਰੀ ਦਿਨੋਂ ਦਿਨ ਅੱਗੇ ਵਧ ਰਹੀ ਹੈ, ਜਿਸ ‘ਚ ਬਹੁਤ ਵੱਡਾ ਹੱਥ.......
ਚੰਡੀਗੜ੍ਹ ( ਭਾਸ਼ਾ ): ਪੰਜਾਬੀ ਇੰਡਸਟਰੀ ਦਿਨੋਂ ਦਿਨ ਅੱਗੇ ਵਧ ਰਹੀ ਹੈ, ਜਿਸ ‘ਚ ਬਹੁਤ ਵੱਡਾ ਹੱਥ ਕਲਾਕਾਰ, ਲੇਖਕ, ਅਭਿਨੇਤਾ ਬੱਬੂ ਮਾਨ ਦਾ ਵੀ ਹੈ। ਬੱਬੂ ਮਾਨ ਨੇ ਬਾਜ਼, ਏਕਮ, ਹਸ਼ਰ, ਦੇਸ਼ੀ ਰੋਮਿਓ, ਰੱਬ ਨੇ ਬਣਾਈਆਂ ਜੋੜੀਆਂ ਵਰਗੀਆਂ ਕਈ ਹਿਟ ਫ਼ਿਲਮਾਂ ਪੰਜਾਬੀ ਸਿਨੇਮਾ ਨੂੰ ਦਿੱਤੀਆਂ ਹਨ ਅਤੇ ਇਸ ਸਾਲ ਪੰਜਾਬੀ ਸਿਨੇਮਾ ਨੇ ਕਾਮੇਡੀ ਤੋਂ ਅੱਗੇ ਵੀ ਕੁਝ ਵੱਖਰੀਆਂ ਕਹਾਣੀਆਂ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ। ਦੱਸ ਦਈਏ ਕਿ ਹੁਣ ਡਾਇਰੈਕਟਰ ਮੁਸ਼ਤਾਕ ਪਾਸ਼ਾ ਆਪਣੀ ਅਗਲੀ ਫ਼ਿਲਮ ‘ਬਣਜਾਰਾ: ਦ ਟਰੱਕ ਡਰਾਈਵਰ’ ਲੈ ਕੇ ਆ ਰਹੇ ਹਨ।
ਇਸ ਫ਼ਿਲਮ ਵਿਚ ਕਾਫੀ ਲੰਬੇ ਸਮੇਂ ਬਾਅਦ ਪਾਲੀਵੁੱਡ ਸਟਾਰ ਬੱਬੂ ਮਾਨ ਨਜ਼ਰ ਆਉਣਗੇ। ਬੱਬੂ ਮਾਨ ਨਾਲ ਫ਼ਿਲਮ ‘ਚ ਰਾਣਾ ਰਣਬੀਰ, ਸ਼ਰਧਾ ਆਰਿਆ, ਜਿਆ ਮੁਸਤਫਾ ਤੇ ਸਾਰਾ ਖਤਰੀ ਵੀ ਨਜ਼ਰ ਆਉਣਗੇ।‘ਬਣਜਾਰਾ’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ ਜਿਸ ਨੂੰ ਚੰਡੀਗੜ੍ਹ ਵਿਚ ਹੀ ਰਿਲੀਜ਼ ਕੀਤਾ ਗਿਆ। ਇਸ ਫ਼ਿਲਮ ਵਿਚ ਇਕ ਟਰੱਕ ਡਰਾਈਵਰ ਦੀ ਕਹਾਣੀ ਨਜ਼ਰ ਆ ਰਹੀ ਹੈ ਤੇ ਸਾਲ 1947 ਤੋਂ ਲੈ ਕੇ ਸਾਲ 2016 ਤਕ ਦੇ ਪੰਜਾਬ ਦਾ ਸਫ਼ਰ ਇਸ ਫ਼ਿਲਮ ਵਿਚ ਦਿਖਾਇਆ ਜਾਵੇਗਾ।
ਫ਼ਿਲਮ 3 ਪੀੜੀਆਂ ਦੀ ਕਹਾਣੀ ਨੂੰ ਦਰਸਾਉਂਦੀ ਹੈ ਜਿਸ ਦੀ ਖਾਸ ਗੱਲ ਹੈ ਕਿ ਤਿੰਨੋਂ ਪੀੜੀਆਂ ਦੀ ਕਹਾਣੀ ‘ਚ ਸਾਨੂੰ ਬੱਬੂ ਮਾਨ ਨਜ਼ਰ ਆਵੇਗਾ। ਫ਼ਿਲਮ ‘ਚ ਬੱਬੂ ਮਾਨ 3 ਅਹਿਮ ਕਿਰਦਾਰ ਨਿਭਾਅ ਰਿਹਾ ਹੈ। ਪਹਿਲਾ ਇਹ ਫ਼ਿਲਮ 14 ਸਤੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਸੀ ਪਰ ਫ਼ਿਰ ਰਿਲੀਜ਼ ਡੇਟ ਅੱਗੇ ਕਰ ਦਿਤੀ ਗਈ। ਫ਼ਿਲਮ 7 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ਇਸ ‘ਬਣਜਾਰਾ’ ਦੀ ਬਾਕਸ-ਆਫਿਸ ‘ਤੇ ਸੰਗ੍ਰਰਹਿ ਬਾਲੀਵੁੱਡ ਫ਼ਿਲਮ ‘ਠਗਸ ਆਫ ਹਿੰਦੁਸਤਾਨ’ ਨਾਲ ਹੋਣੀ ਹੈ। ਜਿਥੇ ਤਕ ਪੰਜਾਬ ਦੀ ਗੱਲ ਹੈ ਤਾਂ ਪੰਜਾਬ ‘ਚ ਬੱਬੂ ਮਾਨ ਦੇ ਅੱਗੇ ਕਿਸੇ ਹੋਰ ਫ਼ਿਲਮ ਦਾ ਟਿਕ ਪਾਉਣਾ ਮੁਸ਼ਕਲ ਹੀ ਨਹੀਂ ਨਾ-ਮੁਮਕਿਨ ਸਾਬਤ ਹੋ ਸਕਦਾ ਹੈ।
ਬੱਬੂ ਮਾਨ ਨੇ ਫ਼ਿਲਮਾਂ ਤੋਂ ਇਲਾਵਾ ਅਪਣਾ ਪੰਜਾਬੀ ਗੀਤਾਂ ਵਿਚ ਵੀ ਬਹੁਤ ਵੱਡਾ ਨਾਮ ਕਮਾਇਆ ਹੈ ਅਤੇ ਬਾਲੀਵੁੱਡ ਫ਼ਿਲਮਾਂ ਵਿਚ ਵੀ ਅਪਣੀਂ ਸੁਰੀਲੀ ਅਵਾਜ਼ ਵਿਚ ਕਈ ਗੀਤ ਗਾਏ। ਬੱਬੂ ਮਾਨ ਨੇ ਸਾਰੀ ਦੁਨਿਆ ਵਿਚ ਅਪਣੀਂ ਕਲਾ ਨਾਲ ਧਮਾਲਾਂ ਪਾਈਆਂ ਹਨ।