Fact check hd kumaraswamy son wedding lockdown bs yediyurappa karnatak corona virus

ਨਵੀਂ ਦਿੱਲੀ: ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਨੇ ਕੋਵਿਡ-19 ਲਾਕਡਾਊਨ ਦੌਰਾਨ ਪਿਛਲੇ ਸ਼ੁੱਕਰਵਾਰ ਨੂੰ ਅਪਣੇ ਬੇਟੇ ਦਾ ਵਿਆਹ ਕੀਤਾ ਸੀ। ਇਸ ਨੂੰ ਲੈ ਕੇ ਉਹਨਾਂ ਨੂੰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ। ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਅਜਿਹੇ ਸਮੇਂ ਵਿਚ ਵਿਆਹ ਦਾ ਪ੍ਰੋਗਰਾਮ ਕਰਵਾਉਣ ਲਈ ਕੁਮਾਰਸਵਾਮੀ ਦੀ ਨਿੰਦਾ ਕੀਤੀ ਕਿਉਂ ਕਿ ਦੁਨੀਆਭਰ ਦੇ ਵਿਗਿਆਨੀ ਭੀੜ ਤੋਂ ਬਚਣ ਤੇ ਜ਼ੋਰ ਦੇ ਰਹੇ ਹਨ।

ਕੁਮਾਰਸਵਾਮੀ ਦਾ ਕਹਿਣਾ ਹੈ ਕਿ ਸਮਾਰੋਹ ਵਿਚ ਪੂਰੀ ਸਾਵਧਾਨੀ ਵਾਲੇ ਕਦਮ ਚੁੱਕੇ ਗਏ ਸਨ। ਉਹਨਾਂ ਵੱਲੋਂ ਕੋਰੋਨਾ ਵਾਇਰਸ ਨੂੰ ਲੈ ਕੇ ਪੂਰੀਆਂ ਸਾਵਧਾਨੀਆਂ ਵਰਤੀਆਂ ਗਈਆਂ ਸਨ। ਇਸ ਦੇ ਚਲਦੇ ਸੋਸ਼ਲ ਮੀਡੀਆ ਤੇ ਇਕ ਪੋਸਟ ਵਾਇਰਲ ਹੋਈ ਹੈ ਜਿਸ ਵਿਚ ਇਕ ਤਸਵੀਰ ਵਿਚ ਕਰਨਾਟਕ ਦੇ ਮੁੱਖ ਮੰਤਰੀ ਬੀਐਸ ਯੇਦੀਯੁਰੱਪਾਵੀ ਦਿਖਾਈ ਦੇ ਰਹੇ ਹਨ। ਪੋਸਟ ਵਿਚ ਇਸਤੇਮਾਲ ਫੋਟੋ ਵਿਚ ਯੇਦੀਯੁਰੱਪਾ, ਕੁਮਾਰਸਵਾਮੀ ਅਤੇ ਲਾੜਾ-ਲਾੜੀ ਦੇ ਨਾਲ ਦਿਖਾਈ ਦੇ ਰਹੇ ਹਨ।

ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਲਾਕਡਾਊਨ ਦੇ ਬਾਵਜੂਦ ਸੀਐਮ ਯੇਦੀਯੁਰੱਪਾ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਵਿਚ ਸ਼ਾਮਲ ਹੋਏ ਹਨ। ਪੋਸਟ ਵਿਚ ਵਿਆਹ ਦੀ ਤਸਵੀਰ ਦੇ ਨਾਲ ਇਕ ਹੋਰ ਫੋਟੋ ਹੈ ਜਿਸ ਵਿਚ ਲਾਕਡਾਊਨ ਦਾ ਉਲੰਘਣ ਕਰਨ ਵਾਲਿਆਂ ਨੂੰ ਪੁਲਿਸ ਵਾਲੇ ਮੁਰਗਾ ਬਣਾ ਕੇ ਸਜ਼ਾ ਦਿੰਦੀ ਵਿਖਾਈ ਦੇ ਰਹੀ ਹੈ।

ਪੋਸਟ ਦਾ ਕੈਪਸ਼ਨ ਹਿੰਦੀ ਵਿਚ ਹੈ ਜਿਸ ਵਿਚ ਲਿਖਿਆ ਹੋਇਆ ਹੈ ਕਿ ਇਹ ਸੱਤਾ ਪੱਖ ਅਤੇ ਨਿਰਪੱਖ ਇਕੱਠੇ ਹਨ ਕਿਉਂ ਕਿ ਦੋਵੇਂ ਅਮੀਰ ਹਨ...ਲਾਕਡਾਊਨ ਦਾ ਪਾਲਣ ਕੇਵਲ ਗਰੀਬਾਂ ਲਈ ਹੈ, ਭੁੱਖੇ ਮਰ ਕੇ ਵੀ ਪੋਸਟ ਦਾ ਆਰਕਵਨ ਵਰਜ਼ਨ ਵੀ ਦੇਖਿਆ ਜਾ ਸਕਦਾ ਹੈ। ਇਕ ਮੀਡੀਆ ਰਿਪੋਰਟ ਵਿਚ ਦਸਿਆ ਗਿਆ ਕਿ ਵਾਇਰਲ ਹੋ ਰਹੀ ਪੋਸਟ ਗੁੰਮਰਾਹਕੁੰਨ ਹੈ।

ਜਿਹੜੀ ਪੋਸਟ ਵਿਚ ਯੇਦੀਯੁਰੱਪਾ ਦਿਖਾਈ ਦੇ ਰਹੇ ਹਨ ਉਹ ਫੋਟੋ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਦੀ ਨਹੀਂ ਬਲਕਿ ਮੰਗਣੀ ਦੀ ਹੈ। 10 ਫਰਵਰੀ 2020 ਨੂੰ ਸਵਾਮੀ ਦੇ ਬੇਟੇ ਦੀ ਬੈਂਗਲੁਰੂ ਵਿਚ ਮੰਗਣੀ ਹੋਈ ਸੀ, ਇਹ ਫੋਟੋ ਉਦੋਂ ਖਿੱਚੀ ਗਈ ਸੀ। ਉਸ ਸਮੇਂ ਲਾਕਡਾਊਨ ਲਾਗੂ ਨਹੀਂ ਸੀ। ਇਸ ਦੀ ਪੁਸ਼ਟੀ ਵਿਚ ਪਤਾ ਚੱਲਿਆ ਹੈ ਕਿ ਯੇਦਿਯੁਰੱਪਾ ਸ਼ੁੱਕਰਵਾਰ ਨੂੰ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਵਿਚ ਸ਼ਾਮਲ ਨਹੀਂ ਹੋਏ ਸਨ।

ਟਵਿੱਟਰ ਯੂਜ਼ਰ ਪਿੰਕੀ ਚੌਬੇ ਜੋ ਕਿ ਇਕ ਲੇਖਕ, ਰਾਜਨੀਤਿਕ ਵਿਸ਼ਲੇਸ਼ਕ ਅਤੇ ਸਮਾਜ ਸੇਵੀ ਹੋਣ ਦਾ ਦਾਅਵਾ ਕਰਦੀ ਹੈ, ਨੇ ਇਹ ਗੁੰਮਰਾਹਕੁੰਨ ਪੋਸਟ ਸ਼ਨੀਵਾਰ ਨੂੰ ਸਾਂਝੀ ਕੀਤੀ ਸੀ। ਉਹਨਾਂ ਦੇ ਟਵੀਟ ਨੂੰ 3,300 ਤੋਂ ਜ਼ਿਆਦਾ ਲੋਕਾਂ ਨੇ ਲਾਈਕ ਕੀਤਾ ਅਤੇ 1,000 ਤੋਂ ਜ਼ਿਆਦਾ ਲੋਕਾਂ ਨੇ ਰੀਵਟੀਟ ਕੀਤਾ। ਇਹ ਪੋਸਟ ਫੇਸਬੁੱਕ ਤੇ ਵਾਇਰਲ ਹੋਈ ਹੈ। ਰਿਵਰਸ ਸਰਚ ਦੀ ਮਦਦ ਨਾਲ ਇਕ ਮੀਡੀਆ ਰਿਪੋਰਟਾਂ ਮਿਲੀਆਂ ਹਨ ਜਿਹਨਾਂ ਵਿਚ ਵਾਇਰਲ ਫੋਟੋ ਦਾ ਇਸਤੇਮਾਲ ਕੀਤਾ ਗਿਆ ਹੈ।

ਇਹ ਤਸਵੀਰ 10 ਫਰਵਰੀ 2020 ਨੂੰ ਖਿੱਚੀ ਗਈ ਸੀ ਜਦੋਂ ਕੁਮਾਰਸਵਾਮੀ ਦੇ ਬੇਟੇ ਨਿਖਿਲ ਦੀ ਮੰਗਣੀ ਵਿਚ ਬੈਂਗਲੁਰੂ ਤੇ ਤਾਜ ਵੈਸਟ ਐਂਡ ਵਿਚ ਯੇਦੀਯੁਰੱਪਾ ਸ਼ਾਮਲ ਹੋਏ ਸਨ। ਯੇਦੀਯੁਰੱਪਾ ਦੇ ਰਾਜਨੀਤਿਕ ਸਲਾਹਕਾਰ ਐਮਬੀ ਮਾਰਮਕਲ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ।

ਉਹਨਾਂ ਕਿਹਾ ਕਿ ਵਾਇਰਲ ਹੋ ਰਹੀ ਤਸਵੀਰ ਨਿਖਿਲ ਦੇ ਵਿਆਹ ਦੀ ਹੈ ਉਹਨਾਂ ਦੇ ਵਿਆਹ ਵਿਚ ਮੁੱਖ ਮੰਤਰੀ ਦੇ ਪਰਿਵਾਰ ਚੋਂ ਕੋਈ ਵੀ ਸ਼ਾਮਲ ਨਹੀਂ ਹੋਇਆ ਸੀ। ਇਸ ਤਰ੍ਹਾਂ ਸਪੱਸ਼ਟ ਹੈ ਕਿ ਵਾਇਰਲ ਹੋ ਰਹੀ ਤਸਵੀਰ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਦੀ ਨਹੀਂ ਬਲਕਿ ਮੰਗਣੀ ਦੀ ਹੈ ਜੋ ਕਿ ਦੋ ਮਹੀਨੇ ਪਹਿਲਾਂ ਹੋਈ ਸੀ।

ਦਾਅਵਾ- ਲਾਕਡਾਊਨ ਦੇ ਨਿਯਮਾਂ ਨੂੰ ਤੋੜ ਕੇ ਕਰਨਾਟਕ ਦੇ ਮੁੱਖ ਮੰਤਰੀ ਬੀਐਸ ਯੇਦੀਯੁਰੱਪਾ ਨੇ ਸਾਬਕਾ ਮੁੱਖ ਮੰਤਰੀ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਵਿੱਚ ਸ਼ਿਰਕਤ ਕੀਤੀ। 

ਦਾਅਵਾ ਸਮੀਖਿਆ- ਵਾਇਰਲ ਹੋਈ ਫੋਟੋ ਕੁਮਾਰਸਵਾਮੀ ਦੇ ਬੇਟੇ ਦੀ ਮੰਗਣੀ ਦੀ ਹੈ ਜੋ ਕਿ ਦੋ ਮਹੀਨੇ ਪਹਿਲਾਂ ਹੋਈ ਸੀ। ਮੁੱਖ ਕਰਨਾਟਕ ਦੇ ਮੰਤਰੀ ਬੀਐਸ ਯੇਦੀਯੁਰੱਪਾ ਕੁਮਾਰਸਵਾਮੀ ਦੇ ਬੇਟੇ ਦੇ ਵਿਆਹ ਵਿੱਚ ਸ਼ਾਮਲ ਨਹੀਂ ਹੋਏ ਸਨ।

ਤੱਥਾਂ ਦੀ ਜਾਂਚ- ਇਹ ਖ਼ਬਰ ਝੂਠੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।